ഗു​രു​ദ്വാ​ര​യി​ലി​രു​ന്ന് മ​ദ്യ​പി​ച്ച​തി​ന് ഭ​ക്ത​ൻ യു​വ​തി​യെ വെ​ടി​വെ​ച്ചു​കൊ​ന്നു

പാ​ട്യാ​ല: ഗു​രു​ദ്വാ​ര​ക്ക​ക​ത്തി​രു​ന്ന് മ​ദ്യ​പി​ച്ചെ​ന്നാ​രോ​പി​ച്ച് പ​ഞ്ചാ​ബി​ൽ യു​വ​തി​യെ വെ​ടി​വെ​ച്ചു​കൊ​ന്നു. പ​ഞ്ച്കു​ല സ്വ​ദേ​ശി​നി​യാ​യ പ​ർ​വി​ന്ദ​ർ കൗ​ർ (30) ആ​ണ് കൊ​ല്ല​പ്പെ​ട്ട​ത്. സം​ഭ​വ​ത്തി​ൽ ഗു​രു​ദ്വാ​ര​യി​ലെ നി​ത്യ​സ​ന്ദ​ർ​ശ​ക​നാ​യ നി​ർ​മ​ൽ​ജി​ത് സി​ങ് സൈ​നി​യെ പാ​ട്യാ​ല പൊ​ലീ​സ് അ​റ​സ്റ്റ് ചെ​യ്തു. സം​ഭ​വ​ത്തി​നു​ശേ​ഷം ഇ​യാ​ൾ കീ​ഴ​ട​ങ്ങു​ക​യാ​യി​രു​ന്നു.

മ​ത​വി​കാ​രം വ്ര​ണ​പ്പെ​ടു​ത്തി​യ​തി​ന്റെ ദേ​ഷ്യ​ത്തി​ലാ​ണ് യു​വ​തി​ക്കു​നേ​രെ വെ​ടി​യു​തി​ർ​ത്ത​തെ​ന്ന് നി​ർ​മ​ൽ​ജി​ത് സി​ങ് മൊ​ഴി​ന​ൽ​കി. ഞാ​യ​റാ​ഴ്ച ദു​ഖ് നി​വാ​ര​ൻ സാ​ഹി​ബ് ഗു​രു​ദ്വാ​ര​യു​ടെ വി​ശു​ദ്ധ തീ​ർ​ഥ​ക്കു​ള​ത്തി​ന് സ​മീ​പ​ത്തു​നി​ന്ന് പ​ർ​വി​ന്ദ​ർ കൗ​ർ പ​ര​സ്യ​മാ​യി മ​ദ്യ​പി​ച്ചു​വെ​ന്ന് ഗു​രു​ദ്വാ​ര ക​മ്മി​റ്റി പ​റ​യു​ന്നു. സം​ഭ​വം ശ്ര​ദ്ധ​യി​ൽ​പെ​ട്ട ഗു​രു​ദ്വാ​ര പ​രി​പാ​ല​ക​ർ യു​വ​തി​യെ മാ​നേ​ജ​റു​ടെ ഓ​ഫി​സി​ലെ​ത്തി​ച്ചു. ഇ​തി​നി​ടെ മ​ദ്യ​ല​ഹ​രി​യി​ലാ​യി​രു​ന്ന യു​വ​തി മ​ദ്യ​ക്കു​പ്പി​കൊ​ണ്ട് പ​രി​പാ​ല​ക​രെ ആ​ക്ര​മി​ക്കാ​നും ശ്ര​മി​ച്ചു​വ​ത്രെ.

മാ​നേ​ജ​റു​ടെ മു​റി​യി​ൽ​നി​ന്ന് പ​ര​വി​ന്ദ​ർ കൗ​ർ പൊ​ലീ​സു​കാ​ര​നൊ​പ്പം പു​റ​ത്തേ​ക്ക് ഇ​റ​ങ്ങി​വ​രു​ന്ന​തി​നി​ടെ​യാ​ണ് നി​ർ​മ​ൽ​ജി​ത് സി​ങ് ത​ന്‍റെ കൈ​വ​ശ​മു​ണ്ടാ​യി​രു​ന്ന തോ​ക്കു​പ​യോ​ഗി​ച്ച് അ​ഞ്ചു​ത​വ​ണ വെ​ടി​യു​തി​ർ​ക്കു​ന്ന​തെ​ന്ന് പാ​ട്യാ​ല സീ​നി​യ​ർ പൊ​ലീ​സ് സൂ​പ്ര​ണ്ട് വ​രു​ൺ ശ​ർ​മ പ​റ​ഞ്ഞു. സ​മീ​പ​ത്തു​ണ്ടാ​യി​രു​ന്ന മ​റ്റൊ​രാ​ൾ​ക്കും പ​രി​ക്കേ​റ്റു. മ​ദ്യ​ത്തി​ന് അ​ടി​പ്പെ​ട്ട പ​ർ​വി​ന്ദ​ർ കൗ​ർ ല​ഹ​രി​വി​മു​ക്തി കേ​ന്ദ്ര​ത്തി​ൽ ചി​കി​ത്സ​തേ​ടി​യ​തി​ന്‍റെ രേ​ഖ​യും പൊ​ലീ​സ് ക​ണ്ടെ​ടു​ത്തു.