‘കാലം തെളിയിച്ചു, ലീഗായിരുന്നു ശരി’

മു​ക്കാ​ൽ നൂ​റ്റാ​ണ്ടു പി​ന്നി​ടു​ന്ന മു​സ്​​ലിം​ലീ​ഗി​ന്‍റെ പ്ര​യാ​ണ​ത്തെ മ​ധു​ര​വും ക​യ്പും നി​റ​ഞ്ഞ അ​നു​ഭ​വ​ങ്ങ​ളി​ൽ​നി​ന്നു നി​രീ​ക്ഷി​ക്കു​ന്നു ​മു​സ്​​ലിം​ലീ​ഗ് ദേ​ശീ​യ ജ​ന​റ​ൽ സെ​ക്ര​ട്ട​റി പി.​കെ. കു​ഞ്ഞാ​ലി​ക്കു​ട്ടി...

പി​ള​ർ​പ്പ്, ല​യ​നം, ശ​രീ​അ​ത്ത്​ വി​വാ​ദം, ബാ​ബ​രി മ​സ്​​ജി​ദ്​ ധ്വം​സ​ന​ത്തെ തു​ട​ർ​ന്നു​ള്ള സം​ഘ​ട​നാ പ്ര​തി​സ​ന്ധി, യു.​ഡി.​എ​ഫി​ന്‍റെ ജ​യാ​പ​ച​യ​ങ്ങ​ൾ-​സം​ഭ​ വ​ബ​ഹു​ല​മാ​യ ഈ ​ഘ​ട്ട​ങ്ങ​ള​ത്ര​യും അ​തി​ജീ​വി​ച്ച്​ മു​സ്​​ലിം​ലീ​ഗ്​ മു​ന്നോ​ട്ടു​പോ​യ​തെ​ങ്ങ​നെ?

വ​മ്പി​ച്ച ഇ​ട​പെ​ട​ലാ​ണ്​ ലീ​ഗ്​ സാ​മൂ​ഹി​ക​ജീ​വി​ത​ത്തി​ൽ ന​ട​ത്തി​യ​ത്.ദീ​ർ​ഘ​കാ​ലം വി​ദ്യാ​ഭ്യാ​സ​വ​കു​പ്പ്​ ​കൈ​കാ​ര്യം ചെ​യ്യ​ൽ​ ചെ​റി​യ കാ​ര്യ​മ​ല്ല. ര​ണ്ടു ഗ​വ​ൺ​മെ​ന്‍റു​ക​ളി​ൽ ഐ.​ടി വ​കു​പ്പ് കൈ​കാ​ര്യം ചെ​യ്യാ​നും വി​വ​ര​സാ​​ങ്കേ​തി​ക വി​പ്ല​വ​ത്തി​ൽ കേ​ര​ള​ത്തെ ശ​രി​യാ​യ​ദി​ശ​യി​ൽ മു​ന്നോ​ട്ടു ന​യി​ക്കാ​നു​മു​ള്ള അ​വ​സ​രമുണ്ടാ​യി. കോ​ഴി​ക്കോ​ട്​ വി​മാ​ന​ത്താ​വ​ളം ഞ​ങ്ങ​ൾ പ​ണം പി​രി​ച്ചു​ണ്ടാ​ക്കി​യ​താ​ണ്. അ​ന്നു കേ​ന്ദ്ര​സ​ർ​ക്കാ​ർ പ​റ​ഞ്ഞ​ത്​ ഇ​വി​ടെ വി​മാ​ന​ത്താ​വ​ളം വ​ര​ണ​മെ​ങ്കി​ൽ മി​നി​മം പ​ണം കെ​ട്ടി​വെ​ക്ക​ണ​മെ​ന്നാ​ണ്. അ​ത​നു​സ​രി​ച്ച്​ 60-70 കോ​ടി​യോ​ളം രൂ​പ ഗ​ൾ​ഫ്​ മ​ല​യാ​ളി​ക​ളി​ൽ​നി​ന്നു പി​രി​ച്ചു. അ​ടി​സ്ഥാ​ന​സൗ​ക​ര്യ​വി​ക​സ​ന​വും വി​ദ്യാ​ഭ്യാ​സ​രം​ഗ​ത്തെ വ​മ്പി​ച്ച മാ​റ്റ​ങ്ങ​ളും സ്ത്രീ​വി​ദ്യാ​ഭ്യാ​സ​ത്തി​ലെ പു​രോ​ഗ​തി​യും മു​സ്​​ലിം​ലീ​ഗി​ന്‍റെ സം​ഭാ​വ​ന​യാ​ണ്. സ്വാ​ശ്ര​യ​കോ​ള​ജു​ക​ൾ തു​റ​ക്കാ​ൻ മു​ൻ​കൈ​യെ​ടു​ത്ത​ത്​ ഞ​ങ്ങ​ളാ​ണ്. ത​മി​ഴ്​​നാ​ട്ടി​ന്‍റെ​യും ക​ർ​ണാ​ട​ക​ത്തി​ന്‍റെ​യും ചു​വ​ടു​പി​ടി​ച്ച്​ വി​ദ്യാ​ഭ്യാ​സ​രം​ഗ​ത്ത്​ പു​തി​യ വാ​തി​ൽ തു​റ​ക്കു​ക​യാ​യി​രു​ന്നു ഞ​ങ്ങ​ൾ.

