Begin typing your search above and press return to search.
proflie-avatar
Login
exit_to_app
exit_to_app
Yogi Adityanath
cancel
Homechevron_rightNewschevron_rightIndiachevron_rightപാക്​ വിജയം...

പാക്​ വിജയം ആഘോഷിക്കുന്നവർക്കെതിരെ രാജ്യദ്രോഹക്കുറ്റം ചുമത്തുമെന്ന്​ യോഗി; ആഗ്രയിൽ മൂന്ന്​ കശ്​മീരി വിദ്യാർഥികൾ അറസ്റ്റിൽ

text_fields
bookmark_border

ന്യൂഡൽഹി: ട്വന്‍റി 20 ലോകകപ്പിൽ പാകിസ്​താന്‍റെ വിജയം ആഘോഷിക്കുന്നവർക്കെതിരെ രാജ്യദ്രോഹക്കുറ്റം ചുമത്തുമെന്ന്​ ഉത്തർപ്രദേശ്​ മുഖ്യമന്ത്രി യോഗി ആദിത്യനാഥ്​. 'പാകിസ്​താന്‍റെ വിജയം ആഘോഷിക്കുന്നവർക്കെതിരെ രാജ്യദ്രോഹക്കുറ്റം ചുമത്തും: യോഗി ആദിത്യനാഥ്​' -യു.പി മുഖ്യമന്ത്രിയുടെ ഓഫിസ്​ ട്വീറ്റ്​ ചെയ്​തു.

അതേസമയം പാകിസ്​താന്‍റെ വിജയം ആഘോഷിച്ചുവെന്ന പേരിൽ കശ്​മീർ സ്വദേശികളായ മൂന്ന്​ വിദ്യാർഥിക​ൾ ആഗ്രയിൽ അറസ്റ്റ്​ ചെയ്​തു. യോഗിയുടെ പ്രസ്​താവനക്ക്​ പിന്നാലെയാണ്​ അറസ്റ്റ്​.

രാജാ ബൽവന്ത്​ സിങ്​ കോളജിലെ വിദ്യാർഥികളായ അർഷീദ്​ യൂസഫ്​, ഇനിയാത്ത്​ അൽത്താഫ്​ ഷെയ്​ഖ്​, ഷൗക്കത്ത്​ അഹമ്മദ്​ എന്നിവരാണ്​ അറസ്റ്റിലായത്​.

വിദ്യാർഥികൾ കാമ്പസിൽ പാക്​ അനുകൂല മുദ്രാവാക്യം മുഴക്കിയെന്നാണ്​ ആരോപണം. കഴിഞ്ഞദിവസം ഇവരെ കോളജിൽനിന്ന്​ സസ്​പെൻഡ്​ ചെയ്​തിരുന്നു. പ്രദേശിക ബി.ജെ.പി നേതാവിന്‍റെ പരാതിയിലാണ്​ വിദ്യാർഥിക​ൾക്കെതിരായ നടപടി.

അതേസമയം പാകിസ്​താന്‍റെ വിജയം ആഘോഷിച്ച ഏഴോളം പേർ യു.പിയിലെ വിവിധ ജില്ലകളിൽ അറസ്റ്റിലായതായാണ്​ വിവരം. പാകിസ്​താൻ അനുകൂല മുദ്രാവാക്യം വിളിച്ചുവെന്നാണ്​ ഇവർക്കെതിരായ ആരോപണം.

നേരത്തേ ശ്രീനഗറിൽ പാകിസ്​താന്‍റെ വിജയം ആഘോഷിച്ച വിദ്യാർഥിനികൾക്കെതിരെ യു.എ.പി.എ ചുമത്തിയിരുന്നു. ​മെഡിക്കൽ വിദ്യാർഥിനികളുടെ ആഘോഷത്തിന്‍റെ വിഡിയോ വൈറലായതിന്​ പിന്നാലൊയായിരുന്നു നടപടി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Seditiont20 world cup 2021Yogi Adityanath
News Summary - Yogi Says Those celebrating Pak's victory to face sedition charges Three JK students arrested in Agra
Next Story