തോർത്ത് മുണ്ട് കഴുത്തിൽ കുരുങ്ങി വിദ്യാർഥി മരിച്ചു

കണ്ണൂർ: കണ്ണൂരിൽ തോർത്ത് കഴുത്തിൽ കുരുങ്ങി വിദ്യാർഥി മരിച്ചു. പെരുമാച്ചേരിയിലെ സുരേശൻ-ഷീബ ദമ്പതികളുടെ മകൻ കെ. ഭഗത് ദേവ് (11) ആണ് മരിച്ചത്.

ബുധനാഴ്ച വൈകീട്ട് വീട്ടിൽ വെച്ചാണ് അപകടം സംഭവിച്ചത്. ഉടനെ ആശുപത്രിയിൽ എത്തിച്ചെങ്കിലും രക്ഷിക്കാൻ കഴിഞ്ഞില്ല.

ചെക്കിക്കുളം രാധാകൃഷ്ണ എ.യു.പി സ്കൂളിലെ ആറാം ക്ലാസ് വിദ്യാർഥിയാണ് ഭഗത്. ഗോകുൽ സഹോദരനാണ്.

മൃതദേഹം പോസ്റ്റ്മോർട്ടം നടപടികൾക്ക് ശേഷം സംസ്കരിക്കും.