Begin typing your search above and press return to search.
proflie-avatar
Login
exit_to_app
exit_to_app
Covid ICU
cancel
Homechevron_rightNewschevron_rightIndiachevron_rightഡൽഹിയിൽ കോവിഡ്​...

ഡൽഹിയിൽ കോവിഡ്​ ബാധിതരുടെ എണ്ണം കുതിക്കുന്നു; ഐ.സി.യുകൾ നിറഞ്ഞു

text_fields
bookmark_border

ന്യൂഡൽഹി: രാജ്യതലസ്​ഥാനത്ത്​ കോവിഡ്​ ബാധിതരുടെ എണ്ണം കുതിക്കുന്നു. സ്വകാര്യ ആശുപത്രികളിലെ അത്യാഹിത വിഭാഗം രോഗികളാൽ​ നിറഞ്ഞതായി ഡൽഹി ആശുപത്രികളിലെ ഡോക്​ടർമാർ അറിയിച്ചു. അത്യാസന്ന നിലയിലായ രോഗികളെ മാത്രമാണ്​​ കോവിഡ്​ ഐ.സി.യുവിൽ പ്രവേശിപ്പിക്കുന്നത്​. കഴിഞ്ഞ 10 ദിവസമായി ​അത്യാസന്ന നിലയിലെത്തുന്ന രോഗികളുടെ എണ്ണത്തിൽ നാലുശതമാനം വർധനയുണ്ടായതായും ഡോക്​ടർമാർ പറയുന്നു.

ഡൽഹി കൊറോണ ആപ്​ പ്രകാരം സ്വകാര്യ ആശുപത്രികളിലെ അത്യാഹിത വിഭാഗത്തിൽ കിടക്ക ഒഴിവുകൾ കാണിക്കുന്നില്ല. എയിംസിലും അത്യാഹിത വിഭാഗം മുഴുവൻ രോഗികളെകൊണ്ടു നിറഞ്ഞു. സ്വകാര്യ ആശുപത്രികളിൽ വെൻറിലേറ്റർ സൗകര്യമുള്ള 1264 അത്യാഹിത വിഭാഗം കിടക്കുകളാണുള്ളത്​. ഇതിൽ 764 എണ്ണത്തിൽ രോഗികളെ പ്രവേശിപ്പിച്ചതായും പറയുന്നു. സർക്കാർ ആശുപത്രികളിൽ 14,996 കിടക്ക സൗകര്യമാണുള്ളത്​. ഇതിൽ 7043 ബെഡുകളിലും രോഗികളെ പ്രവേശിപ്പിച്ചു.

കഴിഞ്ഞ ഒരാഴ്​ചയായി 4000ത്തിൽ അധികംപേർക്കാണ്​ ഡൽഹിയിൽ കോവിഡ്​ സ്​ഥിരീകരിക്കുന്നത്​. ശനിയാഴ്​ച കോവിഡ്​ ബാധിതരുടെ എണ്ണം രണ്ടുലക്ഷം കടന്നിരുന്നു. 2,42,899 പേർക്കാണ്​ ഡൽഹിയിൽ കോവിഡ്​ സ്​ഥിരീകരിച്ചത്​.

ഉത്തർപ്രദേശ്​, ഹരിയാന, രാജസ്​ഥാൻ എന്നീ സംസ്ഥാനങ്ങളിലെ അത്യാസന്ന നിലയിലുള്ള കോവിഡ്​ രോഗികളും ചികിത്സയിലായി ഡൽഹിയിലെത്തുന്നുണ്ട്​. ഡൽഹിയിൽ ഐ.സി.യു ബെഡുകളുടെ ക്ഷാമം പരിഹരിക്കാൻ നടപടി സ്വീകരിച്ചതായി ആരോഗ്യമന്ത്രി സത്യേന്ദ്ര ജെയിൻ പറഞ്ഞു.


Latest Video:

:
Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Covid DelhiCovid deathCovid ICU
Next Story