പ്രതിപക്ഷ കക്ഷികൾ സമൂഹത്തെ ഭിന്നിച്ച്​ വികസനത്തിന്​ തടയിടുന്നു​- യോഗി ആദിത്യനാഥ്​

ഗോരഖ്​പൂർ: ഉത്തർപ്രദേശിൽ പ്രതിപക്ഷ പാർട്ടികൾ സമൂഹത്തിൽ ഭിന്നിപ്പുണ്ടാക്കി വികസനത്തിന്​ തടയിടുന്നുവെന്ന ്​ മുഖ്യമന്ത്രി യോഗി ആദിത്യനാഥ്​. കോൺഗ്രസ്​, എസ്​.പി, ബി.എസ്​.പി എന്നീ പാർട്ടികൾ വികസ​നത്തെ കുറിച്ച്​ ചിന്തിക്കാതെ സമൂഹത്തെ ഭിന്നിപ്പിക്കാനാണ്​ ശ്രമിക്കുന്നത്​. കലാപങ്ങളും ആൾക്കൂട്ട ആക്രമണങ്ങളുമെല്ലാം കഴിഞ്ഞ സർക്കാറി​​െൻറ കാലത്ത്​ തുടർക്കഥയായിരുന്നു. പാവങ്ങൾക്ക്​ അർഹതപ്പെട്ട റേഷനും പൊതുധനവും അവർ കവർന്നെട​ുക്കയായിരുണെന്നും യോഗി ഗോരഖ്​പൂരിലെ തെര​​െഞ്ഞടുപ്പ്​ പ്രചാരണ റാലിയിൽ പറഞ്ഞു.

അക്രമി സംഘങ്ങൾ പ്രശ്​നങ്ങളുണ്ടാക്കുമെന്ന ഭയത്തിൽ ജന്മാഷ്​ടമി, ദുർഗാ പൂജ പോലുള്ള മതപരമായ ആഘോഷങ്ങൾക്ക്​ വിലക്കേർപ്പെടുത്തുകയാണ്​ കഴിഞ്ഞ സർക്കാർ ചെയ്​തത്​. അക്രമികളെ ജയിലിലേക്കയച്ച ബി.ജെ.പി സർക്കാറാണ്​ സമാധാനപൂർവ്വം ഉത്സവങ്ങൾ ആഘോഷിക്കാനുള്ള ധൈര്യം നൽകിയത്​. സംസ്ഥാനത്ത്​ സർക്കാർ നടത്തിയ വികസനപ്രവർത്തനങ്ങൾ അറിയാൻ ഗോരഖ്​പൂരിലെ പരിസരപ്രദേശങ്ങളിൽ നിന്നൊരു സെൽഫി​െയടുത്താൽ മതിയെന്നും യോഗി പറഞ്ഞു.