റാണ കപൂറിെൻറ മകളെ മുംബൈ എയർപോർട്ടിൽ തടഞ്ഞു
text_fields
മുംബൈ: അറസ്റ്റിലായ യെസ് ബാങ്ക് സ്ഥാപകനും മുൻ സി.ഇ.ഒയുമായ റാണ കപൂറിെൻറ മകളെ മുംെബെ വിമാനത്താവളത്തിൽ തടഞ ്ഞു. ലണ്ടനിലേക്ക് കടക്കാൻ ഞയാറാഴ്ച വിമാനത്താവളത്തിലെത്തിയ റോഷ്നി കപൂറിനെ അധികൃതർ തടയുകയായിരുന്നു. ഇവർക് കെതിരെ ലുക്ക് ഔട്ട് നോട്ടീസുണ്ടെന്ന് ചൂണ്ടിക്കാട്ടിയാണ് നടപടി. ഞായറാഴ്ച പുലർച്ചെ റോഷ്നിയുടെ വസതിയ ിലുൾപ്പെടെ എൻഫോഴ്സ്മെൻറ് റെയ്ഡ് നടത്തിയിരുന്നു.
നേരത്തെ റാണാ കപൂറിനും മരുമകൻ ഉൾപ്പെടെ കുടുംബാംഗങ്ങൾക്കുമെതിരെ ഇ.ഡി ലുക്ക് ഒൗട്ട് നോട്ടീസ് പുറപ്പെടുവിച്ചിരുന്നു. കുടുംബാംഗങ്ങളാരും രാജ്യം വിടരുതെന്നും നിർദേശമുണ്ടായിരുന്നു.
കള്ളപ്പണകേസിൽ റാണാ കപൂറിനെ ഞായറാഴ്ച പുലർച്ചെയാണ് എൻഫോഴ്സ്മെൻറ് ഡയറക്ടറേറ്റ് (ഇ.ഡി) അറസ്റ്റ് ചെയ്തത്. റാണ കപൂറിനെ ബുധനാഴ്ച വരെ പ്രത്യേക കോടതി റിമാൻഡ് ചെയ്തു.
റാണ കപൂർ സി.ഇ.ഒ ആയിരിക്കെ സാമ്പത്തിക, റിയൽ എസ്റ്റേറ്റ് സ്ഥാപനമായ ഡി.എച്ച്.എഫ്.എല്ലിന് യെസ് ബാങ്ക് 3000 കോടി രൂപ വായ്പ നൽകിയിരുന്നു. ഇതിന് പ്രതിഫലമായി ഡി.എച്ച്.എഫ.എൽ റാണയുടെ മൂന്ന് പെൺമക്കളുടെ പേരിലുള്ള കമ്പനിക്ക് 600 കോടി രൂപ നൽകിയതായാണ് കേസ്.
അധോലോക നേതാവ് ഇഖ്ബാൽ മിർച്ചയും ഡി.എച്ച്.എഫ്.എല്ലും തമ്മിലെ സ്വത്തിടപാട് അന്വേഷിക്കുന്നതിനിടെയാണ് റാണ കപൂറുമായുള്ള ഇടപാടും വെളിപ്പെട്ടത്. തുടർന്ന് കള്ളപ്പണം വെളുപ്പിക്കുന്നത് തടയുന്ന പി.എം.എൽ.എ നിയമ പ്രകാരം ഇ.ഡി റാണക്ക് എതിരെ കേസെടുക്കുകയായിരുന്നു. വായ്പ ക്രമക്കേടിനെ തുടർന്ന് പ്രതിസന്ധിയിലായ യെസ് ബാങ്കിന് റിസവ് ബാങ്ക് മോറട്ടോറിയം പ്രഖ്യപിച്ചതിന് പിന്നാലെയാണ് ഇ.ഡി നടപടി.