മു​സ്​​ലിം​സ​മു​ദാ​യ​ത്തെ മു​ഖ്യ​ധാ​ര​യി​ൽ നി​ർ​ത്തി ന​ട​ത്തി​യ മു​ന്നേ​റ്റ​മാ​ണ്​ മു​സ്​​ലിം​ലീ​ഗി​ന്‍റെ ച​രി​ത്രം. ന്യൂ​ന​ത​ക​ൾ കു​​റെ പ​റ​യാ​നു​ണ്ടാ​വാം. പ​ക്ഷേ, ബാ​ല​ൻ​സ്​ ഷീ​റ്റി​ൽ ആ​ക​ത്തു​ക നോ​ക്കി​യാ​ൽ പാ​ർ​ട്ടി ന​ട​ത്തി​യ​ത്​ തി​ക​ഞ്ഞ സം​തൃ​പ്തി ന​ൽ​കു​ന്ന വ​മ്പ​ൻ ഇ​ട​പെ​ട​ലാ​ണ്.

ബാ​ഫ​ഖി ത​ങ്ങ​ൾ പാ​ർ​ട്ടി​യെ ന​യി​ച്ചു​കൊ​ണ്ടി​രു​ന്ന കാ​ല​മാ​ണ്​ എ​ന്‍റെ വി​ദ്യാ​ർ​ഥി​ഘ​ട്ടം. അ​ന്ന് കേ​ര​ള​രാ​ഷ്ട്രീ​യ​ത്തി​ൽ ക​ത്തി​നി​ന്നി​രു​ന്ന സി.​എ​ച്ചി​നെ മ​ന്ത്രി​സ​ഭ​യി​ൽ​നി​ന്നു രാ​ജി​വെ​പ്പി​ച്ച്​ പാ​ർ​ല​മെ​ന്‍റി​ലേ​ക്ക്​ അ​യ​ച്ച​ത് പാ​ർ​ട്ടി​യി​ൽ മി​ക്ക​വ​ർ​ക്കും ഉ​ൾ​ക്കൊ​ള്ളാ​നാ​യി​രു​ന്നി​ല്ല.

അ​ന്ന​ത്തെ രാ​ഷ്ട്രീ​യ ച​ർ​ച്ച​ക​ളൊക്കെ വി​ദ്യാ​ർ​ഥി​യു​ടെ കൗ​തു​ക​ത്തോ​ടെ നോ​ക്കി​ക്ക​ണ്ടി​രു​ന്നു.‘​ചി​ല്ല​റ പ്ര​ശ്ന​ങ്ങ​ളൊ​ക്കെ​യു​ണ്ട്, ഹ​ജ്ജ് നി​ർ​വ​ഹി​ക്കാ​ൻ പോ​യ ബാ​ഫ​ഖി ത​ങ്ങ​ൾ വ​ന്നോ​ട്ടെ, എ​ല്ലാം ശ​രി​യാ​കും’ എ​ന്നാ​യി​രു​ന്നു നേ​താ​ക്ക​ൾ ആ​ശ്വ​സി​ച്ച​തും ആ​ശ്വ​സി​പ്പി​ച്ച​തും. എ​ന്നാ​ൽ, ബാ​ഫ​ഖി ത​ങ്ങ​ൾ അ​പ്ര​തീ​ക്ഷി​ത​മാ​യി മ​ക്ക​യി​ൽ മ​ര​ണ​മ​ട​ഞ്ഞു. അ​തോ​ടെ പ്ര​ശ്നം ഗൗ​ര​വ​മാ​യി. സി.​എ​ച്ചി​ന്‍റെ ഒ​ഴി​വി​ൽ പ​ല​രു​ടെ​യും പ്ര​തീ​ക്ഷ​ക​ൾ​ക്കു വി​രു​ദ്ധ​മാ​യി മ​ല​പ്പു​റ​ത്തു​നി​ന്നു ചാ​ക്കീ​രി അ​ഹ്മ​ദ്​ കു​ട്ടി മ​ന്ത്രി​യാ​യി. നി​ർ​ഭാ​ഗ്യ​വ​ശാ​ൽ മു​സ്​​ലിം​ലീ​ഗി​ൽ പി​ള​ർ​പ്പു​ണ്ടാ​യി, അ​ഖി​ലേ​ന്ത്യ ലീ​ഗു​ണ്ടാ​യി.

പി​ന്നീ​ട്​ മു​സ്​​ലിം​ലീ​ഗ്​ ല​യ​ന​ത്തി​ന്​ ശ​രീ​അ​ത്ത്​ വി​വാ​ദ​മാ​യി​രു​ന്നോ കാ​ര​ണം?

ശ​രീ​അ​ത്ത്​ വി​വാ​ദം ഒ​രു നി​മി​ത്ത​മാ​യി എ​ന്നേ​യു​ള്ളൂ. മു​മ്പേ​ത​ന്നെ ഇ​ട​തു​മു​ന്ന​ണി​യി​ൽ അ​ഖി​ലേ​ന്ത്യ ലീ​ഗി​നു ​​പൊ​റു​തി​യി​ല്ലാ​താ​യി​രു​ന്നു, ഏ​ക സി​വി​ൽ കോ​ഡ്​ ന​ട​പ്പാ​ക്ക​ണ​മെ​ന്ന സി.​പി.​എം ആ​വ​ശ്യം അ​വ​ർ​ക്ക്​ അം​ഗീ​ക​രി​ക്കാ​നാ​വു​മാ​യി​രു​ന്നി​ല്ല, ഇ​പ്പോ​ൾ ഐ.​എ​ൻ.​എ​ൽ നേ​രി​ടു​ന്ന പ്ര​തി​സ​ന്ധി പോ​ലെ​ത്ത​ന്നെ. ശ​രീ​അ​ത്ത്​ പ്ര​ശ്നം കൂ​ടി​യാ​യ​പ്പോ​ൾ അ​തൃ​പ്തി രൂ​ക്ഷ​മാ​യി. അ​ങ്ങ​നെ ഇ​ബ്രാ​ഹീം സു​ലൈ​മാ​ൻ സേ​ട്ട്​ സാ​ഹി​ബി​ന്‍റെ മു​ൻ​കൈ​യി​ൽ പാ​ർ​ട്ടി ഒ​ന്നാ​യി. അ​ന്നു ല​യ​ന​ത്തി​ന്​ ഇ​നീ​ഷ്യേ​റ്റി​വ്​ എ​ടു​ത്ത​വ​രി​ൽ എം.​എ​ൽ.​എ​യാ​യി​രു​ന്ന ഞാ​നു​മു​ണ്ട്.

