Begin typing your search above and press return to search.
proflie-avatar
Login
exit_to_app
exit_to_app
Amruta Fadnavis
cancel
Homechevron_rightNewschevron_rightIndiachevron_right'ശവസേന'യെന്ന്​...

'ശവസേന'യെന്ന്​ ഫഡ്​​നാവിസി​െൻറ ഭാര്യ അമൃത; 'അ' പോയാൽ മൃതയെന്ന്​ ശിവസേന

text_fields
bookmark_border

മുംബൈ: ബിഹാർ തെരഞ്ഞെടുപ്പിൽ മോശം പ്രകടനം കാഴ്​ചവെച്ച ശിവസേനയെ 'ശവസേന'യെന്ന്​ വിളിച്ച ബി.ജെ.പി നേതാവ്​ ദേവേന്ദ്ര ഫഡ്​നാവി​െൻറ ഭാര്യ അമൃതക്ക്​ മറുപടിയുമായി ശിവസേന. വാക്കുകളിലെ എല്ലാ അക്ഷരങ്ങൾക്കും പ്രാധാന്യമുണ്ടെന്ന്​ ഓർമിപ്പിച്ചായിരുന്നു ശിവസേന വക്താവ്​ നീലം ഗോറയുടെ മറുപടി.

'നിങ്ങളുടെ പേരിലെ ആദ്യ അക്ഷരമായ 'അ' എടുത്തുമാറ്റി 'മൃത' അവസ്​ഥയിലേക്ക്​ പോകരുത്​. അമൃതയുടെ പേരിലെ 'അ' അക്ഷരത്തി​െൻറ പ്രാധാന്യം മനസിലാക്കണം. ദീപാവലി ആഘോഷങ്ങൾക്കിടെ മോശം ചിന്തകൾ മനസിൽ നിറക്കരുത്​' -നീലം ഗോറ പറഞ്ഞു. 'മൃത' എന്നാൽ മറാത്തിയിൽ 'മരണപ്പെട്ട' എന്നാണ്​ അർഥം.

തെരഞ്ഞെടുപ്പിലെ ശിവസേനയുടെ മോശം പ്രകടനത്തെ വിമർശിച്ച്​ അമൃത രംഗത്തെത്തുകയായിരുന്നു. 'എന്താണ്​ യഥാർഥത്തിൽ സംഭവിക്കുന്നത്​. സ്വന്തം സഹപ്രവർത്തകരായ കോൺഗ്രസിനെ 'ശവസേന' കൊലപ്പെടുത്തി. മഹാരാഷ്​ട്രയിൽ അവർ എവിടെയാണെന്നതിൽ പ്രശ്​നമില്ല. പക്ഷേ ബിഹാറിൽ അവരെ യഥാർഥ സ്​ഥലത്ത്​ നിർത്തിയതിൽ നന്ദി അറിയിക്കുന്നു' -ഇതായിരുന്നു അമൃതയുടെ ട്വീറ്റ്​.

ബിഹാറിൽ ബി.ജെ.പിയുടെ തെരഞ്ഞെടുപ്പ്​ ചുമതല ദേവേന്ദ്ര ഫഡ്​നാവിസിനായിരുന്നു. അവിടെ ​മത്സരത്തിനിറങ്ങിയ ശിവസേനക്ക്​ ഒരു​ സീറ്റുപോലും നേടാൻ കഴിഞ്ഞില്ല. മിക്ക സ്​ഥാനാർഥികൾക്കും കെട്ടിവെച്ച പണം പോലും നഷ്​ടമായിരുന്നു. ​ശിവസേനയും കോൺഗ്രസും മഹാസഖ്യത്തിനൊപ്പമായിരുന്നു മത്സരം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Devendra FadnavisShiv SenaBihar Election 2020Amruta FadnavisShav Sena
News Summary - You Wont Benefit By Calling Us Names, Shiv Sena Tells Amruta Fadnavis against Shav sena statement
Next Story