Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightസി.എ.എക്കെതിരെ...

സി.എ.എക്കെതിരെ ​യശ്വന്ത്​ സിൻഹയുടെ ഗാന്ധി ശാന്തി യാത്ര

text_fields
bookmark_border
സി.എ.എക്കെതിരെ ​യശ്വന്ത്​ സിൻഹയുടെ ഗാന്ധി ശാന്തി യാത്ര
cancel

മുംബൈ: പൗരത്വ ഭേദഗതി നിയമത്തിനെതിരെ ശാന്തി യാത്രയുമായി മുൻ കേന്ദ്രമന്ത്രി യശ്വന്ത്​ സിൻഹ. മുംബൈയിൽ നിന്ന്​ ഡ ൽഹി വരെ 3,000 കിലോ മീറ്റർ ദൂരത്തിലാണ്​ സിൻഹ ശാന്തി യാത്ര നടത്തുക. സി.എ.എ പിൻവലിക്കുക എന്നതാണ്​ യാത്രയുടെ പ്രധാന ആവ ശ്യം.

മഹാരാഷ്​ട്ര, ഗുജറാത്ത്​, രാജസ്ഥാൻ, ഉത്തർപ്രദേശ്​, ഹരിയാന തുടങ്ങിയ സംസ്ഥാനങ്ങളിലൂടെ ശാന്തിയാത്ര കടന്നു പോകും. ജനുവരി 30ന്​ ഗാന്ധിജിയുടെ രക്​തസാക്ഷിദിനത്തിൽ രാജ്​ഘട്ടിൽ യാത്ര സമാപിക്കും. ദക്ഷിണ മുംബൈയിൽ എൻ.സി.പി അധ്യക്ഷൻ ശരത്​ പവാറാണ്​ യാത്ര​ ഫ്ലാഗ്​ ഓഫ്​ ചെയ്യുക. നിരവധി സംഘടനകൾ മാർച്ചിൻെറ ഭാഗമാകുമെന്ന്​ സിൻഹ പറഞ്ഞു.

മൂന്ന്​ പ്രധാന ആവശ്യങ്ങളാണ്​ മാർച്ച്​ മുന്നോട്ട്​ വെക്കുന്നതെന്ന്​ സിൻഹ വ്യക്​തമാക്കി. സി.എ.എ പിൻവലിക്കുക, സി.എ.എ പ്രതിഷേധങ്ങൾക്കിടെയുണ്ടായ അക്രമസംഭവങ്ങളിൽ അന്വേഷണം നടത്തുക, എൻ.ആർ.സി നടപ്പാക്കുന്നതിൽ നിന്ന്​ പിന്തിരിയുക എന്നതാണ്​ ലക്ഷ്യങ്ങളെന്ന്​ സിൻഹ പറഞ്ഞു. യശ്വന്ത്​ സിൻഹക്കൊപ്പം മഹാരാഷ്​ട്ര മുൻ മുഖ്യമന്ത്രി പൃഥ്വിരാജ്​ ചവാൻ, മുൻ എം.പി ശത്രുഘ്​നൻ സിൻഹ, വിദർഭ കോൺഗ്രസ്​ നേതാവ്​ ആശിഷ്​ ദേശ്​മുഖ്​ എന്നിവരും വാർത്താ സമ്മേളനത്തിൽ പ​ങ്കെടുത്തിരുന്നു.

Show Full Article
TAGS:yashwant sinha CAA protest india news malayalam news 
News Summary - Yashwant Sinha To Take Up 3,000-km Yatra-India news
Next Story