ഇ​ട​തു​പ​ക്ഷ​ത്തി​ന്‍റെ മു​സ്​​ലിം​ക​ളോ​ടു​ള്ള സ​മീ​പ​ന​ത്തെ എ​ങ്ങ​നെ​യാ​ണ് അ​നു​ഭ​വ​പ്പെ​ട്ടി​ട്ടു​ള്ള​ത്?

അ​ടി​സ്ഥാ​ന​പ​ര​മാ​യി ക​മ്യൂ​ണി​സ​ത്തി​ന്‍റെ ന​യ​നി​ല​പാ​ടു​ക​ളു​ടെ ചി​ല പ്ര​ശ്ന​ങ്ങ​ൾ സി.​പി.​എ​മ്മി​നു​ണ്ട്. അ​തു​കൊ​ണ്ട്​ വ​ള​രെ കു​റ​ച്ചു​​കാ​ല​മേ സി.​പി.​എ​മ്മു​മാ​യി മു​സ്​​ലിം​ലീ​ഗ്​ സ​ഖ്യ​ത്തി​ലി​രു​ന്നി​ട്ടു​ള്ളൂ. ആ​ദ്യ​കാ​ല​ത്ത്​ മ​ത​നി​രാ​സം അ​വ​രു​ടെ പ്ര​ഖ്യാ​പി​ത​ന​യ​മാ​യി​രു​ന്നു. ന്യൂ​ന​പ​ക്ഷ​രാ​ഷ്ട്രീ​യ​ത്തി​ലും അ​ന്നു വി​ശ്വാ​സ​മു​ണ്ടാ​യി​രു​ന്നി​ല്ല. പി​ന്നീ​ട്​ ന​യ​വ്യ​ത്യാ​സം വ​ന്ന​താ​ണ്. ക​മ്യൂ​ണി​സ്റ്റ്​ സി​ദ്ധാ​ന്ത​വും ന​യ​വു​മാ​യി മു​സ്​​ലിം​ലീ​ഗി​ന്​ ഒ​രി​ക്ക​ലും യോ​ജി​ക്കാ​ൻ ക​ഴി​യി​ല്ല. അ​വ​ർ അ​ധി​കാ​ര​ത്തി​ൽ​വ​ന്നി​ട്ടും പ​ഴ​യ കാ​ല​ത്തൊ​ന്നും ന്യൂ​ന​പ​ക്ഷ​സ​മു​ദാ​യം എ​ന്ന നി​ല​ക്ക്​ മു​സ്​​ലിം​ക​ൾ​ക്ക്​ നീ​തി ല​ഭ്യ​മാ​ക്കാ​ൻ ക​ഴി​ഞ്ഞി​ട്ടി​ല്ല.

മ​ല​പ്പു​റം ജി​ല്ല​ അ​വ​രു​ടെ നേ​ട്ട​മാ​യാ​ണ​ല്ലോ പ​റ​യു​ന്ന​ത്​?

അ​ത്​ മു​ന്ന​ണി​യി​ൽ മു​സ്​​ലിം​ലീ​ഗ്​ ഉ​ള്ള​തു​​കൊ​ണ്ടു​മാ​ത്രം, പാ​ർ​ട്ടി ശ​ക്ത​മാ​യ നി​ല​പാ​ടെ​ടു​ത്ത​തു കൊ​ണ്ടു മാ​ത്രം​ സം​ഭ​വി​ച്ച​താ​ണ്. ലീ​ഗി​ല്ലാ​ത്ത സ​മ​യ​ത്ത്​ ഭ​ര​ണ​ത്തി​ലു​ള്ള​പ്പോ​ൾ മു​സ്​​ലിം പി​ന്നാ​ക്ക​​പ്ര​ദേ​ശ​ത്ത്​ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ അ​നു​വ​ദി​ക്കു​ന്ന​തി​ൽ, സാ​മൂ​ഹി​ക​ക്ഷേ​മ​രം​ഗ​ത്ത്​ വ​ല്ല അ​നു​ഭാ​വ​വും കാ​ണി​ച്ചി​ട്ടു​ണ്ടോ? ഇ​പ്പോ​ഴും കാ​ണി​ക്കു​ന്നു​ണ്ടോ? ക​ഴി​ഞ്ഞ ​അ​ഞ്ചു​കൊ​ല്ലം വൃ​ഥാ പോ​യി. പി​ന്നാ​ക്ക​പ്ര​ദേ​ശ​ങ്ങ​ളി​ൽ ഇ​ത്ര​യ​ധി​കം സീ​റ്റു​ക​ൾ കു​റ​വു​ണ്ടാ​യി​ട്ട്​ അ​തു നി​ക​ത്താ​ൻ വ​ല്ല​തും ചെ​യ്​​തോ?

