ഇങ്ങനെ നുണപറയാൻ നാണമില്ലേ? - മോദി​യോട്​ രാഹുൽ

ന്യൂഡൽഹി: പ്രധാനമ​ന്ത്രി നരേന്ദ്ര മോദിക്കെതിരെ നിശിത വിമർശനവുമായി കോൺഗ്രസ്​ അധ്യക്ഷൻ രാഹുൽ ഗാന്ധി. കോൺഗ് രസി​​​​െൻറ കോട്ടയായ അമേത്തി സന്ദർശിക്കുന്നതിനിടെ മോദി നുണ പറഞ്ഞെന്നാണ്​ രാഹുലി​​​​െൻറ കുറ്റപ്പെടുത്തൽ. ത ാൻ തറക്കല്ലിട്ട്​ വർഷങ്ങളായി ഉത്​പാദനം നടക്കുന്ന ആയുധ ഫാക്​ടറിയെ സംബന്ധിച്ച്​ മോദി പറഞ്ഞ കാര്യങ്ങൾ നുണയാണെ ന്ന്​ രാഹുൽ ആരോപിച്ചു.

2010ൽ അമേത്തിയിൽ യുദ്ധസാമഗ്രികൾ നിർമിക്കുന്ന ഫാക്​ടറിക്ക്​ തറക്കല്ലിട്ടത്​ ഞാനാണ്​. കഴിഞ്ഞ കുറേ വർഷങ്ങളായി ഫാക്​ടറിയിൽ നിന്ന്​ ചെറു ആയുധങ്ങൾ നിർമിക്കുന്നുണ്ട്​. ഇന്നലെ താങ്കൾ ഇവിടെ വന്നു. പതിവുപോലെ നുണ പറഞ്ഞു. ഇങ്ങനെ നുണപറയാൻ താങ്കൾക്ക്​ നാണമില്ലേ​​? -രാഹുൽ ട്വീറ്റ്​ ചെയ്​തു.

ത​​​​െൻറ സർക്കാറി​​​​െൻറ എല്ലാവർക്കും വികസനമെന്ന മുദ്രാവാക്യത്തിന്​ മികച്ച ഉദാഹരണമാണ്​ അമേത്തിയെന്നായിരുന്നു മോദിയുടെ പ്രസംഗം. ലോകത്തെ ആധുനിക തോക്കുകളായ എ.കെ-203 നിർമിക്കുന്നത്​ അമേത്തിയിലാണ്​. ഇൗ റൈഫിളുകൾ അമേത്തി നിർമിതമെന്നാണ്​ അറിയപ്പെടുന്നത്​. തീവ്രവാദികളും നക്​സലുകളുമായുള്ള ഏറ്റുമുട്ടലിൽ നമ്മുടെ ജവാൻമാർക്ക്​ ഇത്​ ഉപകാരപ്പെടുന്നു. അത്​ ഇന്ത്യയുടെയും റഷ്യയുടെയും സംയുക്​ത സംരംഭമാണ്​. ഇത്ര ചെറിയ കാലം കൊണ്ട്​ ഇൗ സംരംഭം പൂർത്തിയായത്​ റഷ്യയുടെ സഹകരണം കൊണ്ടാണ്​. എ​​​​െൻറ സുഹൃത്ത്​ വ്ലാദിമർ പുടിനോട്​ നന്ദി അറിയിക്കുന്നു - എന്നായിരുന്നു ഞായറാഴ്ച അമേത്തി സന്ദർശനത്തിനിടെ മോദിയുടെ പ്രസംഗം.

നിങ്ങളുടെ എം.പി തറക്കല്ലിട്ടു. 2010ൽ തന്നെ പ്രവർത്തനം തുടങ്ങുമെന്നും പറഞ്ഞു. അന്ന്​ അവരുടെ സർക്കാറായിരുന്നു അധികാരത്തിൽ. എന്നിട്ടും ഒന്നും സംഭവിച്ചില്ല. എന്തിനാണ്​ അത്തരമൊരാളെ വിശ്വസിക്കുന്നത്​- മോദി ചോദിച്ചു.

ഇന്ത്യയും റഷ്യയും സംയുക്​തമായി ആരംഭിച്ച റൈഫിൾ നിർമാണ സംരംഭത്തിന്​ കഴിഞ്ഞ ദിവസം തുടക്കം കുറിച്ചിരിക്കുന്നു. അമേത്തിയുടെ വികസനത്തെ കുറിച്ച്​ വ്യാകുലപ്പെട്ടിരുന്നവർ സമാധാനിക്കുക എന്ന്​ അമേത്തിയിൽ രാഹുലിനെതിരെ മത്​സരിച്ചിരുന്ന സ്​മൃതി ഇറാനിയും ട്വീറ്റ്​ ചെയ്​തിരുന്നു.