ജി20: പുടിന്റെയും ജിൻപിങ്ങിന്റെയും അഭാവം ബാധിക്കില്ല -എസ്. ജയശങ്കർ

ന്യൂ​ഡ​ൽ​ഹി: റ​ഷ്യ​ൻ പ്ര​സി​ഡ​ന്റ് വ്ലാ​ദി​മി​ർ പു​ടി​നും ചൈ​നീ​സ് പ്ര​സി​ഡ​ന്റ് ഷി ​ജി​ൻ​പി​ങ്ങും ജി20 ​ഉ​ച്ച​കോ​ടി​ക്ക് എ​ത്താ​തി​രു​ന്ന​തി​ന് ഇ​ന്ത്യ​യു​മാ​യി ഒ​രു ബ​ന്ധ​വു​മി​ല്ലെ​ന്ന് വി​ദേ​ശ​കാ​ര്യ മ​ന്ത്രി എ​സ് ജ​യ​ശ​ങ്ക​ർ. ഇ​രു​നേ​താ​ക്ക​ളു​ടെ​യും അ​ഭാ​വം ഉ​ച്ച​കോ​ടി​യെ ബാ​ധി​ക്കി​ല്ലെ​ന്ന് അ​ദ്ദേ​ഹം വാ​ർ​ത്ത ഏ​ജ​ൻ​സി​യോ​ട് പ​റ​ഞ്ഞു. ജി20 ​യു​ടെ ച​രി​ത്ര​ത്തി​ൽ, പ്ര​സി​ഡ​ന്റു​മാ​രും പ്ര​ധാ​ന​മ​ന്ത്രി​മാ​രും മു​മ്പും പ​ങ്കെ​ടു​ക്കാ​തി​രു​ന്നി​ട്ടു​ണ്ടെ​ന്നും അ​ത​ത് രാ​ജ്യ​ങ്ങ​ളു​ടെ നി​ല​പാ​ടു​ക​ള​റി​യി​ക്കാ​ൻ ഈ ​നേ​താ​ക്ക​ളു​ടെ പ്ര​തി​നി​ധി​ക​ളു​ണ്ടാ​കാ​റു​ണ്ടെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

ഉ​ച്ച​കോ​ടി​യു​ടെ അ​ജ​ണ്ട​യും വി​ഷ​യ​ങ്ങ​ളും വി​വി​ധ മ​ന്ത്രി​ത​ല, ഔ​ദ്യോ​ഗി​ക പ്ര​ക്രി​യ​ക​ളി​ലൂ​ടെ മാ​സ​ങ്ങ​ളാ​യി രൂ​പ​പ്പെ​ട്ട​താ​ണെ​ന്നും ജ​യ​ശ​ങ്ക​ർ വ്യ​ക്ത​മാ​ക്കി. ക​ടം, വ്യാ​പാ​രം, ആ​രോ​ഗ്യം, ഹ​രി​ത വി​ക​സ​നം എ​ന്നി​ങ്ങ​നെ​യു​ള്ള സ​വി​ശേ​ഷ​മാ​യ വെ​ല്ലു​വി​ളി​ക​ൾ​ക്ക് പ​രി​ഹാ​രം തേ​ടു​ന്ന പ​ല രാ​ജ്യ​ങ്ങ​ളും പ​​ങ്കെ​ടു​ക്കു​ന്നു​ണ്ട്. കോ​വി​ഡ്-19 രൂ​പ​പ്പെ​ടു​ത്തി​യ പ്ര​ക്ഷു​ബ്ധ​മാ​യ ആ​ഗോ​ള അ​ന്ത​രീ​ക്ഷം, യു​ക്രെ​യ്ൻ സം​ഘ​ർ​ഷം, ദീ​ർ​ഘ​കാ​ല ക​ട​പ്ര​ശ്‌​ന​ങ്ങ​ൾ, കാ​ലാ​വ​സ്ഥാ ത​ക​ർ​ച്ച​യു​ടെ സാ​മ്പ​ത്തി​ക ആ​ഘാ​തം എ​ന്നി​വ അം​ഗീ​ക​രി​ച്ചു​കൊ​ണ്ട് ‘ഗ്ലോ​ബ​ൽ സൗ​ത്തി’​ന്റെ (ബ്ര​സീ​ൽ, ഇ​ന്ത്യ, ഇ​ന്തോ​നേ​ഷ്യ, ചൈ​ന തു​ട​ങ്ങി​യ രാ​ജ്യ​ങ്ങ​ൾ) ആ​ശ​ങ്ക​ക​ളി​ൽ ശ്ര​ദ്ധ കേ​ന്ദ്രീ​ക​രി​ക്കേ​ണ്ട​തി​ന്റെ പ്രാ​ധാ​ന്യം ജ​യ​ശ​ങ്ക​ർ ഊ​ന്നി​പ്പ​റ​ഞ്ഞു.

