You are here

മന്ത്രിമാരുടെ വിചിത്ര പ്രസ്​താവനകൾക്കെതിരെ യശ്വന്ത്​ സിൻഹ

09:56 AM
15/09/2019
yeswanth

ന്യൂഡൽഹി: കേന്ദ്രമന്ത്രിമാരായ നിർമലാ സീതാരാമൻെറയും പിയൂഷ്​ ഗോയലിൻെറയും പ്രസ്​താവനകൾക്കെതിരെ മുൻ കേന്ദ്രമന്ത്രിയും ബി.ജെ.പി നേതാവുമായ യശ്വന്ത സിൻഹ. മന്ത്രിസഭയിലെ അംഗങ്ങൾ  വിചിത്രമായ പ്രസ്​താവന നടത്തുന്നത്​ തുടരുകയാണ്​. ഇത്​ രാജ്യത്തിൻെറ സമ്പദ്​വ്യവസ്ഥയെ രക്ഷിക്കില്ല. ജനങ്ങൾക്ക്​ മുന്നിൽ സർക്കാറിൻെറ പ്രതിഛായ നഷ്​ടപ്പെടാൻ മാത്രമേ ഇത്തരം പ്രസ്​താവനകൾ ഉപകരിക്കു എന്നും യശ്വന്ത്​ സിൻഹ പറഞ്ഞു.

ഒലയും ഊബറുമാണ്​ ഇന്ത്യയിൽ വാഹന മേഖലയിൽ നില നിൽക്കുന്ന പ്രതിസന്ധിക്ക്​ കാരണമെന്നായിരുന്നു നിർമല സീതാരാമൻെറ പ്രസ്​താവന.

ദുബൈ ഷോപ്പിങ്​ ഫെസ്​റ്റിവൽ മാ​തൃകയിൽ വൻ ഫെസ്​റ്റിവെല്ലുകൾ നടത്താനുള്ള തീരുമാനത്തേയും സിൻഹ വിമർശിച്ചു. ദുബൈയുടെയും ഇന്ത്യയുടെയും സമ്പദ്​വ്യവസ്ഥകൾ വ്യതസ്​തമാണ്​. കാർഷിക മേഖലയിൽ വളർച്ചയുണ്ടായാൽ മാത്രമേ ഇന്ത്യയിൽ പുരോഗതി ഉണ്ടാവു. എട്ട്​ ശതമാനം നിരക്കിലെങ്കിലും ഇന്ത്യൻ സമ്പദ്​വ്യവസ്ഥ വളരണം. എന്നാൽ, നിലവിൽ അഞ്ച്​ ശതമാനം മാത്രമാണ്​ ഇന്ത്യയുടെ വളർച്ചാ നിരക്കെന്നും അദ്ദേഹം കൂട്ടിച്ചേർത്തു.

Loading...
COMMENTS