യെസ്​ ബാങ്ക്​ തട്ടിപ്പ്​: കോക്​സ്​ ആൻഡ്​ കിങ്​സ്​ സി.എഫ്​.ഒയും ഓഡിറ്ററും അറസ്​റ്റിൽ

ന്യൂഡൽഹി: യെസ്​ ബാങ്കിൽ നടന്ന തട്ടിപ്പുമായി ബന്ധപ്പെട്ട്​ ട്രാവൽ കമ്പനിയായ കോക്​സ്​ ആൻഡ്​ കിങ്​സ്​ സി.എഫ്​.ഒ അനിൽ ഖണ്ഡേവാളിനേയും ഓഡിറ്റർ നരേഷ്​ ജെയിനിനേയും ഇ.ഡി അറസ്​റ്റ്​ ചെയ്​തു. കള്ളപ്പണം വെളുപ്പിക്കലിനെതിരായ നിയമപ്രകാരമാണ്​ അറസ്​റ്റ്​.

യെസ്​ ബാങ്കിൽ നിന്ന്​ വ്യാജ വായ്​പ എടുത്തതുമായി ബന്ധപ്പെട്ട്​ കോക്​സ്​ ആൻഡ്​ കിങ്​സ്​ ഇ.ഡി നിരീക്ഷണത്തിലായിരുന്നു. 3642 കോടി രൂപ യെസ്​ ബാങ്കിൽ നിന്ന്​ കോക്​സ്​ ആൻഡ്​ കിങ്​സ്​ വായ്​പയെടുത്തിരുന്നു.​ കോക്​സ്​ ആൻഡ്​ കിങ്​സ്​ ലിമിറ്റഡി​െൻറ പേരിൽ 563 കോടിയും ഇസിഗോ വൺ ​ട്രാവൽ ആൻഡ്​ ടൂർ എന്ന ​കമ്പനിയുടെ പേരിൽ 1012 കോടിയും വായ്​പയെടുത്തിരുന്നു. കോക്​സ്​ ആൻഡ്​ കിങ്​സ്​ ഫിനാൻഷ്യൽ സർവീസ്​ 422 കോടിയും പ്രോമേഥോൺ എൻറ​ർപ്രൈസ്​ ലിമിറ്റഡ്​ 1152 കോടിയും മാൽവീറൻ ട്രാവൽ ലിമിറ്റഡ്​ യു.കെ എന്ന സ്ഥാപനത്തി​െൻറ പേരിൽ 493 കോടിയും വായ്​പയെടുത്തിരുന്നു.

കമ്പനിക്ക്​ വായ്​പ അനുവദിച്ചതിൽ വ്യാപക ക്രമക്കേടുകളാണ്​ ഇ.ഡി കണ്ടെത്തിയത്​. ഇന്ത്യയിലും വിദേശത്തുമായി നിരവധി കമ്പനികളുണ്ടാക്കി കോക്​സ്​ ആൻഡ്​ കിങ്​സ്​ തട്ടിപ്പ്​ നടത്തിയെന്നാണ്​ ഇ.ഡി നിഗമനം. ഇതിനായി വ്യാജ സർട്ടിഫിക്കറ്റുകൾ ഉൾപ്പടെ​ നിർമിച്ച്​ നൽകിയായിരുന്നു തട്ടിപ്പ്​. ബാങ്ക്​ വായ്​പ മറച്ചുവെച്ച്​ ഉടമസ്ഥതയിലുള്ള സഹസ്ഥാപനം കോക്​സ്​ ആൻഡ്​ കിങ്​സ്​ വിറ്റുവെന്നും ഇ.ഡി കണ്ടെത്തിയിട്ടുണ്ട്​.