മോദിക്ക്​ വോട്ടു ചോദിച്ച്​ വിവാഹക്ഷണക്കത്ത്​;​ തെരഞ്ഞെടുപ്പ്​ കമ്മീഷൻ നോട്ടീസ്​

ഡെറാഡൂൺ: വിവാഹക്ഷണക്കത്തിൽ മോദിക്ക്​ വോട്ട്​ ചെയ്യണമെന്ന്​ അഭ്യർഥിച്ചതിന് ഉത്തരാഖണ്ഡുകാരന്​ തെരഞ്ഞെടു പ്പ്​ കമ്മീഷ​​െൻറ നോട്ടീസ്​. ജഗദീഷ്​ ചന്ദ്ര ജോഷി എന്നയാൾക്കാണ്​ തെരഞ്ഞെടുപ്പ്​ കമ്മീഷൻ നോട്ടീസ്​ അയച്ചത് ​. മക​​െൻറ വിവാഹത്തിന്​ തയാറാക്കിയ ക്ഷണക്കത്തിലാണ്​ മോദിക്കായി വോട്ട്​ ചോദിച്ചത്​.

‘ഉപഹാരങ്ങൾ വേണ്ട. വധുവിനെയും വരനെയും അനുഗ്രഹിക്കാൻ എത്തുന്നതിനു മുമ്പായി ഏപ്രിൽ 11 ന്​ രാജ്യതാത്​പര്യത്തിനു വേണ്ടി മോദിക്ക്​ വോട്ടു ചെയ്യുക’ എന്നായിരുന്നു ക്ഷണക്കത്ത്​ മുഖേനയുള്ള ആഹ്വാനം.

മാതൃകാ പെരുമാറ്റച്ചട്ടം ലംഘിച്ചുവെന്ന്​ ചുണ്ടിക്കാട്ടിയാണ് കമ്മീഷൻ നോട്ടീസ്​ അയച്ചത്​. 24 മണിക്കൂറിനുള്ളിൽ അസിസ്​റ്റൻറ്​ റി​ട്ടേണിങ്​ ഒാഫീസർക്ക്​ മുമ്പാകെ ഹാജരാകണമെന്ന്​ നോട്ടീസിൽ ആവശ്യപ്പെട്ടിട്ടുണ്ട്​.

നോട്ടീസ്​ ലഭിച്ചപ്പോൾ ജഗദീഷ്​ ചന്ദ്ര ജോഷി മാപ്പപേക്ഷിച്ചു. ക്ഷണക്കത്തിലേക്കുള്ള വാചകങ്ങൾ കുട്ടികൾ തയാറാക്കി തന്നതായിരുന്നു. തെരഞ്ഞെടുപ്പ്​ കമ്മീഷന്​​ മുമ്പാകെ മാപ്പപേക്ഷിക്കുന്നു. സാധാരണക്കാരായ ഞങ്ങൾക്ക്​ ഒരു രാഷ്​ട്രീയ പാർട്ടിയോടും പ്രത്യേകിച്ച്​ ചായ്​വി​െല്ലന്നും ജോഷി വ്യക്​തമാക്കി.

ഉത്തരാഖണ്ഡിൽ ഏപ്രിൽ 11നാണ്​ തെരഞ്ഞെടുപ്പ്​. ജോഷിയുടെ മക​​െൻറ വിവാഹം ഏപ്രിൽ 22നാണ്​ നടക്കുന്നത്​.