Top
Begin typing your search above and press return to search.
keyboard_arrow_down
Login
exit_to_app
exit_to_app
വൈ.എസ്​.ആർ കോൺഗ്രസ്​ എൻ.ഡി.എയിലേക്ക്​?
cancel
Homechevron_rightNewschevron_rightIndiachevron_rightവൈ.എസ്​.ആർ കോൺഗ്രസ്​...

വൈ.എസ്​.ആർ കോൺഗ്രസ്​ എൻ.ഡി.എയിലേക്ക്​?

text_fields
bookmark_border

ന്യൂഡൽഹി: കർഷക ബില്ലുകളിൽ പ്രതിഷേധിച്ച്​ ശിരോമണി അകാലിദൾ മുന്നണി വിട്ടതിനുപിന്നാലെ 22 എം.പിമാരുള്ള വൈ.എസ്​.ആർ കോൺഗ്രസിനെ എൻ.ഡി.എയിലെത്തിക്കാൻ കരുക്കൾ നീക്കി ബി.ജെ.പി. ബി.ജെ.പി നേതൃത്വവുമായി ഇക്കാര്യത്തിൽ ചർച്ചകൾ നടത്തുന്നതിനായി പാർട്ടി നേതാവ്​ വൈ.എസ്​. ജഗൻ ​മോഹൻ റെഡ്​ഡി തിങ്കളാഴ്​ച വൈകീട്ട്​ ഡൽഹിയിലെത്തിയിട്ടുണ്ട്​. മുന്നണിയിൽ ചേരുന്നതിനൊപ്പം കേന്ദ്ര മന്ത്രിസഭയിൽ ഒരു കാബിനറ്റ്​ മന്ത്രി സ്​ഥാനവും ഒന്നോ രണ്ടോ സഹ മന്ത്രി സ്​ഥാനവും വൈ.എസ്​.ആർ കോൺഗ്രസിന്​ ബി.ജെ.പി വാഗ്​ദാനം ചെയ്​തിട്ടുണ്ടെന്നാണ്​ റിപ്പോർട്ടുകൾ.

ചൊവ്വാഴ്​ച പ്രധാനമന്ത്രി നരേന്ദ്ര മോദിയുമായും ബി.ജെ.പി നേതാക്കളുമായും ജഗൻ മോഹൻ കൂടിക്കാഴ്​ച നടത്തും. രണ്ടാഴ്​ചക്കിടെ ഇത്​ രണ്ടാം തവണയാണ്​ ആന്ധ്ര പ്രദേശ്​ മുഖ്യമന്ത്രിയായ ജഗൻ ഡൽഹിയിലെത്തുന്നത്​. സെപ്​റ്റംബർ 22ന്​ തലസ്​ഥാനത്തെത്തിയ ജഗൻ അന്ന്​ അമിത്​ ഷായെ കണ്ട്​ മുന്നണി പ്രവേശനത്തി​​െൻറ കാര്യത്തിൽ പ്രാരംഭ ചർച്ചകൾ നടത്തിയതായാണ്​ വിവരം.

വൈ.എസ്​.ആർ കോൺഗ്രസ്​, എൻ.ഡി.എ മുന്നണിയിലും കേ​ന്ദ്ര സർക്കാറിലും ചേരുന്നതിന്​ സാധ്യത കുറവാണെന്നാണ്​ രാഷ്​​ട്രീയ നിരീക്ഷകർ വിലയിരു​ത്തു​ന്നത്​. എന്നാൽ, മുന്നണി പ്രവേശനത്തി​െൻറ കാര്യത്തിൽ ഏറക്കുറെ തീരുമാനം ആയതായും വൈകാതെ അതുണ്ടാകുമെന്നും ജഗനോട്​ അടുത്ത കേന്ദ്രങ്ങളെ ഉദ്ധരിച്ച്​ ദേശീയ മാധ്യമങ്ങൾ വ്യക്​തമാക്കുന്നു.

ലോക്​സഭയിലെ 22 എം.പിമാർക്കു പുറമെ രാജ്യസഭയിൽ ആറ്​ അംഗങ്ങളും പാർട്ടിക്കുണ്ട്​. കഴിഞ്ഞ 16 മാസത്തിനിടെ, വൈ.എസ്​.ആർ കോൺഗ്രസ്​ നിർണായക ഘട്ടങ്ങളിൽ എൻ.ഡി.എക്ക്​ നിരുപാധിക പിന്തുണയാണ്​ നൽകിയിട്ടുള്ളത്​. ഏറ്റവുമൊടുവിൽ, വിവാദമായ കർഷക ബില്ലുകളിലും വൈ.എസ്​.ആർ കോൺഗ്രസ്​ ബി.ജെ.പിയുമായി കൈകോർത്തു.

Show Full Article
TAGS:YS Jagan Mohan Reddy YSR Congress NDA 
Web Title - Jagan Mohan Reddy in Delhi, Will meet BJP leaders to discuss joining NDA
Next Story