ലങ്കിമറിഞ്ഞ് മൊഞ്ചത്തികൾ

ഇ​ശ​ലി​ന്റെ താ​ള​വും ഒ​പ്പ​ന​യു​ടെ ചു​വ​ടു​ക​ളു​മാ​യി കാ​ണി​ക​ളു​ടെ ഹൃ​ദ​യം കീ​ഴ​ട​ക്കി മൊ​ഞ്ച​ത്തി​ക​ൾ. മ​ല​ബാ​റി​ന്റെ ത​ന​തു​ക​ല​യാ​യ ഒ​പ്പ​ന കാ​ണാ​ൻ ര​ണ്ടാം ദി​നം പ്ര​ധാ​ന​വേ​ദി​യാ​യ വി​ക്രം മൈ​താ​നി​യി​ലേ​ക്ക് ഒ​ഴു​കി​യെ​ത്തി​യ​ത് ജ​ന​സാ​ഗ​രം. കി​ന്ന​രി​ക​ൾ കൊ​ണ്ട് അ​ല​ങ്ക​രി​ച്ച വേ​ഷ​ങ്ങ​ളി​ൽ ഹൂ​റി​മാ​ർ വേ​ദി​യി​ലെ​ത്തി​യ​പ്പോ​ൾ ആ​സ്വാ​ദ​ക​രും ഇ​ള​കി​മ​റി​ഞ്ഞു. ഓ​രോ ടീ​മി​നെ​യും നി​റ​ഞ്ഞ കൈ​യ​ടി​ക​ളോ​ടെ​യാ​ണ് സ​ദ​സ്സ് വ​ര​വേ​റ്റ​ത്.

മ​ണ​വാ​ട്ടി​മാ​രു​ടെ ക​വി​ളി​ലെ നു​ണ​ക്കു​ഴി​ക​ൾ​ക്കും മു​ഖ​ത്ത് വി​രി​ഞ്ഞ നാ​ണ​ച്ചി​രി​ക്കും കൈ​ക​ളി​ലെ മൈ​ലാ​ഞ്ചി​ച്ചു​വ​പ്പി​നും കൈ​ത്താ​ള​ത്തി​ന്റെ അ​ക​മ്പ​ടി​യോ​ടെ മു​ഴ​ങ്ങി​യ ദ്രു​ത​താ​ള​ത്തി​ലു​ള്ള ഇ​ശ​ലു​ക​ൾ കൂ​ട്ടാ​യി. ചു​വ​പ്പ്, ക​ടും​പ​ച്ച, ഇ​ളം​പ​ച്ച, മെ​റൂ​ൺ, ഓ​റ​ഞ്ച് നി​റ​ങ്ങ​ളി​ലു​ള്ള മ​ണ​വാ​ട്ടി​ക​ളു​ടെ ആ​ട​യാ​ഭ​ര​ണ​ങ്ങ​ളും അ​തി​ന് യോ​ജി​ച്ച നി​റ​ങ്ങ​ളി​ലു​ള്ള തോ​ഴി​മാ​രു​ടെ വേ​ഷ​ങ്ങ​ളും എ​ല്ലാം ഒ​ന്നി​നൊ​ന്ന് മി​ക​ച്ച​താ​യി​രു​ന്നു. ഒ​പ്പ​ന​പ്പാ​ട്ടു​കാ​രും നി​ല​വാ​രം പു​ല​ർ​ത്തി.

മു​ഹ​മ്മ​ദ് ന​ബി​യു​ടെ​യും ഖ​ദീ​ജ ബീ​വി​യു​ടെ​യും വി​വാ​ഹ വ​ർ​ണ​ന​ക​ളാ​ണ് മാ​പ്പി​ള​പ്പാ​ട്ടി​ന്റെ ഇ​ശ​ലി​ൽ ഒ​പ്പ​ന​വേ​ദി​യി​ൽ നി​ന്നു​യ​ർ​ന്ന​ത്. കാ​ണി​ക​ൾ തി​ങ്ങി​നി​റ​ഞ്ഞ​പ്പോ​ൾ വേ​ദി​യു​ടെ ഇ​രു​വ​ശ​ങ്ങ​ളി​ലും നി​ന്നു​കൊ​ണ്ടാ​ണ് നി​ര​വ​ധി​പേ​ർ മ​ത്സ​രം ക​ണ്ട​ത്. ആ​കെ 26 ടീ​മു​ക​ളാ​ണ് മ​ത്സ​ര​ത്തി​നെ​ത്തി​യ​ത്.12 ടീ​മു​ക​ൾ അ​പ്പീ​ലി​ലൂ​ടെ​യാ​ണ് മ​ത്സ​ര​ത്തി​നെ​ത്തി​യ​ത്. മ​ന്ത്രി​മാ​രാ​യ വി. ​ശി​വ​ൻ​കു​ട്ടി​യും പി.​എം. മു​ഹ​മ്മ​ദ് റി​യാ​സും ഒ​പ്പ​ന കാ​ണാ​നെ​ത്തി.

മോ​ഹാ​ല​സ്യ​പ്പെ​ട്ട് പു​തു​നാ​രി​ക​ൾ

ഒ​പ്പ​ന മ​ത്സ​ര​ത്തി​നി​ടെ മ​ത്സ​രാ​ർ​ഥി​ക​ളാ​യ നാ​ല് പെ​ൺ​കു​ട്ടി​ക​ൾ​ക്ക് ദേ​ഹാ​സ്വാ​സ്ഥ്യം. എ​റ​ണാ​കു​ളം മൂ​വാ​റ്റു​പു​ഴ​യി​ൽ നി​ന്നു​ള്ള സ്വാ​സി​ക ബി​ജു​വി​നെ ആം​ബു​ല​ൻ​സി​ൽ ബീ​ച്ച് ആ​ശു​പ​ത്രി​യി​ലേ​ക്ക് കൊ​ണ്ടു​പോ​യി. പ​നി​യു​ള്ള​തി​നാ​ലാ​ണ് ആ​ശു​പ​ത്രി​യി​ലേ​ക്ക് വി​ട്ട​തെ​ന്ന് വി​ക്രം മൈ​താ​നി​യി​ൽ ഒ​രു​ക്കി​യ മെ​ഡി​ക്ക​ൽ ടീ​മി​ലെ ഡോ​ക്ട​ർ പ​റ​ഞ്ഞു. മ​റ്റ് മൂ​ന്നു​പേ​രെ​യും പ്രാ​ഥ​മി​ക ചി​കി​ത്സ​ക്കു​ശേ​ഷം വി​ട്ട​യ​ച്ചു.