ഫേസ്​ബുക്കിൽ ഏറ്റവും ജനപ്രിയൻ യോഗിയെന്ന്​ യു.പി സർക്കാർ

ഇന്ത്യയിൽ ഫേസ്​ബുക്കിൽ ഏറ്റവും പ്രശസ്തനായ മുഖ്യമന്ത്രി യോഗി ആദിത്യനാഥെന്ന്​ യു.പി സർക്കാർ. ഫേസ്​ബുക്ക്​ പുറത്തുവിട്ട റാങ്കിങ്ങിൽ രാജസ്ഥാൻ മുഖ്യമന്ത്രി വസുന്ധര രാജയെയും ഗുജറാത്ത്​ മുഖ്യമന്ത്രി വിജയ്​ രൂപാനിയെയും പിന്തള്ളിയാണ്​ യോഗി, ഏറ്റവും പിന്തുണയുള്ള മുഖ്യമന്ത്രിയായെന്നും യു.പി സർക്കാർ അവകാശപ്പെട്ടു.

യോഗിയുടെ ഫേസ്​ബുക്ക് പേജിന്​ അമ്പത്​ ലക്ഷം​ ലൈക്കുകളാണ് നിലവിലുള്ളത്​. അതേസമയം ട്വിറ്ററിൽ പ്രധാനമന്ത്രി മോദിയാണ്​ നമ്പർ വൺ.​ 

ഇന്ത്യയിലെ സർക്കാർ സ്ഥാപനങ്ങളുടെയും മന്ത്രാലയങ്ങളുടെയും രാഷ്​ട്രീയ പാർട്ടികളുടെയും ഫേസ്​ബുക്ക്​ പേജുകളിൽ മികച്ച റാങ്കുള്ള പേജുകളുടെ ഡാറ്റ ഫേസ്​ബുക്ക്​ പുറത്തുവിട്ടിരുന്നതായും ഇതിൽ രാജ്യത്തെ മുഖ്യമന്ത്രിമാരുടെ വിഭാഗത്തിൽ യു.പി മുഖ്യനാണ്​ ഒന്നാമ​െതത്തിയതെന്നും അവർ വ്യക്​തമാക്കി.

 2017 ജനുവരി മുതൽ ഡിസംബർ വരെയുള്ള ജനപ്രീതി കണക്കിലെടുത്താൽ യോഗിയുടെ ​പേജിനാണ്​ കൂടുതൽ പിന്തുണ ലഭിച്ചതായി കാണപ്പെട്ടത്​. പേജിന്​ ലഭിച്ച ൈലക്കുകളും കമൻറുകളും ഷെയറുകളും കണക്കിലെടുത്താണ് ഫേസ്​ബുക്ക്​​ റാങ്കിങ്​ നിശ്ചയിച്ചതെന്നും യു.പി സർക്കാർ കൂട്ടിച്ചേർത്തു.