മനുഷ്യക്കടത്തിന്​ ശ്രമം​: കൊല്ലത്ത്​ 11 ശ്രീലങ്കൻ വംശജർ പിടിയിൽ

കൊ​ല്ലം: കൊ​ല്ലം തീ​രം​വ​ഴി ബോ​ട്ടി​ൽ വി​ദേ​ശ​രാ​ജ്യ​ങ്ങ​ളി​ലേ​ക്ക്​​ ക​ട​ക്കാ​ൻ​ ന​ഗ​ര​ത്തി​ലെ​ത്തി​യ 11 ശ്രീ​ല​ങ്ക സ്വ​ദേ​ശി​ക​ൾ പൊ​ലീ​സ്​ പി​ടി​യി​ൽ. ത​മി​ഴ്​​നാ​ട്ടി​ലെ ശ്രീ​ല​ങ്ക​ൻ അ​ഭ​യാ​ർ​ഥി​ക്യാ​മ്പി​ൽ​നി​ന്നു​ള്ള ഒ​മ്പ​തു​ പേ​രും സ​ന്ദ​ർ​ശ​ക വി​സ​യി​ലെ​ത്തി​യ ര​ണ്ട്​ ശ്രീ​ല​ങ്ക സ്വ​ദേ​ശി​ക​ളു​മാ​ണ്​ കൊ​ല്ലം ചി​ന്ന​ക്ക​ട​യി​ലെ സ്വ​കാ​ര്യ ലോ​ഡ്ജി​ൽ​നി​ന്ന്​ പി​ടി​യി​ലാ​യ​ത്.

ശ്രീ​ല​ങ്ക​ക്കാ​രാ​യ കു​ച്ച​വേ​ളി തി​രു​കോ​ണ​മ​ല പ​വി​ത്ര​ൻ (27), ട്രി​ങ്കോ​മാ​ലി തി​രു​ക്ക​ട​ലൂ​ർ സു​ദ​ർ​ശ​ന​ൻ (27), വി​വി​ധ അ​ഭ​യാ​ർ​ഥി ക്യാ​മ്പു​ക​ളി​ൽ ക​ഴി​യു​ന്ന വാ​ള​വ​ന്താ​ൻ കോ​ട്ടൈ ജ​ദൂ​ർ​സ​ൺ (21), തി​രു​നെ​ൽ​വേ​ലി വെ​ങ്കേ​ക്കു​ണ്ടം ക​ള​ഞ്ഞി​യ​ർ കോ​ള​നി​യി​ൽ പ്ര​കാ​ശ്​​രാ​ജ്​ (22), വാ​ഴ​വ​ന്താ​ൻ കോ​ൈ​ട്ട​യി​ൽ അ​ജ​യ് (24), മ​തി​വ​ണ്ണ​ൻ (35), ക്വീ​ൻ​സ്​ രാ​ജ് (22), പ്ര​സാ​ദ് (24), ശ​ര​വ​ണ​ൻ (24), ചെ​ന്നൈ പൂ​ല​ൽ കാ​വ​ങ്ക​ര​യി​ൽ ദി​നേ​ശ്കു​മാ​ർ (36),തെ​ങ്കാ​ശി ക​ട​യ​ന​ല്ലൂ​ർ ഇ​ല​ങ്ങ അ​ഗ​തി​യി​ൽ​മു​ഖം ന​വ​നീ​ത​ൻ(24) എ​ന്നി​വ​രാ​ണ് അ​റ​സ്റ്റി​ലാ​യ​ത്.

