അയോധ്യയിലെ രാമ പ്രതിമക്കായി കോർപ്പറേറ്റുകൾ 360 കോടി നൽകണമെന്ന്​ യോഗി

ലഖ്​നോ: അയോധ്യയിൽ സരയു നദി തീരത്ത്​ നിർമിക്കുന്ന 100 മീറ്റർ ഉയരമുള്ള രാമ പ്രതിമക്കായി കോർപ്പറേറ്റുകൾ 360 കോടി രൂപ നൽകണമെന്ന്​ ഉത്തർപ്രദേശ്​ മുഖ്യമന്ത്രി യോഗി ആദിത്യനാഥ്​. ​കോർപ്പറേറ്റുകൾക്കുള്ള സാമൂഹിക പ്രതിബദ്ധത ഫണ്ടിൽ നിന്ന്​ തുക നൽകണമെന്നാണ്​ യോഗിയുടെ നിർദേശം. 

യു.പിയിലെ വിനോദസഞ്ചാര മേഖലയിലെ നിക്ഷേപ സാധ്യതകളെ കുറിച്ച്​ സർക്കാർ ബുക്ക്​ലെറ്റ്​ പുറത്തിറക്കിയിരുന്നു. ഇതിലാണ്​ രാമ പ്രതിമയിലും കോർപ്പറേറ്റുകൾക്ക്​ പണം നിക്ഷേപിക്കാമെന്ന്​ വ്യക്​തമാക്കിയിരിക്കുന്നത്​. അയോധ്യ, വാരണാസി, ഗോരഖ്​പൂർ തുടങ്ങിയ മണ്ഡലങ്ങളിലെ പദ്ധതികളിലും പണം നിക്ഷേപിക്കാമെന്നും ബുക്ക്​ലെറ്റിലുണ്ട്​.

സി.എസ്​.ആർ ഫണ്ടിലുടെ ചെലവഴിക്കുന്ന പണത്തിന്​ കോർപ്പറേറ്റുകൾക്ക്​ നികുതിയിളവുണ്ട്​. ഇൗയൊരു സാഹചര്യത്തിൽ സി.എസ്​.ആർ ഫണ്ടിൽ ഉൾ​പ്പെടുത്തി പണം വാങ്ങാതെ നേരിട്ട്​ പണം പിരിക്കണമെന്ന്​ സമാജ്​വാദി പാർട്ടി ഉൾപ്പടെയുള്ള പ്രതിപക്ഷ പാർട്ടികൾ ആവശ്യപ്പെടുന്നത്​. എന്നാൽ സി.എസ്​.ആർ ഫണ്ട്​ പ്രതിമയുടെ നിർമാണത്തിനായി വിനിയോഗിക്കുന്നതിൽ തെറ്റില്ലെന്നും കോർപ്പറേറ്റുകളെ ഇതിനായി നിർബന്ധിച്ചിട്ടില്ലെന്നും യു.പി ടൂറിസം മന്ത്രി റിത ബഹുഗുണ ജോഷി പറഞ്ഞു. മുമ്പ്​ ഗുജറാത്തിൽ നിർമിക്കുന്ന പ​​േട്ടൽ പ്രതിമക്കായി പൊതുമേഖല എണ്ണകമ്പനി 121 കോടി നൽകിയെന്ന്​ ലൈവ്​മിൻറ്​ റിപ്പോർട്ട്​ ചെയ്​തിരുന്നു.