1992ലെ ​ബാ​ബ​രി മ​സ്​​ജി​ദ്​ ധ്വം​സ​ന​ത്തെ തു​ട​ർ​ന്ന്​ മു​സ്​​ലിം​ലീ​ഗി​ൽ അ​സ്വ​സ്ഥ​ത​ക​ളു​ട​ലെ​ടു​ത്ത​പ്പോ​ൾ അ​തി​നെ അ​തി​ജീ​വി​ക്കാ​ൻ മു​ന്നി​ട്ടി​റ​ങ്ങി​യ​ത്​

താങ്കളാ​യി​രു​ന്നു. അ​ന്ന​ത്തെ നി​ല​പാ​ടു​ക​ളെ ഇ​ന്ന്​ എ​ങ്ങ​നെ നോ​ക്കി​ക്കാ​ണു​ന്നു?

അ​ന്ന്​ ഞ​ങ്ങ​ൾ ആ ​നി​ല​പാ​ടാ​യി​രു​ന്നു എ​ടു​ക്കേ​ണ്ടി​യി​രു​ന്ന​ത്. ശ​രി​യാ​ണ്, കോ​ൺ​ഗ്ര​സി​ന്​ ബാ​ബ​രി മ​സ്​​ജി​ദ്​ സം​ര​ക്ഷി​ക്കാ​ൻ ക​ഴി​ഞ്ഞി​ല്ല. പ​ക്ഷേ, പ​ള്ളി പൊ​ളി​ച്ച​ത്​ ബി.​ജെ.​പി​യാ​ണ്. മു​സ്​​ലിം​ക​ളാ​ദി പി​ന്നാ​ക്ക ന്യൂ​ന​പ​ക്ഷ​ങ്ങ​ൾ​ക്ക്​ കൈ​വ​ശ​മാ​യി ഉ​ള്ള​തു​കൂ​ടി ന​ശി​പ്പി​ക്ക​ണം എ​ന്നാ​യി​രു​ന്നു അ​വ​രു​ടെ ചി​ന്ത. ന​ര​സിം​ഹ​റാ​വു​വി​നോ​ടാ​ണ്​ അ​ക്കാ​ല​ത്ത്​ എ​തി​ർ​പ്പു​ണ്ടാ​യി​രു​ന്ന​ത്. കോ​ൺ​ഗ്ര​സി​ന​ക​ത്തു​നി​ന്നു​ത​ന്നെ എ​തി​ർ​പ്പ്​ ഉ​യ​ർ​ത്തി​ക്കൊ​ണ്ടു​വ​ര​ണം എ​ന്നാ​ണ്​ ലീ​ഗ്​ തീ​രു​മാ​നി​ച്ച​ത്. മ​ന്ത്രി​സ​ഭ​യി​ൽ നി​ന്നും മു​ന്ന​ണി​യി​ൽ​നി​ന്നും പി​ൻ​വാ​ങ്ങി കോ​ൺ​ഗ്ര​സി​നെ ദു​ർ​ബ​ല​പ്പെ​ടു​ത്തി​യാ​ൽ അ​തു കേ​ര​ള​ത്തി​ലും ദേ​ശീ​യ​രാ​ഷ്ട്രീ​യ​ത്തി​ലും ബി.​ജെ.​പി​ക്ക്​ അ​നു​കൂ​ല​മാ​യ സാ​ഹ​ച​ര്യ​മൊ​രു​ക്കും എ​ന്നാ​യി​രു​ന്നു ഞ​ങ്ങ​ളു​ടെ നി​ല​പാ​ട്. അ​തി​നു​ശേ​ഷം ദീ​ർ​ഘ​കാ​ലം കോ​ൺ​ഗ്ര​സ്​ പി​ന്നെ​യും ഇ​ന്ത്യ ഭ​രി​ച്ചു.അവർ അ​വ​രു​ടെ ന​യം തി​രു​ത്തി. ഞ​ങ്ങ​ൾ അ​ന്നു കോ​ൺ​ഗ്ര​സി​നെ കൈ​വി​ട്ടി​രു​ന്നു​വെ​ങ്കി​ൽ സം​സ്ഥാ​ന​ത്ത്​ ഇ​ട​തു​പ​ക്ഷ​ത്തി​ന്​ ഗു​ണം കി​ട്ടും, അ​ത്ര​യേ ഉ​ണ്ടാ​കു​മാ​യി​രു​ന്നു​ള്ളൂ.

സ​ന്ദി​ഗ്​​ധ ഘ​ട്ട​ത്തി​ൽ ലീ​ഗ്​ സ​മു​ദാ​യ വി​കാ​ര​ത്തി​നൊ​പ്പം നി​ന്നി​ല്ല എ​ന്നൊ​രു ചി​ന്ത​യു​ണ്ടാ​യി​രു​ന്നു മു​സ്​​ലിം ചെ​റു​പ്പ​ക്കാ​ർ​ക്കി​ട​യി​ൽ. അ​തി​നെ നേ​രി​ടാ​നും സ​മു​ദാ​യ​ത്തെ ​ബോ​ധ്യ​പ്പെ​ടു​ത്താ​നു​മു​ള്ള ശ്ര​മം ലീ​ഗി​ന്‍റെ ഭാ​ഗ​ത്തു​നി​ന്നു​ണ്ടാ​യോ?

