ബഗ്ദാദിയുടെ അംഗരക്ഷകര്‍ക്ക് വ്യോമാക്രമണത്തില്‍ പരിക്ക്

ബഗ്ദാദ്: ഐ.എസ് തലവന്‍ അബൂബക്കര്‍ ബഗ്ദാദിയുടെ അംഗരക്ഷകര്‍ക്ക് ഇറാഖ് സൈന്യത്തിന്‍െറ വ്യോമാക്രമണത്തില്‍ പരിക്കേറ്റതായി റിപ്പോര്‍ട്ട്. ഇറാഖ്-സിറിയ അതിര്‍ത്തിയില്‍ ഞായറാഴ്ചയാണ് സംഭവം. എന്നാല്‍, ബഗ്ദാദിയുടെ ആരോഗ്യനിലയെക്കുറിച്ച് വിവരം ലഭിച്ചിട്ടില്ല.
ബഗ്ദാദിയെ ആക്രമിച്ചതായോ കൊലപ്പെടുത്തിയതായോ പെന്‍റഗണ്‍ സ്ഥിരീകരിച്ചിട്ടില്ല. ഇതിനു മുമ്പും പലതവണ ഇറാഖ് സുരക്ഷാസേന ബഗ്ദാദിയെ ആക്രമിച്ചതായും കൊലപ്പെടുത്തിയതായും അവകാശപ്പെട്ടിരുന്നു.എന്നാല്‍, ഇതൊന്നും തെളിയിക്കപ്പെട്ടിരുന്നില്ല. ദാഇശ് തീവ്രവാദി നേതാക്കളുമായി ചര്‍ച്ചക്ക് കര്‍ബലയിലേക്ക് പോകവേയാണ് വ്യോമാക്രമണം നടത്തിയതെന്നാണ് ഇറാഖ് സൈന്യത്തിന്‍െറ വാദം.