നാറ്റോ സൈനിക വ്യൂഹത്തിന് നേരെ താലിബാന്‍ ചാവേറാക്രമണം

കാബൂള്‍: അഫ്ഗാനിസ്താനില്‍ നാറ്റോ സൈനിക വാഹന വ്യൂഹത്തിന് നേരെ ചാവേറാക്രമണം. കാബൂള്‍ നഗര മധ്യത്തില്‍ രാവിലെ തിരക്കേറിയ സമയത്താണ് കാറിലെത്തിയ ചാവേര്‍ പൊട്ടിത്തെറിച്ചത്. ആളപായം ഉണ്ടായതായി റിപ്പോര്‍ട്ടില്ല. സൈനിക വാഹനങ്ങള്‍ തകര്‍ന്നിട്ടുണ്ട്.

ചാവേറാക്രമണത്തിന്‍െറ ഉത്തരവാദിത്തം ഏറ്റെടുത്തതായി താലിബാന്‍ വക്താവ് സബിയുല്ല മുജാഹിദ് അറിയിച്ചെന്ന് അല്‍ജസീറ റിപ്പോര്‍ട്ട് ചെയ്തു. ഒരാഴ്ചക്കിടെ താലിബാന്‍ നടത്തുന്ന രണ്ടാമത്തെ ചാവേറാക്രമണമാണിത്.