രണ്ടു വർഷത്തിനിടെ പിടികൂടിയത് 1003 കിലോ സ്വർണം

കൊച്ചി: രണ്ടു വർഷത്തിനിടെ സംസ്ഥാനത്ത്​ ​കസ്റ്റംസ് പിടികൂടിയത് നികുതി വെട്ടിച്ച് കടത്തിയ 1003 കിലോ സ്വർണം. രാജു വാഴക്കാലയുടെ വിവരാവകാശ അപേക്ഷക്ക്​ കസ്റ്റംസ് അസി. കമീഷണർ നൽകിയ മറുപടിയിലാണ് ഇക്കാര്യം വ്യക്തമാക്കിയത്.

2021 മാർച്ച് ഒന്നു മുതൽ 2022 ഡിസംബർ 31വരെയുള്ളതാണ് ഈ കണക്ക്. ഇക്കാലയളവിൽ നികുതി വെട്ടിച്ച് സ്വർണം കടത്തിയതിന് 1197 കേസ്​ രജിസ്റ്റർ ചെയ്യുകയും 641 പേരെ പിടികൂടുകയും ചെയ്തു. 1,36,06,724 രൂപയാണ്​ പിഴ ഈടാക്കിയത്​.