അ​ന്നു പാ​ർ​ട്ടി അ​ധ്യ​ക്ഷ​ൻ മു​ഹ​മ്മ​ദ​ലി ശി​ഹാ​ബ്​ ത​ങ്ങ​ൾ ഒ​രു ന​യ​മാ​യി പ​റ​ഞ്ഞ​തും അ​ദ്ദേ​ഹം പ്ര​സം​ഗി​ച്ച​തും ഞ​ങ്ങ​ളെ​ക്കൊ​ണ്ട്​ പ്ര​സം​ഗി​പ്പി​ച്ച​തു​മൊ​ക്കെ ഒ​രേ​യൊ​രു കാ​ര്യ​മാ​ണ്. ബാ​ബ​രി മ​സ്​​ജി​ദ്​ സം​ര​ക്ഷി​ക്കാ​ൻ ക​ഴി​ഞ്ഞി​ല്ല എ​ന്ന വി​ഷ​യം ജ​നാ​ധി​പ​ത്യ​പ​ര​മാ​യ മാ​ർ​ഗ​ത്തി​ൽ അ​സം​ബ്ലി​യി​ലും പാ​ർ​ല​മെ​ന്‍റി​ലു​മൊ​ക്കെ ശ​ക്ത​മാ​യി ഉ​ന്ന​യി​ക്ക​ണം. കോ​ൺ​ഗ്ര​സി​ന്‍റെ അ​ന്ന​ത്തെ ഭ​ര​ണ​കൂ​ട​ത്തി​ന്​ അ​തി​നു ക​ഴി​ഞ്ഞി​ല്ല എ​ന്നു കാ​മ്പ​യി​ൻ ന​ട​ത്ത​ണം. അ​തി​ൽ ഒ​രു വി​ട്ടു​വീ​ഴ്ച​യും വേ​ണ്ട. എ​ന്നു ക​രു​തി കോ​ൺ​ഗ്ര​സി​നെ കൈ​യൊ​ഴി​യേ​ണ്ട. ഞ​ങ്ങ​ൾ കൊ​ണ്ടു​വ​ന്ന പ്ര​മേ​യം കേ​ര​ള നി​യ​മ​സ​ഭ​ ഐ​ക​ക​​ണ്ഠ്യേ​ന പാ​സാ​ക്കി. സി.​പി.​എ​മ്മി​നും പി​ന്തു​ണ​ക്കു​ക​യ​ല്ലാ​തെ വ​ഴി​യു​ണ്ടാ​യി​രു​ന്നി​ല്ല. പാ​ർ​ല​​മെ​ന്‍റി​ൽ ഞ​ങ്ങ​ളു​ടെ എം.​പി​മാ​ർ ഗം​ഭീ​ര​മാ​യ പ്ര​സം​ഗ​ങ്ങ​ൾ ചെ​യ്തു, പ്ര​മേ​യ​ങ്ങ​ളു​ണ്ടാ​യി. അ​തൊ​രു മൂ​വ്​​മെ​ന്‍റാ​യി വ​ള​ർ​ന്നു. റാ​വു മാ​റ​ണം, സോ​ണി​യ ഗാ​ന്ധി വ​ര​ണം എ​ന്ന രീ​തി​യി​ൽ. അ​തു സം​ഭ​വി​ക്കു​ക ത​ന്നെ ചെ​യ്തു. ബി.​ജെ.​പി​യെ ത​ട​യാ​ൻ കോ​ൺ​ഗ്ര​സ്​ വേ​ണ്ട എ​ന്ന സി.​പി.​എ​മ്മി​ന്‍റെ ബാ​ലി​ശ​മാ​യ വാ​ദം കേ​ര​ള​ത്തി​ലെ മാ​ത്രം താ​ൽ​പ​ര്യം​വെ​ച്ച്​ പ​റ​യു​ന്ന​താ​ണ്. അ​ന്ന് അ​വ​ർ ബാ​ബ​രി മ​സ്​​ജി​ദ്​ വെ​ച്ച്​ കാ​മ്പ​യി​ൻ ന​ട​ത്തി​യ​ത്​ ഇ​വി​ടെ അ​വ​ശേ​ഷി​ക്കു​ന്ന ന്യൂ​ന​പ​ക്ഷ​രാ​ഷ്ട്രീ​യ​ത്തെ കൂ​ടി ​പൊ​ളി​ച്ചു​ക​ള​യു​ന്ന​തി​നാ​യി​രു​ന്നു. വൈ​കാ​രി​ക​വി​ക്ഷോ​ഭ​ങ്ങ​ളെ ത​ണു​പ്പി​ക്കാ​ൻ ഞ​ങ്ങ​ൾ​ക്ക്​ ഏ​റെ സ​മ​യ​മെ​ടു​ത്തു,വ​ലി​യ പ​രി​ക്കു​പ​റ്റി. ഒ​റ്റ​പ്പാ​ല​ത്തും ഗു​രു​വാ​യൂ​രി​ലും തോ​റ്റു. ‘തോ​ൽ​ക്ക​ട്ടെ, ഉ​ള്ള​വ​ർ മ​തി ന​മ്മു​ടെ പി​ന്നി​ൽ. പ​ക്ഷേ, ഉ​റ​ച്ച നി​ല​പാ​ടെ​ടു​ത്തു പോ​ണം’-​ശി​ഹാ​ബ്​ ത​ങ്ങ​ൾ അ​ന്നു പ​റ​ഞ്ഞു.

അ​ന്ന് ആ​രോ​പി​ക്ക​പ്പെ​ട്ട​തു​പോ​ലെ കി​ട്ടി​യ അ​ധി​കാ​രം കൈ​വി​ട്ടു​പോ​കു​മെ​ന്ന ആ​ധി​യോ ആ​ശ​ങ്ക​യോ ആ​യി​രു​ന്നി​ല്ല, മ​റി​ച്ച് ദേ​ശീ​യ​രാ​ഷ്ട്രീ​യ​ത്തി​​ലെ വ​രും​വ​രാ​യ്ക​ക​​ളൊ​ക്കെ ആ​ലോ​ചി​ച്ചെ​ടു​ത്ത സു​ചി​ന്തി​ത​മാ​യ തീ​രു​മാ​ന​മാ​യി​രു​ന്നു അ​ത്​​​?

