പങ്ക​ജ്​ മുണ്ടയെ ഒരു മണിക്കൂറെങ്കിലും മഹാരാഷ്​ട്ര മുഖ്യമന്ത്രിയാക്കണമെന്ന്​ ശിവസേന

മും​ബൈ: മറാത്ത സംവരണ വിഷയത്തിൽ ബി.ജെ.പി സർക്കാറിനെ വീണ്ടും പ്രതിരോധത്തിലാക്കി ശിവസേന. മറാത്ത സംവരണത്തിനുള്ള ഫയൽ പാസാക്കുന്നതിന്​ പങ്കജ്​ മുണ്ടയെ ഒരു മണിക്കൂറെങ്കിലും മുഖ്യമന്ത്രിയാക്കാൻ ദേവേന്ദ്ര ഫട്​നാവിസ്​ തയറാകണമെന്നാണ്​ ശിവസേനയുടെ ആവശ്യം. 

നിലവിൽ മഹാരാഷ്​ട്ര മന്ത്രിസഭയിൽ ഗ്രാമവികസന വകുപ്പ്​ മന്ത്രിയാണ്​ പങ്കജ്​ മുണ്ടെ. താൻ മുഖ്യമ​ന്ത്രിയായാൽ മറാത്ത സംവരണം നടപ്പാക്കുമെന്ന്​ പങ്കജ്​ മുണ്ടെ വ്യക്​തമാക്കിയിരുന്നു. മറാത്ത പ്രക്ഷോഭത്തിനിടെയായിരുന്നു പങ്കജ്​ മു​ണ്ടയുടെ പ്രസ്​താവന പുറത്ത്​ വന്നത്​.

പങ്കജി​​​​​െൻറ പ്രസ്​താവനയിലുടെ ബി.ജെ.പിയാണ്​ മറാത്ത സംവരണത്തിന്​ തടസം നിൽക്കുന്നതെന്ന്​ വ്യക്​തമായതായി ശിവസേന മുഖപത്രം സാമ്​ന കുറ്റപ്പെടുത്തുന്നു. മുഖ്യമന്ത്രിയായൽ സംവരണം നടപ്പാക്കാൻ പങ്കജിന്​ കഴിയുമെങ്കിൽ അതിന്​ അവർക്ക്​ അവസരം നൽകുകയാണ്​ വേണ്ടതെന്നും സാമ്​ന മുഖപ്രസംഗത്തിൽ ചൂണ്ടിക്കാട്ടുന്നു. ​പ്രശ്​നം പരിഹരിക്കാൻ മഹാരാഷ്​ട്ര മുഖ്യമ​ന്ത്രി ഫട്​നാവിസ്​ പ്രധാനമന്ത്രിയുമായി കൂടികാഴ്​ച നടത്തണമെന്നും ശിവസേന ആവശ്യപ്പെട്ടു. എന്നാൽ, കൂടുതൽ സമയത്തും വിദേശത്തായതിനാൽ പ്രധാനമന്ത്രിയെ കാണാൻ ഫട്​നാവിസിന്​ സാധിക്കില്ലെന്നും സാമ്​നയിലുടെ ശിവസേന പരിഹസിക്കുന്നു.