കലാപ കേസിൽ യോഗിയെ പ്രോസിക്യൂട്ട്​ ചെയ്യാനാവില്ലെന്ന്​ യു.പി സർക്കാർ

ലക്​നോ: ഉത്തർപ്രദേശ്​ മുഖ്യമന്ത്രി യോഗി ആദിത്യനാഥിനെ കലാപകേസിൽ പ്രോസിക്യൂട്ട്​ ചെയ്യാൻ സാധിക്കില്ലെന്ന്​ ചീഫ്​ സെക്രട്ടറി രാഹുൽ ഭട്ട്​നഗർ. അലഹബാദ്​ ഹൈകോടതിയിലാണ്​ ചീഫ്​ സെക്രട്ടറി നിലപാട്​ അറിയിച്ചത്​. 2007ലെ വിദ്വേഷ പ്രസംഗവുമായി ബന്ധപ്പെട്ട്​ യോഗിയെ ​പ്രോസിക്യൂട്ട്​ ​ചെയ്യാൻ സാധിക്കില്ലെന്നാണ്​ ചീഫ്​ സെക്രട്ടറി  അറിയിച്ചരിക്കുന്നത്​. യു.പി അഭ്യന്തര മന്ത്രാലായം പ്രോസിക്യൂഷനുള്ള അനുമതി നിഷേധിച്ച കാര്യവും രാഹുൽ കോടതിയിൽ ചൂണ്ടിക്കാട്ടി.

2007ലെ കലാപവുമായി ബന്ധപ്പെട്ട്​ ഏഴ്​ പേരെ പ്രോസിക്യൂട്ട്​ ചെയ്യുന്നതിനുള്ള അനുമതി വൈകുന്നതിൽ വിശദീകരണം നൽകാൻ യു.പി ചീഫ്​ സെക്രട്ടറിയോട്​ അലഹബാദ്​ ഹൈക്കോടതി ആവശ്യപ്പെട്ടിരുന്നു. പ്രോസിക്യൂഷൻ അനുമതി സംബന്ധിച്ച രേഖകൾ സമർപ്പിക്കാനും കോടതി ആവശ്യപ്പെട്ടിരുന്നു.

യോഗി ആദിത്യനാഥി​​​​െൻറ വിവാദ പ്രസംഗം ഉൾക്കൊള്ളുന്ന സി.ഡിയിൽ കൃത്രിമം നടന്നിട്ടുണ്ടെന്ന്​ ഫോറൻസിക്​ പരിശോധനയിൽ വ്യക്​തമായതായി സർക്കാർ കോടതിയിൽ ബോധിപ്പിച്ചു. ഇയൊരു പശ്​ചാത്തലത്തിൽ പ്രോസിക്യൂഷൻ അനുമതി നൽകാനാവില്ലെന്നാണ്​ സർക്കാർ നിലപാട്​.

കേസിലെ പരാതിക്കാരായ പ്രാദേശിക പത്ര പ്രവർത്തകൻ പർവേസ്​ പാർവാസും സാമൂഹിക പ്രവർത്തകൻ അസാദ്​ ഹയാതും സർക്കാറി​​​​െൻറ തീരുമാനത്തെ എതിർത്തു. യോഗി മുഖ്യമന്ത്രിയായിരിക്കു​​േമ്പാൾ പ്രോസിക്യൂഷൻ അനുമതി ലഭിക്കില്ലെന്ന്​ ഇരുവരും നേരത്തെ കോടതിയിൽ ബോധിപ്പിച്ചിരുന്നു. 

2007ൽ ഗോരഖ്​പൂർ റെയിൽവേ സ്​റ്റേഷന്​ സമീപം യോഗി ആദിത്യനാഥ്​ നടത്തിയ പ്രസംഗം കലാപത്തിന്​ കാരണമായെന്നാണ്​ പരാതി. ഇതു സംബന്ധിച്ച്​ യു.പി ക്രിമിനൽ ഇൻവസ്​​റ്റിഗേഷൻ ഡിപ്പാർട്ട്​മ​​​െൻറാണ്​ അന്വേഷണം നടത്തിയത്​. 2015ൽ അന്വേഷണം പൂർത്തിയാക്കി യോഗിയെ പ്രോസിക്യൂട്ട്​ ചെയ്യണമെന്ന്​ ആവശ്യപ്പെട്ടുള്ള റിപ്പോർട്ടും ഇവർ സമർപ്പിച്ചിരുന്നു. എന്നാൽ അഖിലേഷ്​ യാദവി​​​​െൻറ നേതൃത്വത്തിലുള്ള സർക്കാർ അനുമതി നൽകിയിരുന്നില്ല.