ആദ്യ കലോത്സവത്തിൽ എ ഗ്രേഡ് നേടി ആവണി

ആദ്യ സംസ്ഥാന കലോത്സവത്തിൽ തന്നെ മോഹിനിയാട്ടത്തിൽ എ ഗ്രേഡ് നേടി ആവണി ജയചന്ദ്രൻ. തൃശൂർ കഴിമ്പ്രം വി.പി.എം.എസ്.എൻ.ഡി.പി എച്ച്.എസ്.എസ് ഒമ്പതാം ക്ലാസ് വിദ്യാർഥിയാണ്.

യു.പി സ്കൂളുകളിൽ കലോത്സവത്തിൽ പ​ങ്കെടുത്തിട്ടുണ്ടെങ്കിലും യു.പി വിദ്യാർഥികൾക്ക് ജില്ല വരെ മാത്രമേ അവസരമുള്ളൂവെന്നതിനാൽ സംസ്ഥാന കലോത്സവത്തിൽ പ​ങ്കെടുക്കാൻ സാധിച്ചിരുന്നില്ലെന്ന് ആവണി. കഴിഞ്ഞ വർഷം കോവിഡ് മൂലം കലോത്സവം നടക്കാതിരുന്നതിനാലും ഒമ്പതാം ക്ലാസിലാണ് ആദ്യമായി സംസ്ഥാന കലോത്സവവേദിയിൽ എത്താനായത്.

11 വർഷം തൃപ്പയാർ ശ്രീരഞ്ജിനി കലാക്ഷേത്രത്തിൽ ഗിരീഷ് വലപ്പാടിന്റെ ശിക്ഷണത്തിലാണ് മോഹിനിയാട്ടം പഠിക്കുന്നതെന്ന് ആവണി പറഞ്ഞു.