ഒ​രു സം​ശ​യ​വു​മി​ല്ല. അ​ന്നു പാ​ർ​ട്ടി​യി​​​ലൊ​രു പി​ള​ർ​പ്പു​ണ്ടാ​യി, ബ​ഹു​മാ​ന്യ സേ​ട്ട്​ സാ​ഹി​ബൊ​ക്കെ അ​പ്പു​റം പോ​യ​ല്ലോ. എ​ന്നി​ട്ടെ​ന്തു​ണ്ടാ​യി? അ​വ​രെ അ​ന്ന​ത്തെ നേ​താ​ക്ക​ൾ മൂ​ക്കു​കൊ​ണ്ട്​ ‘ക്ഷ’ ​വ​ര​പ്പി​ച്ചി​ല്ലേ? പേ​രും ഊ​രും കൊ​ടി​യു​മൊ​ക്കെ മാ​റ്റി​യി​ട്ടും എ​ന്തു​ണ്ടാ​യി? അ​തു​കൊ​ണ്ട് ഞ​ങ്ങ​ളെ​ടു​ത്ത തീ​രു​മാ​നം ത​ന്നെ​യാ​യി​രു​ന്നു ശ​രി. പി​ന്നീ​ട്​ മ​ന്ത്രി​സ​ഭ​ക​ളു​ണ്ടാ​യി. ന്യൂ​ന​പ​ക്ഷ​രാ​ഷ്ട്രീ​യ​ത്തി​ൽ പ​ല​തും ഞ​ങ്ങ​ൾ​ക്ക്​ ചെ​യ്യാ​ൻ പ​റ്റി. സ്വാ​ശ്ര​യ​കോ​ള​ജു​ക​ളു​ടെ രം​ഗ​പ്ര​വേ​ശ​നം, ഡി​ജി​റ്റ​ൽ റെ​വ​ലൂ​ഷ​ൻ തു​ട​ങ്ങി ഞ​ങ്ങ​ൾ കൊ​ണ്ടു​വ​ന്ന കാ​ര്യ​ങ്ങ​ൾ കേ​ര​ള​ത്തി​ന് ഒ​ട്ടേ​റെ പ്ര​യോ​ജ​നം ചെ​യ്തു. അ​ന്നു സി.​പി.​എം പ​റ​ഞ്ഞ​​പോ​ലെ ചാ​ട്ടം​ചാ​ടി​യി​രു​ന്നെ​ങ്കി​ൽ എ​ന്താ​യി​രു​ന്നേ​നെ? സ​ഖാ​വ്​ വി.​എ​സ്. അ​ച്യു​താ​ന​ന്ദ​ന്​ മു​സ്​​ലിം വി​ദ്യാ​ർ​ഥി​ക​ളു​ടെ മി​ക​ച്ച പ്ര​ക​ട​ന​ത്തി​ൽ അ​സൂ​യ​യാ​ർ​ന്ന സം​ശ​യം ജ​നി​പ്പി​ക്കാ​വു​ന്ന ത​ര​ത്തി​ൽ വി​ദ്യാ​ഭ്യാ​സ​രം​ഗ​ത്ത്​ വ​ലി​യ വി​പ്ല​വ​മു​ണ്ടാ​ക്കാ​ൻ ക​ഴി​ഞ്ഞ​ത്​ നി​സ്സാ​ര​കാ​ര്യ​മ​ല്ല.​ നേ​രെ മ​റി​ച്ച്​ അ​ന്ന്​ കോ​ൺ​ഗ്ര​സി​നെ ഞ​ങ്ങ​ൾ കൈ​വി​ട്ടി​രു​ന്നു​വെ​ങ്കി​ൽ ലീ​ഗ്​ ത​ക​രു​മാ​യി​രു​ന്നു. അ​ന്നു മു​സ്​​ലിം പി​ന്നാ​ക്ക സം​ഘ​ട​ന​ക​ളു​ടെ​യും ഭൂ​രി​പ​ക്ഷ​സ​മു​ദാ​യ​ത്തി​ലെ​യും നേ​താ​ക്ക​ന്മാ​രൊ​ക്കെ മ​ന്ത്രി​സ​ഭ​യി​ൽ​നി​ന്നു രാ​ജി​വെ​ച്ചൊ​ഴി​യു​ന്ന​തി​നെ വി​ല​ക്കു​ക​യാ​ണു​ണ്ടാ​യ​ത്.

മു​സ്​​ലിം സ​മു​ദാ​യ​ത്തി​ന്​ എ​ങ്ങ​നെ നേ​തൃ​ത്വം ന​ൽ​കാ​മെ​ന്നാ​ണ്​ മു​സ്​​ലിം​ലീ​ഗ്​ കാ​ണു​ന്ന​ത്​?

