‘എന്റെ മോൻ അത് ചെയ്യില്ല സാർ’ കലോൽസവ വേദിയിൽ പ്രദർശിപ്പിച്ചു

കോഴിക്കോട്: ലഹരിക്കെതിരെ കോൺഫെഡറേഷൻ ഓഫ് റസിഡൻസ് അസോസിയേഷനും സിറ്റി പൊലീസും ചേർ​ന്നൊരുക്കിയ ഷോർട്ട് ഫിലിം ‘എന്റെ മോൻ അത് ചെയ്യില്ല സാർ’ സംസ്ഥാന സ്കൂൾ കലോൽസവ വേദിയിൽ പ്രദർശിപ്പിച്ചു.

ലഹരിക്കെണിയിൽ വിദ്യാർഥികൾ പെട്ടുപോവുന്നതിന്റെ ദുരന്തങ്ങൾ ആവിഷ്കരിച്ച സിനിമക്ക് മികച്ച പ്രതികരണമായിരുന്നു കലോൽസവവേദിയിൽ. സാംസ്കാരിക പരിപാടികളുടെ വേദിയായ ബീച്ച് ​ഫ്രീഡം സ്ക്വയറിലായിരുന്നു പ്രദർശനം.

സംവിധായകൻ സി. പ്രദീഷ് കുമാറിന് മുൻ എം.എൽ.എ എ. പ്രദീപ് കുമാർ ട്രോഫി സമ്മാനിച്ചു. സിനിമയിൽ മുഖ്യവേഷമിട്ട എം.എം. മഠത്തിൽ, ഗണേഷ് ഉള്ളൂർ എന്നിവർ ഏറ്റുവാങ്ങി. അസി. കമീഷണർ കെ. സുദർശൻ, അടിമാലി രാജൻ എന്നിവർ സന്നിഹിതരായിരുന്നു.