You are here

അനൗപചാരിക ഉച്ചകോടി: ഹൃദയവും ഹൃദയവും തമ്മിലുള്ള ചർച്ചയെന്ന്​ ഷീ ജിങ്​ പിങ്​

12:41 PM
12/10/2019
modi-and-xi

ചെന്നൈ: ഇന്ത്യ-ചൈന അനൗപചാരിക ഉച്ചകോടിയെ കുറിച്ച്​ പ്രതികരിച്ച്​ നരേന്ദ്രമോദിയും ഷീ ജിങ്​ പിങ്ങും. ഹൃദയവും ഹൃദയവും തമ്മിലുള്ള ചർച്ചകളാണ്​ ഉച്ചകോടിയിൽ നടക്കുകയെന്ന്​ ചൈനീസ്​ പ്രസിഡൻറ്​ ഷീ ജിങ്​ പിങ്​ പറഞ്ഞു. നിങ്ങൾ നൽകിയ ആതിഥേയത്വം ഒരിക്കലും മറക്കാൻ കഴിയാത്തതാണെന്നും അതിന്​ നന്ദിയറിക്കുന്നതായും ഷീ ജിങ്​ പിങ്​ മോദിയെ അറിയിച്ചു. 

ഇരു രാജ്യങ്ങളും തമ്മിലുള്ള അനൗ​പചാരിക ഉച്ചകോടി പുതു യുഗത്തിന്​ തുടക്കം കുറിക്കുമെന്നായിരുന്നു മോദിയുടെ പ്രഖ്യാപനം. രണ്ടാം ദിനം മഹാബലിപുരത്ത്​ ചർച്ചകൾ പുനഃരാരംഭിച്ചതിന്​ പിന്നാലെയാണ്​ ഇരു രാഷ്​ട്രനേതാക്കളും ഉച്ചകോടിയെ കുറിച്ച്​ പ്രതികരിച്ചത്​.

നരേന്ദ്രമോദിയും ഷീ ജിങ്​ പിങ്ങും തമ്മിൽ താജ്​ ഫിഷർമാൻസ്​ കോവ്​ ഹോട്ടലിലാണ്​ ചർച്ചകൾ നടത്തുന്നത്​.​ ഉച്ചകോടിക്ക്​ മുമ്പ്​ ഹോട്ടലിൽ നടന്ന കരകൗശല&ഹാൻഡ്​ലൂം പ്രദർശനവും ഇരു നേതാക്കളും സന്ദർശിച്ചു.

മോദി പറന്നത്​ ഹെലികോപ്ടറിൽ; ഷി ജിൻപിങ്​ ചൈനീസ്​ കാറിലും! 
ചെ​ന്നൈ: മ​ഹാ​ബ​ലി​പു​രം ഇ​ന്തോ-​ചൈ​ന ദ്വി​ദി​ന അ​നൗ​പ​ചാ​രി​ക ഉ​ച്ച​കോ​ടി​ക്കെ​ത്തി​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ചെ​ന്നൈ​യി​ൽ​നി​ന്ന്​ മ​ഹാ​ബ​ലി​പു​ര​ത്തേ​ക്കു​ള്ള 55 കി​ലോ​മീ​റ്റ​ർ യാ​ത്ര​ക്ക്​ ഉ​പ​യോ​ഗി​ച്ച​ത്​ ഹെ​ലി​കോ​പ്ട​ർ. അ​തേ​സ​മ​യം, ചൈ​നീ​സ്​ പ്ര​സി​ഡ​ൻ​റ്​ ഷി ​ജി​ൻ​പി​ങ്​ സ​ഞ്ച​രി​ച്ച​ത്​ ചൈ​ന​യി​ൽ​നി​ന്ന്​ പ്ര​ത്യേ​കം കൊ​ണ്ടു​വ​ന്ന കാ​റി​ലും. വെ​ള്ളി​യാ​ഴ്​​ച രാ​വി​ലെ ചെ​ന്നൈ വി​മാ​ന​ത്താ​വ​ള​ത്തി​ലി​റ​ങ്ങി​യ മോ​ദി ഹെ​ലി​കോ​പ്​​ട​റി​ലാ​ണ്​ കോ​വ​ള​ത്തെ താ​ജ്​ ഹോ​ട്ട​ലി​ൽ​ പോ​യ​ത്. എ​ന്നാ​ൽ, ഷി ​ജി​ൻ​പി​ങ്​ ചെ​ന്നൈ വി​മാ​ന​ത്താ​വ​ള​ത്തി​ൽ​നി​ന്ന്​ ഗി​ണ്ടി​യി​ലെ ​െഎ.​ടി.​സി ഗ്രാ​ൻ​ഡ്​ ചോ​ഴ ഹോ​ട്ട​ലി​ലേ​ക്കും അ​വി​ടെ​നി​ന്ന്​ വെ​ള്ളി, ശ​നി ദി​വ​സ​ങ്ങ​ളി​ൽ മ​ഹാ​ബ​ലി​പു​ര​ത്തേ​ക്ക്​ പോ​യി​വ​ന്ന​തും കാ​റി​ലാ​യി​രു​ന്നു.

‘ചു​വ​ന്ന പ​താ​ക’ എ​ന്ന അ​ർ​ഥം​വ​രു​ന്ന നാ​ല്​  ‘ഹോ​ങ്കി’ (hongqi) കാ​റു​ക​ളാ​ണ്​ ചൈ​ന​യി​ൽ​നി​ന്ന്​ പ്ര​ത്യേ​ക കാ​ർ​ഗോ വി​മാ​ന​ത്തി​ൽ ചെ​ന്നൈ​യി​ലെ​ത്തി​ച്ച​ത്. എ​ട്ടു​ സെ​ക്ക​ൻ​ഡി​ന​കം 100 കി​ലോ​മീ​റ്റ​ർ വേ​ഗം കൈ​വ​രു​ന്ന ചൈ​ന​യി​ലെ ഏ​റ്റ​വും വി​ല​യേ​റി​യ ഇൗ ​കാ​റി​ന്​ 18 അ​ടി നീ​ള​വും അ​ഞ്ച​ടി ഉ​യ​ര​വും 6.5 അ​ടി വീ​തി​യു​മു​ണ്ട്. 3152 കി​ലോ ഭാ​ര​വും.  ​ചൈ​നീ​സ്​ ക​മ്യൂ​ണി​സ്​​റ്റ്​ പാ​ർ​ട്ടി​യു​ടെ സ്​​ഥാ​പ​ക നേ​താ​വാ​യ മാ​വോ സേ ​തു​ങ് മു​ത​ലു​ള്ള മു​ഴു​വ​ൻ നേ​താ​ക്ക​ളും  ഇ​തേ കാ​റു​ക​ളാ​ണ്​ ഉ​പ​യോ​ഗി​ക്കു​ന്ന​ത്. ചൈ​നീ​സ്​  നേ​താ​ക്ക​ൾ ഹെ​ലി​കോ​പ്ട​റി​ൽ യാ​ത്ര ചെ​യ്യ​രു​തെ​ന്ന​ത്​​ പാ​ർ​ട്ടി​യു​ടെ ന​യ​പ​ര​മാ​യ തീ​രു​മാ​ന​മാ​ണെ​ന്ന്​ ചെ​ന്നൈ​യി​ലെ​ത്തി​യ ചൈ​നീ​സ്​ വി​ദേ​ശ മ​ന്ത്രാ​ല​യ ഉ​ദ്യോ​ഗ​സ്​​ഥ​ൻ പ​റ​ഞ്ഞു. 

 

Loading...
COMMENTS