ജ്യേഷ്ഠനും അനുജത്തിക്കും ഒറ്റകൈയടി

സ്കൂ​ൾ ക​ലോ​ത്സ​വ​ത്തി​ൽ താ​ര​ങ്ങ​ളാ​യി ജ്യേ​ഷ്ഠ​നും അ​നു​ജ​ത്തി​യും. ആ​നു​കാ​ലി​ക വി​ഷ​യ​ങ്ങ​ളെ അ​നു​ക​ര​ണ​ക​ല​യി​ലൂ​ടെ​യും ജീ​വ​ച​രി​ത്ര​ങ്ങ​ളെ മോ​ണോ​ആ​ക്ടി​ലൂ​ടെ​യും അ​വ​ത​രി​പ്പി​ച്ചാ​ണ് പാ​ല​ക്കാ​ട് മ​ണ്ണാ​ർ​ക്കാ​ട് എം.​ഇ.​എ​സ് എ​ച്ച്.​എ​സി​ലെ കെ. ​സാ​ന്ദ്ര​യും ക​ല്ല​ടി എ​ച്ച്.​എ​സ്.​എ​സി​ലെ സം​ജി​ത് കെ. ​ദാ​സും എ ​ഗ്രേ​ഡ് നേ​ടി​യ​ത്. എ​ച്ച്.​എ​സ് വി​ഭാ​ഗം മോ​ണോ ആ​ക്ടി​ൽ ബാ​ല​ച​ന്ദ്ര​ൻ ചു​ള്ളി​ക്കാ​ടി​ന്‍റെ ‘ചി​ദം​ബ​ര​സ്മ​ര​ണ’​യും നെ​ൽ​സ​ൺ മ​ണ്ടേ​ല​യു​ടെ ജീ​വ​ച​രി​ത്ര​വും സം​യോ​ജി​പ്പി​ച്ചാ​യി​രു​ന്നു ഭാ​വാ​ഭി​ന​യ​ങ്ങ​ൾ​കൊ​ണ്ട് സം​ജി​ത് കൈ​യ​ടി നേ​ടി​യ​ത്.

ഇ​ത്ത​വ​ണ സ​ബ് ജി​ല്ല​യി​ൽ മി​മി​ക്രി ര​ണ്ടാം സ്ഥാ​ന​ത്താ​യി​രു​ന്നു. ക​ലാ​ഭ​വ​ൻ നൗ​ഷാ​ദി​ന്‍റെ ശി​ക്ഷ​ണ​ത്തി​ലാ​യി​രു​ന്നു ഇ​ത്ത​വ​ണ പ​രി​ശീ​ല​നം. അ​തേ​സ​മ​യം, ജ്യേ​ഷ്ഠ​ന്റെ മോ​ണോ ആ​ക്ട് സെ​ന്‍റ് ജോ​സ​ഫ് ബോ​യ്സ് സ്കൂ​ളി​ൽ ന​ട​ക്കു​മ്പോ​ൾ അ​നു​ജ​ത്തി സാ​ന്ദ്ര​യു​ടെ മി​മി​ക്രി ചാ​ല​പ്പു​റം ഗ​ണ​പ​ത് ബോ​യ്സ് സ്കൂ​ളി​ൽ ത​ക​ർ​ത്തു​വാ​രു​ക​യാ​യി​രു​ന്നു.

പാ​റ​ശ്ശാ​ല​യി​ൽ ഷാ​രോ​ൺ വ​ധ​ക്കേ​സ് പ്ര​തി ഗ്രീ​ഷ്മ​യു​ടെ പൊ​ലീ​സ് മൊ​ഴി​യെ​ടു​പ്പോ​ടെ ആ​രം​ഭി​ച്ച പ്ര​ക​ട​നം ന​വ്യ​നാ​യ​രി​ലൂ​ടെ​യും ഗാ​യി​ക ജാ​ന​കി​യി​ലൂ​ടെ​യും സ​ദ​സ്സി​ലേ​ക്ക് പ​ട​ർ​ന്നൊ​ഴു​കി​യ​തോ​ടെ നി​ല​ക്കാ​ത്ത കൈ​യ​ടി​യു​യ​ർ​ന്നു.

തൃ​ശൂ​ർ സ്വ​ദേ​ശി ധ​നൂ​പി​ന്‍റെ ശി​ക്ഷ​ണ​ത്തി​ൽ മൂ​ന്നാം ക്ലാ​സു​മു​ത​ൽ മി​മി​ക്രി വേ​ദി​യി​ലെ നി​റ​സ്സാ​ന്നി​ധ്യ​മാ​യ ഈ ​ഒ​മ്പ​താം ക്ലാ​സു​കാ​രി ജ്യേ​ഷ്ഠ​നൊ​പ്പം എ ​ഗ്രേ​ഡ് അ​ടി​ച്ച​തി​ന്‍റെ ത്രി​ല്ലി​ലാ​ണ്. മ​ണ്ണാ​ർ​ക്കാ​ട് കെ.​എ​സ്.​ആ​ർ.​ടി.​സി ഡി​പ്പോ​യി​ലെ ഡ്രൈ​വ​ർ ഹ​രി​ദാ​സ് -മ​ഞ്ജു എ​ന്നി​വ​രാ​ണ് മാ​താ​പി​താ​ക്ക​ൾ.