ഡൽഹിയിൽ യമുന കരകവിഞ്ഞു: വീ​െടാഴിഞ്ഞവർ തെരുവിൽ

ന്യൂഡൽഹി: രാജ്യ തലസ്​ഥാനത്ത്​ യമുന നദിയിൽ ​ജലനിരപ്പുയർന്ന്​ വെള്ളപ്പൊക്ക ഭീഷണി നേരിട്ടതോടെ വീടൊഴിഞ്ഞ ജനങ്ങൾക്ക്​ അഭയം തെരുവുകൾ മാത്രം. സർക്കാറി​​​െൻറ ദുരിതാശ്വാസ കേന്ദ്രങ്ങളിൽ സ്​ഥലമില്ലാത്തതിനെ തുടർന്നാണ്​ വീടൊഴിഞ്ഞവർക്ക്​ റോഡരകിൽ കിടക്കേണ്ടി വന്നത്​. 

ജലനിരപ്പ്​ അപകടകരമാം വിധം ഉയർന്ന്​ ​ യമുന കരകവിഞ്ഞതോടെ​ പഴയ യമുന പാലത്തിനു സമീപമുള്ള വീടുകളിൽ വെള്ളം കയറി. തുടർന്ന്​ ജനങ്ങൾ വീടൊഴിഞ്ഞു പോവുകയായിരുന്നു. എന്നാൽ ഇവർക്ക്​ സർക്കാർ ഒരു സഹായവും നൽകിയില്ലെന്ന ആരോപണമാണ്​ ഉയർന്നിരിക്കുന്നത്​. 

വെള്ളം കയറിയതിനാലാണ്​ വീടൊഴിഞ്ഞത്​. എന്നാൽ സർക്കാറി​​​െൻറ ഭാഗത്തു നിന്ന്​ ഒരു പിന്തുണയും ലഭിക്കുന്നില്ല. തെരുവുകളിൽ താമസിക്കാൻ തങ്ങൾ നിർബന്ധിതരായിരിക്കുകയാണെന്നും ജനങ്ങൾ പറയുന്നു. നിലവിലുള്ള ദുരിതാശ്വാസ കേന്ദ്രങ്ങളെല്ലാം നിറഞ്ഞിരിക്കുകയാണ്​. മറ്റു വഴിയില്ലാത്തതിനാൽ തെരുവിൽ കഴിയുകയാണെന്നും കുടുംബങ്ങൾ പറയുന്നു.

അതേസമയം, പഴയ യമുനപാലത്തിലൂടെയുള്ള വാഹന ഗതാഗതം കിഴക്കൽ ഡൽഹി ജില്ലാ മജിസ്​ട്രേറ്റ്​ നിരോധിച്ചിട്ടുണ്ട്​. 204.83 മീറ്ററാണ്​​ അപകടനില. നിലവിൽ  205.53 മീറ്റർ ഉയരത്തിൽ വെള്ളം കയറിയിട്ടുണ്ട്​. പഴയ യമുന പാലം അടച്ചതോടു കൂടി 27 പാസഞ്ചർ ട്രെയിനുകൾ റദ്ദാക്കി. ഏഴെണ്ണംവഴി തിരിച്ചു വിട്ടു.