Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right'നിങ്ങൾക്കാണ്​...

'നിങ്ങൾക്കാണ്​ ഉത്തരവാദിത്തം'; 19കാരി കൂട്ടബലാത്സംഗത്തിരയായി കൊല്ല​െപ്പട്ടതിൽ യോഗിക്കെതിരെ പ്രിയങ്ക

text_fields
bookmark_border
Priyanka Gandhi
cancel

ന്യൂഡൽഹി: ഉത്തർപ്രദേശിൽ കൂട്ടബലാത്സംഗത്തിനിരയായി 19കാരി മരിച്ച സംഭവത്തിൽ യോഗി ആദിത്യനാഥ്​ സർക്കാറിനെതിരെ കോണഗ്രസ്​ ജനറൽ സെക്രട്ടറി പ്രിയങ്ക ഗാന്ധി. സ്​ത്രീകൾക്ക്​ സുരക്ഷിതത്വമില്ലാത്ത സംസ്​ഥാനമായി ഉത്തർപ്രദേശ്​ മാറിയെന്ന്​ അവർ കുറ്റപ്പെടുത്തി.

സെപ്​റ്റംബർ 14നാണ്​ ദലിത്​ ​െപൺകുട്ടി അതി​ക്രൂരമായി ബലാത്സംഗത്തിനിരയായത്​​. ചൊവ്വാഴ്​ച രാവിലെയോടെ പെൺകുട്ടി മരിച്ചു. നാവ്​ മുറിച്ച്​ മാറ്റിയതുൾപ്പെടെ ക്രൂരമായ ആക്രമണത്തിന്​ ഇരയായ പെൺകുട്ടി രണ്ടാഴ്​ചയായി അത്യാസന്ന നിലയിൽ ചികിത്സയിലായിരുന്നു.

'ഹത്രാസിൽ പൈശാചിക ക്രൂരകൃത്യത്തിനിരയായ ദലിത്​ പെൺകുട്ടി സഫ്​ദർജങ്​ ആശുപത്രിയിൽ മരിച്ചു. കഴിഞ്ഞ രണ്ടാഴ്​ചയായി അവൾ മരണത്തിനും ജീവിതത്തിനുമിടയിൽ പോരാട്ടത്തിലായിരുന്നു' -പ്രിയങ്ക ഗാന്ധി ട്വീറ്റ്​ ചെയ്​തു.

'യു.പിയ​ിലെ ക്രമസമാധാന നില അങ്ങേയറ്റം തകർന്നു. സ്​ത്രീകൾക്ക്​ യാതൊരുവിധ സുരക്ഷയുമില്ല. അക്രമികൾ പരസ്യമായി ക​ുറ്റകൃത്യത്തിൽ ഏർപ്പെടുന്നു' ​-പ്രിയങ്ക ഗാന്ധി പറഞ്ഞു​. പെൺകുട്ടിയെ കൊലപ്പെടുത്തിയവർക്ക്​ കഠിന ശിക്ഷ ഉറപ്പാക്കണം. യു.പിയിലെ സ്​ത്രീകളുടെ സുരക്ഷയുടെ ഉത്തരവാദിത്തം യോഗി ആദിത്യനാഥിനാണെന്നും അവർ പറഞ്ഞു.

അലിഗഢിൽ ചികിത്സയിലായിരുന്ന പെൺകുട്ടിയെ കഴിഞ്ഞ ദിവസമാണ്​ വിദഗ്​ധ ചികിത്സക്കായി ഡൽഹിയിലെ ആശുപത്രിയിൽ പ്രവേശിപ്പിച്ചത്​. ​​ചികിത്സയിലിരി​ക്കെ ചൊവ്വാഴ്​ച പുലർച്ചെയോടെ മരിക്കുകയായിരുന്നു. സെപ്​റ്റംബർ 14ന്​ വൈകീട്ട് കുടുംബാംഗങ്ങൾക്കൊപ്പം​ പുല്ലുവെട്ടാൻ പോയ പെൺക​ുട്ടിയെ നാലംഗ സംഘം ദുപ്പട്ടകൊണ്ട്​ കഴുത്ത്​ മുറുക്കി വലിച്ചിഴച്ച്​ കൊണ്ടുപോയി കൂട്ടബലാത്സംഗത്തിന്​ ഇരയാക്കുകയായിരുന്നു.

മകളെ കാണാതായതോടെ തിരഞ്ഞുപോയ മാതാവ്​ വയലിനരികിൽ അബോധാവസ്ഥയിൽ ​കിടക്കുന്ന പെൺകുട്ടിയെ കണ്ടെത്തി. പെൺകുട്ടിയുടെ നാവ്​ കടിച്ചു മുറിച്ചെടുത്ത നിലയിലായിരുന്നു. സുഷുമ്​ന നാഡിക്കും പരിക്കേറ്റിരുന്നു. സംഭവത്തിൽ നാലു പ്രതികളെ പൊലീസ്​ അറസ്റ്റ്​ ചെയ്​തിട്ടുണ്ട്​. ആദ്യഘട്ടത്തിൽ പൊലീസ്​ നടപടി എടുത്തില്ലെന്ന പരാതിയും ഉയർന്നിരുന്നു.

Show Full Article
TAGS:Priyanka Gandhi Yogi Adityanath DalitLivesMatter Rape Crime 
News Summary - You are Accountable Priyanka Gandhi against Yogi Adityanath Over UP Rape
Next Story