ജീവിക്കുന്നത്​ ഒരു ചാണക റിപബ്ലിക്കിൽ -വിദ്യാഭ്യാസ നയത്തിൽ രൂക്ഷ വിമർശനവുമായി മഹുവ മൊയ്​ത്ര

ന്യൂഡൽഹി: ദേശീയ വിദ്യാഭ്യാസ നയവുമായി ബന്ധപ്പെട്ട്​ ആർ.എസ്​.എസിന്‍റെ അവലോകന യോഗത്തിൽ കേന്ദ്ര വിദ്യാഭ്യാസ മന്ത്രി പ​ങ്കെടുത്തതിനെതിരെ രൂക്ഷ വിമർശനവുമായി തൃണമൂൽ കോൺഗ്രസ്​ നേതാവും എം.പിയുമായ മഹുവ മൊയ്​ത്ര. ദേശീയ വിദ്യാഭ്യാസ നയം പാർലമെന്‍റിലോ സംസ്​ഥാനങ്ങളുമായോ ചർച്ച ചെയ്​തില്ല. എന്നാൽ അവ വിശദീകരിക്കാൻ ആർ.എസ്​.എസിന്‍റെ യോഗത്തിൽ പ​ങ്കെടുത്തുവെന്നായിരുന്നു മഹുവയുടെ പ്രതികരണം.

'നിങ്ങൾ ജീവിക്കുന്നത്​ ഒരു ചാണക ഭരണത്തിന്​ കീഴിലാണെന്ന്​ നിങ്ങൾക്ക്​ അറിയാം. ദേശീയ വിദ്യാഭ്യാസ നയം പാർലമെന്‍റിലോ സംസ്​ഥാനങ്ങളുമായോ ഇതുവരെ ചർച്ച ചെയ്​തിട്ടില്ല. പക്ഷേ കേന്ദ്ര വിദ്യാഭ്യാസമ​ന്ത്രി ആർ.എസ്​.എസിന്​ അവ വിശദീകരിക്കാൻ എൻ.ഇ.പി വർക്​ഷോപ്പിൽ പ​ങ്കെടുക്കുന്നു' -മഹുവ ട്വീറ്റ്​ ചെയ്​തു.

ദേശീയ വിദ്യാഭ്യാസ നയം 2020 നടപ്പാക്കുന്നതുമായി ബന്ധ​െപ്പട്ട്​ വിശദാംശങ്ങൾ ചർച്ച​െചയ്യാൻ ആർ.എസ്​.എസ്​ രണ്ടുദിവസത്തെ അവലോകന യോഗം ഡൽഹിയിൽ സംഘടിപ്പിച്ചിരുന്നു. ആർ.എസ്​.എസ് നേതാക്കൾ​ക്കൊപ്പം ​േകന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാനും മറ്റു മുതിർന്ന ബി.ജെ.പി നേതാക്കളും യോഗത്തിൽ പ​െങ്കടുത്തിരുന്നു. കേന്ദ്രമന്ത്രിമാരായ രാജീവ്​ ചന്ദ്രശേഖറും ജ​ിതേന്ദ്ര സിങ്ങും പരിപാടിയിൽ പ​െങ്കടുത്തവരിൽ ഉൾപ്പെടും.

വിദ്യാ ഭാരതി, ഭാരതീയ ശിക്ഷ സംസ്​കൃതി ഉത്തൻ ന്യാസ്​, ഭാരതീയ ശിക്ഷ മന്ദൽ, എ.ബി.വി.പി തുടങ്ങിയ സംഘടന പ്രതിനിധികളും യോഗത്തിൽ പ​ങ്കെടുത്തിരുന്നു.

1986ലെ ദേശീയ വിദ്യാഭ്യാസ നയത്തിന്​ പകരമാണ്​ പുതിയ വിദ്യാഭ്യാസ നയം. സ്​കൂൾ വിദ്യാഭ്യാസത്തിലും ഉന്നത വിദ്യാഭ്യാസത്തിലും അടിസ്​ഥാനപരമായ മാറ്റം വരുത്തുന്നതാണ്​ നയം.