Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_right‘100 എലികളെ തിന്ന...

‘100 എലികളെ തിന്ന പൂച്ച മോക്ഷം തേടുന്നതുപോലെ’- കോൺഗ്രസ്​ വിമർശനങ്ങളെ പരിഹസിച്ച്​ യോഗി

text_fields
bookmark_border
‘100 എലികളെ തിന്ന പൂച്ച മോക്ഷം തേടുന്നതുപോലെ’- കോൺഗ്രസ്​ വിമർശനങ്ങളെ പരിഹസിച്ച്​ യോഗി
cancel

ലഖ്‌നോ: ഉത്തർപ്രദേശി​െല ലഖ്​നോവിൽ ട്രക്കുകൾ കൂട്ടിയിടിച്ച്​ 26 അന്തർ സംസ്ഥാന തൊഴിലാളികൾ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്ത സംഭവത്തിൽ കോൺഗ്രസ് ഉയർത്തിയ വിമർശനങ്ങളെ പരിഹസിച്ച്​ മുഖ്യമന്ത്രി യോഗി ആദിത്യനാഥ്. നൂറ്​ എലികളെ തിന്ന പൂച്ച മോക്ഷം തേടുന്നതുപോലെയാണ്​ കോൺഗ്രസി​​​െൻറ പ്രവൃത്തിയെന്ന്​ യോഗി പരിഹസിച്ചു. 

അന്തർ സംസ്ഥാന തൊഴിലാളികളുടെ ദുരവസ്ഥയിൽ സംസ്ഥാന സർക്കാർ നിസംഗത പുലർത്തുന്നുവെന്ന് ആരോപിച്ച കോൺഗ്രസ്​ മുഖ്യമന്ത്രിയുടെ രാജി ആവശ്യപ്പെട്ടിരുന്നു. സമാജ്‌വാദി പാർട്ടി സംഭവത്തെ കൊലപാതകം എന്നാണ് വിശേഷിപ്പിച്ചത്​. 

ലഖ്​നോവിൽ നിന്ന് 200 കിലോമീറ്റർ അകലെയുള്ള അപകടത്തിൽ മരിച്ചതും പരിക്കേറ്റതുമായ തൊഴിലാളികളിൽ ഭൂരിഭാഗവും കോൺഗ്രസ് ഭരിക്കുന്ന സംസ്ഥാനങ്ങളായ രാജസ്ഥാൻ, പഞ്ചാബ് എന്നിവിടങ്ങളിൽ നിന്നുള്ളവരാണെന്ന് യോഗി ആദിത്യനാഥ് പറഞ്ഞു. അപകടത്തിൽപെട്ട ട്രക്കുകളിൽ ഒന്ന്​ രാജസ്ഥാനിൽനിന്നും മറ്റൊന്ന്​ പഞ്ചാബിൽ നിന്നുമുള്ളതാണെന്നും യോഗി പറഞ്ഞതായി വാർത്താ ഏജൻസിയായ പി.ടി.ഐ റിപ്പോർട്ട്​ ചെയ്​തു.

“ബീഹാറിലേക്കും ഝാർഖണ്ഡിലേക്കും മടങ്ങാൻ തൊഴിലാളികളിൽനിന്ന് കോൺഗ്രസ്​ സർക്കാർ ധാരാളം പണം വാങ്ങിയിട്ടുണ്ട്​. അന്ന് കോൺഗ്രസ് എന്തു ചെയ്യുകയായിരുന്നു? നിങ്ങൾ ആളുകളെ ചൂഷണം ചെയ്യുകയും അ​േതസമയം സത്യസന്ധമായ പ്രതിഛായയുണ്ടാക്കാൻ ശ്രമിക്കുകയും ചെയ്യുന്നു” -യോഗി  കൂട്ടിച്ചേർത്തു.

100 എലികളെ ഭക്ഷിച്ചതിന് ശേഷം മോക്ഷം തേടുന്ന പൂച്ച എന്ന പ്രയോഗം ഇന്ന് കോൺഗ്രസിന് അനുയോജ്യമാണ്. ഇതാണ്​ കോൺഗ്രസി​​​െൻറ നാണംകെട്ട മുഖം. അന്തർ സംസ്ഥാന തൊഴിലാളികള​ുടെ ദുരിതം തമാശയാക്കുന്ന കോൺഗ്രസ് നേതൃത്വത്തെ അപലപിക്കുന്നുവെന്ന​ും യോഗി പറഞ്ഞു.

Show Full Article
TAGS:Yogi Adityanath congress india news 
Next Story