Top
Begin typing your search above and press return to search.
keyboard_arrow_down
Login
exit_to_app
exit_to_app
anurag thakur
cancel
Homechevron_rightNewschevron_rightIndiachevron_rightനിങ്ങൾ ഗാന്ധി...

'നിങ്ങൾ ഗാന്ധി കുടുംബത്തിന്​ വേണ്ടിയാണ്​ ട്രസ്​റ്റ്​ ഉണ്ടാക്കിയത്​'; നാവുചുഴറ്റി മന്ത്രി ഠാകുർ, ഒടുവിൽ ഖേദപ്രകടനം

text_fields
bookmark_border

ന്യൂഡൽഹി: ധനകാര്യ സഹമന്ത്രി അനുരാഗ്​ ഠാകുർ നെഹ്​റു, ഗാന്ധി കുടുംബത്തിനെതിരെ നടത്തിയ പരാമർശങ്ങളും അതിനു കോൺഗ്രസ് അംഗങ്ങൾ നൽകിയ മറുപടിയും സൃഷ്​ടിച്ച ഒച്ചപ്പാടുമൂലം നാലുവട്ടം ലോക്​സഭ സ്​തംഭനം. ഒടുവിൽ മന്ത്രിയുടെ ഖേദപ്രകടനം. കോവിഡ്​കാല പാർല​മെൻറ്​ സ​േമ്മളനം ഇതാദ്യമായാണ്​ തടസപ്പെട്ടത്​.

പി.എം കെയേഴ്​സിനെക്കുറിച്ച ന്യായീകരണങ്ങളാണ്​ മന്ത്രിയുടെ വിവാദ പരാമർശങ്ങളിലേക്ക്​ എത്തിയത്​. ഹൈകോടതികൾ മുതൽ സുപ്രീംകോടതിവരെ പി.എം കെയേഴ്​സ്​ ഫണ്ടി​െൻറ സാധുത അംഗീകരിച്ചിട്ടുണ്ടെന്ന്​ മന്ത്രി പറഞ്ഞു.

പി.എം കെയേഴ്​സിനെക്കുറിച്ച്​ പറയുന്നവർ പ്രധാനമന്ത്രിയുടെ പേരിലുള്ള ദേശീയ ദുരിതാശ്വാസ നിധിയിലേക്ക്​ നോക്കുക. 1948ൽ അന്നത്തെ പ്രധാനമന്ത്രി ജവഹർലാൽ നെഹ്​റു രാജവിളംബരം പോലെ കൊണ്ടുവന്നതാണത്​. ഇന്നുവരെ അത്​ രജിസ്​റ്റർ ചെയ്​തിട്ടില്ല. എന്നിട്ട്​ വിദേശ സംഭാവന ചട്ട പ്രകാരമുള്ള അംഗീകാരം എങ്ങനെ കിട്ടി. ട്രസ്​റ്റ്​ രജിസ്​റ്റർ ചെയ്​തിട്ടില്ല. രജിസ്​റ്റർ ചെയ്​ത ചാരിറ്റബിൾ ​ട്രസ്​റ്റാണ്​ പി.എം കെയേഴ്​സ്​.

രാജ്യത്തെ 130 കോടി ജനങ്ങൾക്ക്​ വേണ്ടിയാണത്​. നിങ്ങൾ ഗാന്ധി കുടുംബത്തിന്​ വേണ്ടിയാണ്​ ട്രസ്​റ്റ്​ ഉണ്ടാക്കിയത്​. നെഹ്​റുവും സോണിയ ഗാന്ധിയുമൊക്കെയാണ്​ പ്രധാനമ​ന്ത്രിയുടെ പേരിലുള്ള ദേശീയ ദുരിതാശ്വാസ നിധിയിലെ അംഗങ്ങൾ. ഇതേക്കുറിച്ച്​ അന്വേഷിക്കണമെന്ന്​ അനുരാഗ്​ ഠാകുർ പറഞ്ഞു.

മന്ത്രിയുടെ പരാമർശങ്ങൾക്കെതിരെ കോൺഗ്രസ്​ അംഗങ്ങൾ ചാടിയെഴുന്നേറ്റു. ഹിമാചലിൽനിന്നുള്ള ഈ പയ്യന്​ എന്തറിയാമെന്ന്​ കോൺഗ്രസി​െൻറ സഭാ നേതാവ്​ അധീർ രഞ്​ജൻ ചൗധരി ചോദിച്ചു. ഇതിനെതിരെ ഭരണപക്ഷവും രോഷാകുലരായി. അനുരാഗ്​ ഠാകുർ മാപ്പുപറയണമെന്ന ആവശ്യം കോൺഗ്രസ്​ ശക്തമാക്കിയതിനെ തുടർന്ന്​ സഭ നിർത്തിവെച്ചു.

വീണ്ടും രണ്ടുവട്ടം ചേർന്നപ്പോഴും ബഹളം തുടർന്നു. സ്​പീക്കർ ഓം ബിർള അനൗപചാരികമായി വിളിച്ച നേതാക്കളുടെ യോഗത്തിലാണ്​ ഒത്തുതീർപ്പ്​ ഉണ്ടായത്​. വീണ്ടും സഭ ​േചർന്നപ്പോൾ അനുരാഗ്​ ഠാകുർ ഖേദപ്രകടനം നടത്തി. ത​െൻറ വാക്കുകൾ ആരെയെങ്കിലും മുറിവേൽപിച്ചെങ്കിൽ വേദനയുണ്ടെന്ന്​ മന്ത്രി പറഞ്ഞു. അതിനു ശേഷമാണ്​ സമ്മേളനം സമാധാനപൂർവം നടന്നത്​.

ഡൽഹി വംശീയാതിക്രമം ആളിക്കത്തിക്കാൻ അനുരാഗ്​ ഠാകുറി​െൻറ പരാമർശം വഴിയൊരുക്കിയെന്ന ആരോപണം നേരത്തെയുണ്ട്​. വഞ്ചകരെ വെടിവെക്കണമെന്നായിരുന്നു ജനക്കൂട്ടത്തിനു മുമ്പിൽ മന്ത്രി നടത്തിയ പരാമർശം.

Show Full Article
TAGS:anurag thakur parliament 
Web Title - ‘You created the trust for the Gandhi family’; Minister Thakur licked his tongue and finally expressed regret
Next Story