ഈ ​മ​തേ​ത​ര​രാ​ജ്യ​ത്തെ ബ​ഹു​ഭൂ​രി​പ​ക്ഷം ജ​ന​ത​യും വ​ർ​ഗീ​യ​വാ​ദി​ക​ള​ല്ല. അ​വ​രെ വി​ശ്വാ​സ​ത്തി​ലെ​ടു​ക്കു​ക. അ​വ​രി​ൽ സം​ശ​യ​മു​ള​വാ​ക്കു​ന്ന നി​ല​പാ​ടു​ക​ളെ​ടു​ക്ക​രു​ത്. മ​ത​പ്ര​ചാ​ര​ണ​ത്തി​നും പ്ര​ബോ​ധ​ന​ത്തി​നും ഇ​വി​ടെ സ്വാ​ത​ന്ത്ര്യ​മു​ണ്ട്. പൊ​തു​വെ മ​തേ​ത​ര​രും മ​ത​സ​ഹി​ഷ്ണു​ത​യു​ള്ള​വ​രു​മാ​ണ്​ ന​മ്മ​ളെ​ന്ന ഒ​രു ആ​ത്മ​വി​ശ്വാ​സം ഇ​വി​ട​ത്തെ സ​മൂ​ഹ​ത്തി​നു കൊ​ടു​ക്കാ​ൻ ക​ഴി​യ​ണം. രാ​ഷ്ട്രീ​യ​ലാ​ഭ​ത്തി​നു വേ​ണ്ടി വ​ർ​ഗീ​യ​ത പ്ര​സം​ഗി​ക്കു​ക​യും തീ​വ്ര​വാ​ദം ​പ്ര​ച​രി​പ്പി​ക്കു​ക​യും ചെ​യ്യു​ന്ന​ത്​ ഭൂ​രി​പ​ക്ഷ സ​മൂ​ഹ​ത്തി​ന്‍റെ ​ഏ​കീ​ക​ര​ണ​ത്തെ ത്വ​രി​ത​പ്പെ​ടു​ത്തു​ക​യേ​യു​ള്ളൂ. ഭൂ​രി​പ​ക്ഷ​സ​മു​ദാ​യ​ങ്ങ​ളെ​ വി​ശ്വാ​സ​ത്തി​ലെ​ടു​ത്തും മതേതര പാർട്ടികളുമാ​യി ചേ​ർ​ന്നു​നി​ന്നും ന്യാ​യ​ത്തി​നു​വേ​ണ്ടി വാ​ദി​ച്ചും മു​ന്നോ​ട്ടു​പോ​കു​ക​യാ​ണ്​ ലീ​ഗി​ന്‍റെ സ്​​ട്രാ​റ്റ​ജി. ഇ​വി​ടെ ഭ​ര​ണ​ഘ​ട​ന​യും കോ​ട​തി​യു​മു​ണ്ട്. അ​തി​ൽ വി​ശ്വാ​സ​മ​ർ​പ്പി​ച്ചു​പോ​കു​ക​യ​ല്ലാ​തെ മ​റ്റൊ​രു മാ​ർ​ഗ​വു​മി​ല്ല. അ​ല്ലെ​ങ്കി​ൽ രാ​ജ്യം മു​ഴു​ക്കെ ഫാ​ഷി​സ​ത്തി​ലേ​ക്കു പോ​കു​മ്പോ​ൾ ലോ​ക​ത്തി​ന്‍റെ ഇ​ത​ര​ഭാ​ഗ​ങ്ങ​ളി​ലു​ള്ള ന്യൂ​ന​പ​ക്ഷ സ​മു​ദാ​യ​ത്തി​നു സം​ഭ​വി​ച്ച​തു​​ത​ന്നെ മു​സ്​​ലിം​ക​ൾ​ക്കും സം​ഭ​വി​ക്കും. അ​തു ത​ട​യാ​ൻ ഇ​ന്ത്യ ഫാ​ഷി​സ​ത്തി​ന്‍റെ പി​ടി​യി​ല​മ​രാ​തി​രി​ക്ക​ണം. അ​ഥ​വാ, ഇ​ന്ത്യ​ൻ ജ​ന​ത അ​തി​നെ സ്വീ​ക​രി​ക്കാ​തി​രി​ക്ക​ണം. അ​തു​കൊ​ണ്ട്​ ലീ​ഗി​ന്‍റെ ന​യ​മാ​ണ്​ ശ​രി. തീ​വ്ര​വാ​ദം പ്ര​സം​ഗി​ക്കു​ന്ന​വ​ർ ന്യൂ​ന​പ​ക്ഷ സ​മൂ​ഹ​ത്തെ കൊ​ല​ക്കു​കൊ​ടു​ക്കു​ക​യാ​ണ്.

ഈ ​ദൗ​ത്യം വ​ർ​ത്ത​മാ​ന ഇ​ന്ത്യ​യി​ൽ എ​ത്ര​ത്തോ​ളം സാ​ധ്യ​മാ​ണ്​?

മു​മ്പ​ത്തെ​പ്പോ​ലെ അ​ല്ല. പ്ര​തീ​ക്ഷ​യു​ടെ നാ​മ്പു​ക​ൾ തെ​ളി​യു​ന്നു​ണ്ട്. ജ​ന​സ്വാ​ധീ​ന​മു​ള്ള പാ​ർ​ട്ടി​​ക​ളെ​ല്ലാം ഇ​നി​യും ബി.​ജെ.​പി വ​ന്നാ​ലു​ള്ള അ​പ​ക​ടം മ​ന​സ്സി​ലാ​ക്കി​യി​ട്ടു​ണ്ട്. അ​തു​കൊ​ണ്ട്​ തെ​ര​ഞ്ഞെ​ടു​പ്പ്​ അ​ടു​ത്തു​വ​രു​മ്പോ​ൾ പാ​ർ​ട്ടി​ക​ളു​ടെ കൂ​ട്ടാ​യ്മ​ക്കു​ള്ള ശ്ര​മ​മു​ണ്ടാ​കും. മോ​ദി ഭ​ര​ണം അ​ഴി​മ​തി​യാ​രോ​പ​ണ​ങ്ങ​ളു​ടെ നി​ഴ​ലി​ലേ​ക്കു നീ​ങ്ങു​ക​യാ​ണ്. ബി.​ജെ.​പി​യു​ടെ മി​മി​ക്​​സൊ​ന്നും ഏ​ശാ​ത്ത നി​ല വ​രും. അ​തു മ​തേ​ത​ര ക​ക്ഷി​ക​ളു​ടെ യോ​ജി​പ്പി​നു ക​ള​മൊ​രു​ക്കും എ​ന്നു ത​ന്നെ​യാ​ണ്​ പ്ര​തീ​ക്ഷ.

