പൂരക്കളി നഗരിയിൽ ‘തലകറക്കം’

പൂരക്കളി നഗരിയിൽ മത്സരാർഥികൾ തലകറങ്ങി വീണു. അച്യുതൻ ഗേൾസിൽ മത്സരം കഴിഞ്ഞതോടെയാണ് വിദ്യാർഥികൾ വീണത്. കൊല്ലം കൊട്ടാരക്കര എസ്.വി.എം.എം.എച്ച്.എസ്.എസിലെ വിഘ്നേഷ് വി. മനോജാണ് വേദിക്കരികിൽ ആദ്യം തലകറങ്ങി വീണത്.

വിദ്യാർഥിയെ ആശുപത്രിയിലേക്ക് കൊണ്ടുപോകാൻ ആംബുലൻസിൽ കയറ്റിയെങ്കിലും പിന്നീട് തിരിച്ചിറക്കി ക്ലാസ് റൂമിലേക്ക് മാറ്റി വൈദ്യസഹായം നൽകുകയായിരുന്നു. പത്തനംതിട്ടയിൽനിന്ന് വന്ന ടീമിലെ അംഗത്തിനും മറ്റൊരു ടീം അംഗത്തിനും തലകറക്കമുണ്ടായി.