അധ്യാപികമാർ ഓൺ ദി സ്റ്റേജ്

കലോത്സവത്തിന്‍റെ നാലാംദിനം വേദികളെല്ലാം അധ്യാപികമാരുടെ നിയന്ത്രണത്തിൽ. അനൗൺസ്മെന്റും സ്റ്റേജ് മാനേജർമാരുമെല്ലാം വനിതകൾ. കലോത്സവചരിത്രത്തിൽ ആദ്യമായാണ് ഇങ്ങനെയൊന്ന്.

24 വേദികളിൽ എട്ടു പേർ വീതമാണ് കാര്യങ്ങൾ നിയന്ത്രിച്ചത്. സെറ്റുസാരിയൊക്കെ ഉടുത്ത് കേരളത്തനിമയിൽ ആകെ 192 പേർ. ഇതിൽ ഓരോ വേദിയിലും ഒരാൾക്ക് പ്രധാന ചുമതല. ഒന്നാം വേദിയായ വെസ്റ്റ്ഹിൽ വിക്രം മൈതാനത്തെ അതിരാണിപ്പാടത്ത് സുനന്ദ സാഗറിനാണ് പ്രധാന ചുമതല.