യോഗി ശകാരിച്ച്​ പുറത്താക്കിയെന്ന്​ ബി.ജെ.പി ദലിത്​ എം.പി

ലഖ്​നോ: ഉത്തർപ്രദേശ്​ മുഖ്യമന്ത്രി യോഗി ആദിത്യനാഥിനെതിരെ രൂക്ഷ വിമർശനവുമായി ബി.ജെ.പി ദലിത്​ എം.പി. ​​റോബർട്ട്​സ്​ഗഞ്ചിൽ നിന്നുളള ഛോ​േട്ട ലാൽ ഖർവാറാണ്​ യോഗിക്കെതിരെ പരസ്യമായി രംഗത്തെത്തിയത്​. മുഖ്യമന്ത്രിയെ കാണാനെത്തിയ തന്നെ യോഗി ശകാരിക്കുകയും പുറത്താക്കുകയും ചെയ്തുവെന്നാണ്​ ലാലി​​​​​െൻറ ആരോപണം. രണ്ടു തവണ യോഗിയെ കാണാനെത്തിയെന്നും എന്നാൽ അദ്ദേഹം കൂടികാഴ്​ചക്ക്​ തയാറാകാതെ പുറത്താക്കുകയാണുണ്ടായതെന്നും ചുണ്ടിക്കാട്ടി ഛോ​േട്ട ലാൽ പ്രധാനമന്ത്രി നരേന്ദ്രമോദിക്ക്​ കത്തെഴുതി. ഛോ​േട്ട ലാലി​​​​​െൻറ പരാതിയിൽ ഉടൻ നടപടിയുണ്ടാകുമെന്ന്​ ​പ്രധാനമന്ത്രി മറുപടി നൽകി.

സര്‍ക്കാരും ഉദ്യോഗസ്ഥരും ത​​​​​െൻറ മണ്ഡലത്തോട് കടുത്ത വിവേചനമാണ് പുലര്‍ത്തുന്നത്. ത​​​​​െൻറ പരാതി കേൾക്കാൻ പാർട്ടി സംസ്ഥാന നേതൃത്വം സന്നദ്ധത കാണിക്കുന്നില്ലെന്നും ഛോ​േട്ട ലാൽ കത്തിൽ ചൂണ്ടിക്കാട്ടുന്നു. യോഗി ആദിത്യനാഥ്​, ബി.ജെ.പി സംസ്ഥാന അധ്യക്ഷൻ മഹേന്ദ്ര നാഥ്​ പാണ്ഡെ, ബി.ജെ.പി നേതാവ്​ സുനിൽ ബൻസാൽ എന്നിവർക്കെതിരെയാണ്​ ആരോപണം. ഇതേ കാര്യങ്ങൾ ചൂണ്ടിക്കാട്ടി ദേശീയ പട്ടികജാതി/പട്ടിക വർഗ കമീഷനും ഛോ​േട്ട ലാൽ പരാതി നൽകി. 

പട്ടികജാതി/പട്ടിക വർഗ പീഡനവിരുദ്ധ നിയമം ദുർബലപ്പെടുത്തിയതിനെതിരെ ദലിത്​ സംഘടനകൾ രാജ്യവ്യാപകമായി ഭാരത്​ ബന്ദ്​ സംഘടിപ്പിച്ചതിന്​ തൊട്ടു പിറകെയാണ്​ പാർട്ടിയിൽ നിന്നും വിവേചനം നേരിടേണ്ടി വരുന്നുവെന്ന പരാതിയുമായി ബി.ജെ.പി ദലിത്​ എം.പി രംഗത്തെത്തിയത്​.