കൊ​ളം​ബോ സ്വ​ദേ​ശി​യാ​യ ല​ക്ഷ്മ​ണ​നാ​ണ് മ​നു​ഷ്യ​ക്ക​ട​ത്തി​ന് പി​ന്നി​ലെ​ന്ന് പൊ​ലീ​സി​ന് വി​വ​രം ല​ഭി​ച്ചി​ട്ടു​ണ്ട്. കൊ​ല്ലം ചി​ന്ന​ക്ക​ട ബീ​ച്ച്​ റോ​ഡി​ലു​ള്ള ലോ​ഡ്ജി​ൽ തി​ങ്ക​ളാ​ഴ്ച പു​ല​ർ​ച്ച ര​ണ്ട​ര​യോ​ടെ ​ഈ​സ്റ്റ്​ പൊ​ലീ​സ്​ ന​ട​ത്തി​യ റെ​യ്​​ഡി​ലാ​ണ്​ മൂ​ന്ന്​ മു​റി​ക​ളി​ലാ​യി താ​മ​സി​ച്ചി​രു​ന്ന സം​ഘം പി​ടി​യി​ലാ​യ​ത്. ര​ണ്ടു ല​ക്ഷം രൂ​പ വീ​തം ന​ൽ​കി​യാ​ൽ ആ​സ്‌​േ​ട്ര​ലി​യ, കാ​ന​ഡ, ന്യൂ​സി​ല​ൻ​ഡ്​ എ​ന്നീ രാ​ജ്യ​ങ്ങ​ളി​ലേ​ക്ക്​ ബോ​ട്ട്​​മാ​ർ​ഗം എ​ത്തി​ക്കാ​മെ​ന്ന ശ്രീ​ല​ങ്ക സ്വ​ദേ​ശി​യാ​യ ല​ക്ഷ്മ​ണ എ​ന്ന ഏ​ജ​ന്‍റി​ന്‍റെ ഉ​റ​പ്പ്​ വി​ശ്വ​സി​ച്ചാ​ണ്​ സം​ഘം എ​ത്തി​യ​ത​ത്രെ.

കൊ​ളം​ബോ​യി​ൽ​നി​ന്ന്​ സ​ന്ദ​ർ​ശ​ക വി​സ​യി​ൽ ജൂ​ലൈ 20ന് ​ചെ​ന്നൈ​യി​ലെ​ത്തി​യ ട്രി​ങ്കോ​മാ​ലി സ്വ​ദേ​ശി​ക​ളാ​യ ര​ണ്ടു​പേ​രെ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ് മ​നു​ഷ്യ​ക്ക​ട​ത്ത് സം​ബ​ന്ധി​ച്ച വി​വ​ര​ങ്ങ​ൾ ല​ഭി​ച്ച​ത്. ര​ണ്ടു സം​ഘ​ങ്ങ​ളാ​യാ​ണ്​ ശ​നി, ഞാ​യ​ർ ദി​വ​സ​ങ്ങ​ളി​ൽ ഇ​വ​ർ കൊ​ല്ല​ത്തെ​ത്തി​യ​ത്. ശ്രീ​ല​ങ്ക​ൻ അ​ഭ​യാ​ർ​ഥി സം​ഘം ജി​ല്ല​യി​ലെ​ത്തി​യ​താ​യി ഞാ​യ​റാ​ഴ്​​ച രാ​ത്രി പ​ത്തോ​ടെ ത​മി​ഴ്​​നാ​ട്​ ക്യു ​ബ്രാ​ഞ്ച്​ കൊ​ല്ലം സി​റ്റി പൊ​ലീ​സി​ന് അ​റി​യി​പ്പ് ന​ൽ​കു​ക​യാ​യി​രു​ന്നു. മൂ​ന്നു പേ​രു​ടെ ചി​ത്ര​വും പേ​രും വി​വ​ര​ങ്ങ​ളും ല​ഭി​ച്ച​തോ​ടെ മൊ​ബൈ​ൽ ട​വ​ർ ലൊ​ക്കേ​ഷ​ൻ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ ന​ഗ​ര​ത്തി​ലെ ലോ​ഡ്​​ജി​ൽ ഇ​വ​രെ ക​ണ്ടെ​ത്തി​യ​ത്.