മുംബൈയില്‍ പെണ്‍വാണിഭ സംഘത്തിൽനിന്ന്​ കൗമാര വെബ്​ സീരിസ്​ താരം അടക്കം മൂന്ന് പേരെ രക്ഷപ്പെടുത്തി

മുംബൈ: അന്ധേരിയിലെ ത്രീസ്​റ്റാർ ഹോട്ടൽ കേന്ദ്രീകരിച്ച്​ പ്രവർത്തിച്ചിരുന്ന ‘ഉന്നത’ ​പെൺവാണിഭ സംഘത്തിൽനിന ്ന്​ കൗമാര വെബ്​സീരിസ്​ താരമടക്കം മൂന്നുപേരെ മുംബൈ പൊലീസ്​ രക്ഷപ്പെടുത്തി.

സിറ്റി പോലീസിൻെറ സോഷ്യല്‍ സര്‍വിസ് ബ്രാഞ്ച് നടത്തിയ റെയ്ഡിലാണ്​ പെണ്‍വാണിഭ സംഘം കുടുങ്ങിയത്​. വെബ്​ സീരിസിൽ അഭിനയിക്കുന്ന പ്രായപൂർത്തിയാകാത്ത പെൺകുട്ടിക്ക്​ പുറമേ ‘സാവധാൻ ഇന്ത്യ’ എന്ന ടി.വി ക്രൈം ഷോയിൽ അഭിനയിക്കുന്ന ഗായിക കൂടിയായ നടിയെയും മറാത്തി സിനിമ-സീരിയൽ നടിയെയുമാണ്​ രക്ഷപ്പെടുത്തിയത്​.

ഇവരെ നിര്‍ബന്ധിച്ച് പെണ്‍വാണിഭ സംഘത്തിലേക്ക് എത്തിച്ച ഇടപാടുകാരിയായ പ്രിയ ശര്‍മ എന്ന 29കാരിയെയും പൊലീസ് കസ്​റ്റഡിയിലെടുത്തിട്ടുണ്ട്. ഇവരാണ് പെണ്‍വാണിഭ സംഘത്തെ നിയന്ത്രിച്ചിരുന്നത്. കണ്ടിവല്ലീ ഈസ്റ്റ് ഭാഗത്ത് ടൂര്‍സ് ആന്‍ഡ് ട്രാവല്‍സ് ഏജന്‍സി നടത്തിപ്പുകാരിയാണ് ഇവരെന്ന് പോലീസ് പറഞ്ഞു. സംഘത്തില്‍ കൂടുതല്‍ ആളുകളുണ്ടോയെന്ന് പൊലീസ് അന്വേഷിച്ചുവരികയാണ്.