ഈ നാദമാണ് ഇന്നീ കണ്ണുകളുടെ വെളിച്ചം

കോ​ഴി​ക്കോ​ട്: ഒ​രി​ക്ക​ൽ ഈ ​അ​ച്ഛ​ൻ ക​ണ്ട കാ​ഴ്ച​ക​ളൊ​ക്കെ​യും ഈ ​മ​ക​നെ​പ്പ​റ്റി​യാ​യി​രു​ന്നു. താ​ൻ തോ​റ്റു​പോ​യ ജീ​വി​ത മ​ത്സ​ര​ങ്ങ​ളി​ൽ ത​ന്‍റെ മ​ക​നെ ജ​യി​പ്പി​ക്ക​ണ​മെ​ന്ന വാ​ശി​യാ​യി​രു​ന്നു ജ​യ​രാ​ജി​ന്. 61ാമ​ത് സം​സ്ഥാ​ന സ്കൂ​ൾ ക​ലോ​ത്സ​വ​ത്തി​ൽ ഓ​ട​ക്കു​ഴ​ലി​ലും ക്ലാ​ർ​നെ​റ്റി​ലും നാ​ദ​സ്വ​ര​ത്തി​ലും എ​ച്ച്.​എ​സ്.​എ​സ് വി​ഭാ​ഗ​ത്തി​ൽ എ ​ഗ്രേ​ഡോ​ടെ വി​ജ​യി​ച്ച് ആ​ദ​ർ​ശ് എ​ത്തു​മ്പോ​ൾ ജ​യ​രാ​ജി​ന്‍റെ സ്വ​പ്ന​വും ആ​ഗ്ര​ഹ​വു​മാ​ണ് സ​ഫ​ല​മാ​യ​ത്. പ​ക്ഷേ അ​ത് നേ​രി​ൽ കാ​ണാ​ൻ ഇ​ന്ന് ജ​യ​രാ​ജി​ന്‍റെ ക​ണ്ണു​ക​ളി​ൽ വെ​ളി​ച്ച​മി​ല്ലെ​ന്ന് മാ​ത്രം.

മാ​ന​ന്ത​വാ​ടി പ​ന​വ​ല്ലി ഗ​വ.​എ​ൽ.​പി സ്കൂ​ളി​ലെ അ​ധ്യാ​പ​ക​നാ​യ സി.​ആ​ർ. ജ​യ​രാ​ജാ​ണ് മ​ക​ന്‍ ആ​ദ​ർ​ശ് രാ​ജി​ന്‍റെ ഗു​രു. ക​ണ്ണി​ന്‍റെ ഞ​ര​മ്പി​ന് ബാ​ധി​ച്ച രോ​ഗം മൂ​ലം കാ​ഴ്ച പ​തി​യെ പൂ​ർ​ണ​മാ​യി ന​ഷ്ട​പ്പെ​ടു​മെ​ന്ന് ഡോ​ക്ട​ർ​മാ​ർ മു​ന്ന​റി​യി​പ്പ് ന​ൽ​കി​യ​തോ​ടെ​യാ​ണ് കീ ​ബോ​ഡ്, ഹാ​ർ​മോ​ണി​യം, ചെ​ണ്ട, നാ​ദ​സ്വ​രം, ഓ​ട​ക്കു​ഴ​ൽ, സാ​ക്സ​ഫോ​ൺ, ക്ലാ​ർ​നെ​റ്റ് തു​ട​ങ്ങി​യ​വ​യി​ൽ അ​ഗ്ര​ഗ​ണ്യ​നാ​യ ജ​യ​രാ​ജ് ത​ന്‍റെ മ​ക​നും ചെ​റു​പ്രാ​യ​ത്തി​ൽ ത​ന്നെ നാ​ദ​ക​ല​യു​ടെ ബാ​ല​പാ​ഠ​ങ്ങ​ൾ പ​ക​ർ​ന്നു​ന​ൽ​കി​യ​ത്. ജ​യ​രാ​ജി​ന്‍റെ പ്ര​തീ​ക്ഷ​ക​ൾ തെ​റ്റി​യി​ല്ല. അ​ച്ഛ​നെ​ക്കാ​ളും കേ​മ​നെ​ന്ന് നാ​ട്ടു​കാ​രെ​ക്കൊ​ണ്ട് പ​റ​യി​പ്പി​ക്കാ​ൻ ആ​ദ​ർ​ശി​ന് അ​ധി​ക​കാ​ലം വേ​ണ്ടി​വ​ന്നി​ല്ല.

ര​ണ്ട​ര​വ​ർ​ഷം മു​മ്പാ​ണ് കാ​ഴ്ച പൂ​ർ​ണ​മാ​യും ഈ ​അ​ധ്യാ​പ​ക​നെ വി​ട്ട​ക​ന്നു. പ​ക്ഷേ അ​ക​ക്ക​ണ്ണി​ന്‍റെ വെ​ളി​ച്ച​ത്തി​ൽ ജ​യ​രാ​ജ് മ​ക​നെ പ​രി​ശീ​ലി​പ്പി​ച്ചു. അ​വ​ന്‍റെ നാ​ദ​മാ​യി​രു​ന്നു ഈ ​അ​ച്ഛ​നെ ഓ​രോ ദി​വ​സ​വും മു​ന്നോ​ട്ടു​ന​യി​ച്ച​ത്. അ​മ്മ പ​ന​വ​ല്ലി ഗ​വ. എ​ൽ.​പി സ്കൂ​ളി​ലെ അ​ധ്യ​പി​ക​യു​മാ​യ സീ​മ​യും ഇ​രു​വ​ർ​ക്കും ഒ​പ്പം നി​ന്നു.

2019ലെ ​സം​സ്ഥാ​ന സ്കൂ​ൾ ക​ലോ​ത്സ​വ​ത്തി​ൽ നാ​ദ​സ്വ​ര​ത്തി​നും ഓ​ട​ക്കു​ഴ​ലി​നും എ ​ഗ്രേ​ഡ് നേ​ടി​യ മാ​ന​ന്ത​വാ​ടി എം.​ജി.​എം എ​ച്ച്.​എ​സ്.​എ​സി​ലെ പ്ല​സ് വ​ൺ വി​ദ്യാ​ർ​ഥി ഇ​ത്ത​വ​ണ ക്ലാ​ർ​നെ​റ്റും കൂ​ടി കൈ​യി​ലെ​ടു​ത്താ​ണ് കോ​ഴി​ക്കോ​ട് സം​ഗീ​ത​വി​സ്മ​യം തീ​ർ​ത്ത​ത്.

സം​ഗീ​ത​ത്തി​ലും ജീ​വി​ത​ത്തി​ലും ഒ​രി​ട​ത്തും കാ​ലി​ട​റാ​തെ കാ​ക്കു​ന്ന ഈ ​അ​ച്ഛ​നാ​ണ് ഇ​ന്നും ആ​ദ​ർ​ശി​ന്‍റെ ക​രു​ത്ത്. ഭാ​വി​യി​ൽ ആ​രാ​ക​ണ​മെ​ന്ന് ചോ​ദി​ച്ചാ​ൽ ആ​ദ​ർ​ശ് പ​റ​യും ‘ചു​ണ്ട​ന​ക്കാ​തെ ചി​രി​ക്കു​ക​യും ക​ണ്ണു​നീ​ർ പൊ​ടി​യാ​തെ ക​ര​യു​ക​യും ചെ​യ്യു​ന്ന എ​ന്‍റെ അ​ച്ഛ​നെ​പ്പോ​ലെ​യാ​ക​ണം.’