പ്രതിപക്ഷ നേതാക്കളുടെ സുരക്ഷ വെട്ടിക്കുറച്ച്​ യോഗി സർക്കാർ

ലക്നോ: യു.പിയിൽ പ്രതിപക്ഷ നേതാക്കളുടെ സുരക്ഷ വെട്ടിക്കുറച്ച് യോഗി ആദിത്യനാഥി​െൻറ നേതൃത്വത്തിലുള്ള സർക്കാർ. മുൻ മുഖ്യമന്ത്രിമാരായ മുലായം സിങ് യാദവ്, അഖിലേഷ് യാദവ്, മായവതി, സമാജ്വാദി പാർട്ടി എം.എൽ.എ ഡിംപിൾ യാദവ് നേതാക്കളായ ശിവ്പാൽ യാദവ്, അഅ്സംഖാൻ എന്നിവരുടെ സുരക്ഷയാണ് വെട്ടികുറച്ചത്. എന്നാൽ ബി.ജെ.പി നേതാവ് വിനയ് കത്യാറി​െൻറ സുരക്ഷ വർധിപ്പിച്ചിട്ടുണ്ട്. കത്യാറിന് സെഡ് കാറ്റഗറി സുരക്ഷ ലഭിക്കും.

ശനിയാഴ്ച രാത്രി ഡി.ജി.പി സുൽകാൻ സിങി​െൻറ അധ്യക്ഷതിയിൽ ചേർന്ന ഉന്നത ഉദ്യോഗസ്ഥരുടെ യോഗത്തിലാണ് തീരുമാനം. 151 വ്യക്തികൾക്കാണ് യു.പിയിൽ പ്രത്യേക സുരക്ഷ നൽകിയിരുന്നത്. ഇതിൽ 101 പേരുടെ സുരക്ഷയാണ് ഇല്ലാതാക്കുന്നത്.