Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightWorldchevron_rightനൂറ്റാണ്ട് പഴക്കമുള്ള...

നൂറ്റാണ്ട് പഴക്കമുള്ള ‘കുപ്പി സന്ദേശം’ തിരിച്ചുകിട്ടി

text_fields
bookmark_border
നൂറ്റാണ്ട് പഴക്കമുള്ള ‘കുപ്പി സന്ദേശം’ തിരിച്ചുകിട്ടി
cancel


ലണ്ടന്‍: 108 വര്‍ഷംമുമ്പ് കുപ്പിയിലാക്കി കടലിലെറിഞ്ഞ സന്ദേശം ജര്‍മന്‍ തീരത്തുനിന്ന് കണ്ടത്തെി. ഇതുവരെ കണ്ടത്തെിയ ഇത്തരം സന്ദേശങ്ങളില്‍ ഏറ്റവും പഴക്കംചെന്നതാണിത്. 1904-1906 കാലഘട്ടത്തില്‍ അയച്ചതായി കണക്കാക്കപ്പെടുന്ന സന്ദേശം ജര്‍മനിയിലെ അമ്രും തീരത്തുനിന്ന് ഒരു സ്ത്രീയാണ് കണ്ടെടുത്തത്.
കുപ്പി ആരെങ്കിലും കണ്ടെടുക്കുകയാണെങ്കില്‍ അത് യു.കെയിലുള്ള മറൈന്‍ ബയോളജിക്കല്‍ അസോസിയേഷനിലേക്ക് (എം.ബി.എ) അയക്കണമെന്ന് കുപ്പിക്കുള്ളിലെ സന്ദേശത്തില്‍ എഴുതിയിരുന്നു. ഈ കുപ്പി സമുദ്രഗവേഷണത്തിന്‍െറ ഭാഗമായി അയച്ച 1000 സന്ദേശങ്ങളില്‍പെട്ടതാണെന്ന് അസോസിയേഷന്‍ അറിയിച്ചു.
അസോസിയേഷന്‍െറ പ്രസിഡന്‍റായിരുന്ന ജോര്‍ജ് പാര്‍ക്കര്‍ ബിഡര്‍ സമുദ്രത്തിന്‍െറ ഒഴുക്ക് അറിയുന്നതിനായുള്ള ഗവേഷണത്തിനായി അയച്ചതില്‍പെട്ടതാണിതെന്ന് ബി.ബി.സി റിപ്പോര്‍ട്ട് ചെയ്തു. എല്ലാ കുപ്പികളിലും, ഇത് ലഭിക്കുന്നവര്‍ തിരിച്ചയക്കണമെന്ന സന്ദേശം എഴുതിയിരുന്നു.
2013 ജൂലൈയില്‍ 99 വര്‍ഷവും 43 ദിവസവും പഴക്കമുള്ള സന്ദേശം കണ്ടത്തെിയിരുന്നു. ഇതുവരെയും ഇതായിരുന്നു ലഭിച്ചതില്‍ ഏറ്റവും പഴക്കമുള്ള സന്ദേശം.

Show Full Article
TAGS:
Next Story