ഭർത്താവുമായി പിണങ്ങി വീടുവിട്ടിറങ്ങിയ യുവതിയെയും കുട്ടികളെയും പൊലീസ് വീട്ടിലേക്കയച്ചു

ആലുവ: വീടുവിട്ടിറങ്ങിയ യുവതിയെയും കുട്ടികളെയും പൊലീസ് ഭർത്താവിനൊപ്പം അയച്ചു. ഭര്‍ത്താവുമായി പിണങ്ങി ഒരു വയസുള്ള ഇരട്ട കുട്ടികളുമായി വീടുവിട്ടിറങ്ങിയ യുവതിയെയാണ് പൊലീസ് വീട്ടിലേക്ക് തിരികെ അ‍യച്ചത്. ചൊവ്വാഴ്ച വൈകീട്ട് 5.30നായിരുന്നു സംഭവം.

ആലുവ കണ്‍ട്രോള്‍ റൂമിലെ ക്യാമറയിൽ രണ്ട് കൈകുഞ്ഞുങ്ങളുമായി യുവതി അസ്വഭാവികമായി നടന്നു പോകുന്ന ദൃശ്യം കാണുകയായിരുന്നു. ഇവര്‍ ഉടനെ പിങ്ക് പോലീസിനെ വിവരം അറിയിച്ചു. അവര്‍ സ്ഥലത്തെത്തി യുവതിയെ കണ്ടെത്തി.

കടുങ്ങല്ലൂര്‍ കൈയന്റിക്കര സ്വദേശിനിയായ യുവതിയാണ് വീട് വിട്ടു ആലുവ മണപ്പുറത്തെത്തിയത്. ഭര്‍ത്താവിനേയും വീട്ടുകാരേയും വിളിച്ചു വരുത്തി. പ്രശ്‌നങ്ങള്‍ രമ്യമായി പരിഹരിക്കാന്‍ നിര്‍ദ്ദേശം നല്‍കിയാണ് ഭര്‍ത്താവിനോടൊപ്പം യുവതിയേയും കുട്ടികളേയും വിട്ടയച്ചത്.