മരടിലെ ഫ്ലാറ്റുകൾ പൊളിക്കാൻ താൽപര്യമറിയിച്ച്​ 13 കമ്പനികൾ

കൊച്ചി: മരടിലെ ഫ്ലാറ്റുകൾ പൊളിച്ചു നീക്കാനുള്ള കമ്പനികളുടെ പട്ടിക തയാറായതായി നഗരസഭ. 13 കമ്പനികളാണ്​ ഫ്ലാറ്റ ുകൾ പൊളിക്കാൻ സന്നദ്ധരായി താൽപര്യപത്രം നൽകിയത്​. മുഴുവൻ കമ്പനികളും കേരളത്തിന്​ പുറത്തു നിന്നുള്ളവയാണ്​. ചെന്നൈ, ഹൈദരാബാദ്​​, ബംഗളൂരു എന്നിവിടങ്ങളിൽ നിന്നുള്ള കമ്പനികളാണ്​ നഗരസഭയിൽ അപേക്ഷ നൽകിയത്​.

ഫ്ലാറ്റുകൾ പൊളിക്കാൻ താത്​പര്യപത്രം സമർപ്പിക്കാനുള്ള സമയപരിധി അവസാനിച്ചിരുന്നു. തയാറായ കമ്പനികളിൽ നിന്ന്​ ഒരു കമ്പനിയെ വിദഗ്​ധ സംഘം നിശ്​ചയിക്കും. ഫ്ലാറ്റുകൾ പൊളിച്ചു നീക്കണമെന്ന്​ സുപ്രീംകോടതി ഉത്തരവിട്ടതന്​ പിന്നാലെ അതിനായി താത്​പര്യമുള്ള കമ്പനികളിൽ നിന്ന്​ നഗരസഭ അപേക്ഷ ക്ഷണിച്ചിരുന്നു.

30 കോടി രൂപയാണ്​ ഫ്ലാറ്റുകൾ പൊളിക്കാനായി പ്രതീക്ഷിക്കുന്ന അടിസ്ഥാന ചെലവ്​. ഈ തുക തങ്ങൾക്ക്​ താങ്ങാൻ കഴിയില്ലെന്ന കാര്യം നഗരസഭ സർക്കാറിനെ അറിയിച്ചേക്കും.