അ​വ​രെ​ത്തി കലോത്സവം കേട്ടനുഭവിക്കാൻ

കോ​ഴി​ക്കോ​ട്​: ‘ക​ലോ​ത്സ​വം’​കേ​ട്ട​നു​ഭ​വി​ക്കാ​ൻ ആ ​ദ​മ്പ​തി​ക​ൾ പ​ര​സ്പ​രം കൈ​കോ​ർ​ത്ത്​ പാ​ല​ക്കാ​ട്​ കൊ​ല്ല​ങ്കോ​ട്​ പ​ടി​ഞ്ഞാ​റ​ങ്ങാ​ടി​യി​​ലെ വീ​ട്ടി​ൽ​നി​ന്നി​റ​ങ്ങി. ചൊ​വ്വാ​ഴ്ച വീ​ട്ടു​പ​ടി​ക്ക​ലെ ബ​സ്​​സ്​​റ്റോ​പ്പി​ൽ​നി​ന്ന്​ തു​ട​ങ്ങി​യ​ വ​ഴി​തേ​ട​ൽ അ​വ​സാ​നി​ച്ച​ത്​ കോ​ഴി​ക്കോ​ട്ടെ സ്കൂ​ൾ ക​ലോ​ത്സ​വം മോ​ണോ ആ​ക്ട്​ വേ​ദി​യി​ലാ​ണ്.

തു​ട​ർ​ന്ന്​ മി​മി​ക്രി വേ​ദി​യി​ലേ​ക്ക്... കാ​ഴ്ച​പ​രി​മി​ത​രാ​യ കീ​ഴി​ച്ചി​റ വീ​ട്ടി​ൽ സി​ദ്ദീ​ഖും ഭാ​ര്യ റം​ല​യു​മാ​യി​രു​ന്നു ക​ലോ​ത്സ​വ സ​ദ​സ്സി​ലെ അ​പൂ​ർ​വാ​തി​ഥി​ക​ൾ.​ ആ​ദ്യ​മാ​യാ​യി​രു​ന്നു ഇ​വ​ർ ക​ലോ​ത്സ​വം കാ​ണാ​നെ​ത്തി​യ​ത്. ചെ​റു​പ്പം മു​ത​ലു​ള്ള വ​ലി​യ ആ​ഗ്ര​ഹ​മാ​ണ്​ ക​ലോ​ത്സ​വം അ​റി​യു​ക എ​ന്ന​ത്. അ​തു​ സാ​ധി​ച്ച സ​ന്തോ​ഷ​ത്തി​ലാ​ണ്​ ഇ​രു​വ​രും.

പ​ള്ളി​ക​ളി​ലെ​ത്തി അ​ത്ത​റ്​ ക​ച്ച​വ​ടം ന​ട​ത്തി​വ​രു​ക​യാ​ണ്​ സി​ദ്ദീ​ഖ്. റം​ല ഗ​വ.​ബീ​മാ​പ​ള്ളി യു.​പി സ്കൂ​ളി​ൽ അ​റ​ബി​ക്​ ടീ​ച്ച​റാ​ണ്. വി​വാ​ഹം ക​ഴി​ഞ്ഞ്​ ര​ണ്ടു​ വ​ർ​ഷം ക​ഴി​ഞ്ഞ​തേ ഉ​ള്ളൂ. മാ​പ്പി​ള​പ്പാ​ട്ടി​ന്‍റെ ഇ​ഷ്ട​ക്കാ​രി​യാ​ണ്​ റം​ല. പാ​ട്ടു​പാ​ടാ​റു​മു​ണ്ട്. സി​ദ്ദീ​ഖ്​ നാ​ട​ൻ​പാ​ട്ടും പാ​ടും.

ഒ​പ്പ​ന പോ​ലു​ള്ള വേ​ദി​ക​ളേ​ക്കാ​ൾ ക​ഥാ​പ്ര​സം​ഗം, മി​മി​ക്രി, മോ​ണോ ആ​ക്ട്​ പേ​ലു​ള്ള പൊ​ലി​മ കു​റ​ഞ്ഞ കേ​ൾ​വി സു​ഖ​മു​ള്ള വേ​ദി​ക​ളി​ലാ​ണ്​ താ​ൽ​പ​ര്യം. അ​തി​നാ​ൽ അ​ത്ത​രം ഇ​ന​ങ്ങ​ളും​ വേ​ദി​ക​ളും ഹൃ​ദി​സ്ഥം. മ​ല​പ്പു​റം പു​റ​ത്തൂ​രു​ള്ള സു​ഹൃ​ത്തി​ന്‍റെ വീ​ട്ടി​ലാ​ണ്​ രാ​ത്രി ത​ങ്ങു​ന്ന​ത്. ക​ലോ​ത്സ​വം ക​ഴി​ഞ്ഞേ ഇ​രു​വ​രും മ​ട​ങ്ങൂ. കാ​ഴ്ച​പ​രി​മി​ത​നാ​യ മ​ല​പ്പു​റം സ്വ​ദേ​ശി അ​ബ്​​ദു​ൽ ക​രീ​മും ​മി​മി​ക്രി സ​ദ​സ്സി​ലെ സാ​ന്നി​ധ്യ​മാ​യി​രു​ന്നു.