ഇ​തൊ​ക്കെ പ​റ​യു​മ്പോ​ഴും ന്യൂ​ന​പ​ക്ഷ​ങ്ങ​ളു​ടെ പ്ര​ശ്ന​ങ്ങ​ൾ​ക്കു​വേ​ണ്ടി കോ​ൺ​ഗ്ര​സ്​ അ​ത്ര പ്ര​ക​ട​മാ​യി രം​ഗ​ത്തു​വ​രാ​ത്ത​തെ​ന്താ​ണ്​? ജോ​ഡോ യാ​ത്ര​യി​ൽ പോ​ലും അ​തു​ണ്ടാ​യി​ല്ല.

അ​തു ശ​രി​യാ​ണ്. ക​മ്യൂ​ണ​ൽ ബാ​ല​ൻ​സി​ന്‍റെ ഒ​രു പ്രോ​ബ്ലം ഉ​ണ്ട്. കോ​ൺ​ഗ്ര​സ്​ ന്യൂ​ന​പ​ക്ഷ പാ​ർ​ട്ടി​യാ​ണ്, മു​സ്​​ലിം​ക​ൾ മാ​ത്ര​മാ​ണ്​ കോ​ൺ​ഗ്ര​സി​ന്​ വോ​ട്ടു​ചെ​യ്യു​ന്ന​ത്​ എ​ന്നി​ങ്ങ​നെ​യൊ​ക്കെ ബി.​ജെ.​പി പ്ര​ച​രി​പ്പി​ക്കു​ന്നു​ണ്ട്. ഭൂ​രി​പ​ക്ഷ​സ​മു​ദാ​യ​ത്തി​ൽ വൈ​കാ​രി​ക​ത ഉ​ണ​ർ​ത്തി​വി​ട്ടാ​ണ്​ ബി.​ജെ.​പി വോ​ട്ടു​പി​ടി​ക്കു​ന്ന​ത്. ഇ​തു​മൂ​ലം കോ​ൺ​ഗ്ര​സി​നു വ​രു​ന്ന സ്വാ​ഭാ​വി​ക​പ​രി​മി​തി​ക​ളു​ണ്ട്. എ​ന്നു​ക​രു​തി, കോ​ൺ​ഗ്ര​സി​ൽ​നി​ന്ന് ഒ​ട്ടും നീ​തി കി​ട്ടാ​തി​രു​ന്നാ​ൽ ന്യൂ​ന​പ​ക്ഷ​വും കോ​ൺ​ഗ്ര​സി​ൽ​നി​ന്ന​ക​ലും. ഈ​യൊ​രു വി​ട​വു​നി​ക​ത്താ​നു​ള്ള ശ്ര​മം കോ​ൺ​ഗ്ര​സ്​ ചെ​യ്യു​ന്നു​ണ്ട്. അ​തു ന​മു​ക്ക്​ ക​ണ്ടി​ല്ലെ​ന്നു ന​ടി​ക്കാ​നാ​വി​ല്ല.

മു​ന്നോ​ട്ടു നോ​ക്കു​മ്പോ​ൾ ആ​ത്മ​വി​ശ്വാ​സം എ​ത്ര​ത്തോ​ളം?

വ​നി​ത​ക​ള​ട​ക്കം പു​തി​യ ത​ല​മു​റ പാ​ർ​ട്ടി​യോ​ട്​ ന​ല്ല ആ​ഭി​മു​ഖ്യം പു​ല​ർ​ത്തു​ന്നു​ണ്ട്. പേ​ര് മു​സ്​​ലിം​ലീ​ഗ്​ ആ​ണെ​ങ്കി​ലും ഇ​ത​ര മ​ത​സ​മു​ദാ​യ​ങ്ങ​ളി​ലു​ള്ള​വ​രും ലീ​ഗു​മാ​യി സ​മ​ര​സ​പ്പെ​ടു​ന്നു​ണ്ട്. ച​രി​ത്ര​പ​ര​മാ​യ നാ​മ​ക​ര​ണം ഒ​ഴി​ച്ചു​നി​ർ​ത്തി​യാ​ൽ ലീ​ഗ്​ പി​ന്നാ​ക്ക​ക്കാ​ർ​ക്കും അ​വ​ശ ജ​ന​വി​ഭാ​ഗ​ങ്ങ​ൾ​ക്കു​മൊ​ക്കെ വേ​ണ്ടി​യു​ള്ള​താ​ണെ​ന്ന ധാ​ര​ണപൊ​തു​സ​മൂ​ഹ​ത്തി​ലു​ണ്ടാ​ക്കാ​ൻ ക​ഴി​ഞ്ഞി​ട്ടു​ണ്ട്. വ​ർ​ഗീ​യ​​ധ്രു​വീ​ക​ര​ണ​ത്തി​ന്‍റെ ഇ​ന്ന​ത്തെ സാ​ഹ​ച​ര്യ​ത്തി​ലും മു​ന്നോ​ട്ടു​പോ​കാ​നു​ള്ള ക​വി​ഞ്ഞ ആ​ത്മ​വി​ശ്വാ​സ​മാ​ണ്​ ഇ​ത്​ ന​ൽ​കു​ന്ന​ത്.

●