അന്ധവിശ്വാസങ്ങൾ കാര്യമാക്കുന്നില്ല! ആദിത്യനാഥ്​ നോയിഡയിലേക്ക്

ന്യൂഡൽഹി: അന്ധവിശ്വാസങ്ങളെ അവഗണിച്ച് ഉത്തർപ്രദേശ്​ മുഖ്യമന്ത്രി യോഗി ആദിത്യനാഥ്​ സംസ്ഥാനത്തെ സാറ്റലൈറ്റ്​ സിറ്റിയായ നോയിഡയിലേക്ക്​. നോയിഡ സന്ദർശിക്കുന്ന യു.പി മുഖ്യമന്ത്രിമാർക്ക്​ അധികാരം നഷ്​ടമാകുമെന്നും തിരിച്ച്​ ഔദ്യോഗിക ഒാഫീസിലേക്ക്​ ഒരു മടക്കമുണ്ടാവില്ലെന്നുമുള്ള വർഷങ്ങളായുള്ള അന്ധവിശ്വാസങ്ങൾ കാറ്റിൽ പറത്തിയാണ്​ യോഗിയുടെ സന്ദർശനം. നോയിഡയിലെ നിർഭാഗ്യം കാര്യമാക്കുന്നില്ലെന്നും ജനങ്ങളുടെ താൽപര്യത്തിന് അനുസരിച്ച്​ പ്രവർത്തിക്കുന്ന മുഖ്യമന്ത്രി അന്ധവിശ്വാസങ്ങളെ മുഖവിലക്കെടുക്കില്ലെന്നും ബി.ജെ.പി വക്​താവ്​ ചന്ദ്രമോഹൻ സന്ദർശനത്തെ കുറിച്ച് പറഞ്ഞു.

ഡിസംബർ 25ന് സർവീസ് ആരംഭിക്കുന്ന കൽകാജി മെട്രോ ലൈനിന്‍റെ ഉദ്​ഘാടന പരിപാടിയിൽ പങ്കെടുക്കാനാണ് ആദിത്യനാഥ് നോയിഡയിൽ പോകുന്നത്. പ്രധാനമന്ത്രി നരേന്ദ്ര മോദിയാണ് മെട്രോ ലൈനിന്‍റെ ഉദ്ഘാടനം നിർവഹിക്കുക. മുൻ പ്രധാനമന്ത്രി അടൽ ബിഹാരി വാജ്​പേയിയുടെ ജന്മദിനാഘോഷത്തിലും ആദിത്യനാഥ് പ​െങ്കടുക്കുമെന്നും ചന്ദ്രമോഹൻ കൂട്ടിച്ചേർത്തു.

കുഗ്രാമങ്ങൾ നിറഞ്ഞ ഗൗതം ബുദ്ധ്​ നഗർ ജില്ല വികസിപ്പിച്ചാണ് സംസ്​ഥാനത്തെ​ മുഖ്യ സാമ്പത്തിക​ മേഖലയായി നോയിഡയെ വികസിപ്പിച്ചെടുത്തത്​. മുൻ മുഖ്യമന്ത്രിമാരെല്ലാം അവഗണിച്ച നോയിഡയിലേക്കുള്ള പുതിയ മുഖ്യമന്ത്രിയുടെ വരവും ​േ​പാക്കും എങ്ങനെയായിരിക്കുമെന്ന്​ കാണാൻ കാത്തിരിക്കുകയാണ്​ യു.പിയിലെ ജനങ്ങൾ.

2013ൽ നോയിഡയിൽ സംഘടിപ്പിച്ച ഏഷ്യൻ ഡെവലപ്​മ​​​െൻറ്​ ബാങ്ക്​ ഉച്ചകോടിയിൽ പ​​െങ്കടുക്കാതെ മുൻ മുഖ്യമന്ത്രി അഖിലേഷ്​ യാദവ്​ മാറിനിന്നിരുന്നു. മുൻ മുഖ്യമന്ത്രിമാരായ മുലായം സിങ്​ യാദവും കല്യാൺ സിങ്ങും കേന്ദ്രമന്ത്രി രാജ്​ നാഥ്​ സിങ്ങും നോയിഡയെ പേടിച്ച പ്രമുഖരിൽപെടും.