തീരമേഖലക്കായി 11,000 കോടിയുടെ പാക്കേജ്​

തിരുവനന്തപുരം: കാലവർഷകെടുതിയിൽ കടുത്ത പ്രതിസന്ധി അഭിമുഖീകരിക്കുന്ന തീരമേഖലക്കായി 11,000 കോടിയുടെ പാക്കേജ്​. ദീർഘകാല അടിസ്ഥാനത്തിൽ തീരസംരക്ഷണത്തിനുള്ള പദ്ധതികളാണ്​ ബജറ്റിൽ വിഭാവനം ചെയ്യുന്നത്​.

കടൽഭിത്തി നിർമാണത്തിന്​ കിഫ്​ബി വഴി 2300 കോടി നൽകുമെന്ന്​ ധനമന്ത്രി അറിയിച്ചു. തീരദേശത്തി​െൻറ വികസനത്തെ സഹായിക്കുന്ന തീരദേശ ഹൈവേ എത്രയും പെ​ട്ടെന്ന്​ പൂർത്തിയാക്കും. നാല്​ വർഷം കൊണ്ടാവും 18,000 കോടിയുടെ പദ്ധതികൾ തീരദേശത്ത്​ പൂർത്തീകരിക്കുക. കടലാക്രണത്തിന്​ ശാസ്​ത്രീയ പരിഹാരം കാണുമെന്നും ധനമന്ത്രി വ്യക്​തമാക്കി.

കേരളത്തിലെ തീരദേശം കടുത്ത പ്രതിസന്ധി അഭിമുഖീകരിക്കുന്ന സാഹചര്യത്തിലാണ്​ ധനമന്ത്രി പ്രത്യേക പാക്കേജ്​ പ്രഖ്യാപിച്ചത്​. കടലാക്രണവും തീരശോഷണവും മൂലം പ്രതിസന്ധി അനുഭവിക്കുന്ന തീരദേശജനതക്കായി പ്രത്യേക പാക്കേജ്​ വേണമെന്ന്​ ആവശ്യമുയർന്നിരുന്നു.