അ​തേ​സ​മ​യം, യു.​എ​സ് പ്ര​സി​ഡ​ന്റ് ജോ ​ബൈ​ഡ​ൻ ഉ​ച്ച​കോ​ടി​യി​ൽ പ​​​ങ്കെ​ടു​ക്കു​മെ​ന്നു​റ​പ്പാ​യി. ബൈ​ഡ​ന്റെ ഭാ​ര്യ ജി​ൽ ബൈ​ഡ​ന് തി​ങ്ക​ളാ​ഴ്ച കോ​വി​ഡ് സ്ഥി​രീ​ക​രി​ച്ചി​രു​ന്നു.

തു​ട​ർ​ന്ന്, തു​ട​ർ​ച്ച​യാ​യി ര​ണ്ട് ദി​വ​സ​വും പ​രി​ശോ​ധ​ന ന​ട​ത്തി​യ​തി​നെ തു​ട​ർ​ന്ന് ജോ ​ബൈ​ഡ​ന് നെ​ഗ​റ്റി​വാ​ണെ​ന്ന് സ്ഥി​രീ​ക​രി​ച്ചി​രു​ന്നു. നാ​ളെ​യാ​ണ് ബൈ​ഡ​ൻ ഇ​ന്ത്യ​യി​ലേ​ക്ക് പു​റ​പ്പെ​ടു​ക. വെ​ള്ളി​യാ​ഴ്ച പ്ര​ധാ​ന​മ​ന്ത്രി മോ​ദി​യു​മാ​യി ബൈ​ഡ​ൻ ച​ർ​ച്ച ന​ട​ത്തും. ജി 20 ​ഉ​ച്ച​കോ​ടി​യു​ടെ ഔ​ദ്യോ​ഗി​ക സെ​ഷ​നു​ക​ളി​ൽ അ​ദ്ദേ​ഹം സ​ജീ​വ​മാ​യി പ​ങ്കെ​ടു​ക്കു​മെ​ന്ന് ദേ​ശീ​യ സു​ര​ക്ഷാ ഉ​പ​ദേ​ഷ്ടാ​വ് ജേ​ക്ക് സ​ള്ളി​വ​ൻ അ​റി​യി​ച്ചു.

ഡൽഹിയിൽ നിയന്ത്രണങ്ങൾ കടുപ്പിക്കുന്നു

ന്യൂ​ഡ​ല്‍ഹി: സെ​പ്​​റ്റം​ബ​ർ ഒ​മ്പ​ത്, പ​ത്ത്​ തീ​യ​തി​ക​ളി​ലാ​യി ഡ​ൽ​ഹി​യി​ൽ ന​ട​ക്കു​ന്ന ജി20 ​ഉ​ച്ച​കോ​ടി​യു​ടെ ഒ​രു​ക്ക​ങ്ങ​ൾ അ​വ​സാ​ന​ഘ​ട്ട​ത്തി​ൽ. പ്ര​ഗ​തി മൈ​താ​നി​യി​ൽ ഭാ​ര​ത് മ​ണ്ഡ​പം എ​ന്ന്​ പു​ന​ര്‍നാ​മ​ക​ര​ണം ചെ​യ്ത് ന​വീ​ക​രി​ച്ച ഐ.​ടി.​പി.​ഒ കോം​പ്ല​ക്‌​സി​ലാ​ണ് പ്ര​ധാ​ന സ​മ്മേ​ള​ന​ങ്ങ​ള്‍ ന​ട​ക്കു​ക.

ലോ​ക​നേ​താ​ക്ക​ള്‍ ത​ങ്ങു​ന്ന ഹോ​ട്ട​ലു​ക​ളി​ലും അ​വ​രു​ടെ സ​ഞ്ചാ​ര​പാ​ത​യി​ലും ക​ന​ത്ത സു​ര​ക്ഷ ക്ര​മീ​ക​ര​ണ​ങ്ങ​ള്‍ ഏ​ര്‍പ്പെ​ടു​ത്തി. ഹോ​ട്ട​ലി​ലും വി​വി​ധ സ​മ്മേ​ള​ന സ്ഥ​ല​ങ്ങ​ളി​ലും ദേ​ശീ​യ സു​ര​ക്ഷ ഗാ​ര്‍ഡ് (എ​ൻ.​എ​സ്.​ജി) ക​മാ​ന്‍ഡോ​ക​ളെ​യും ആ​ര്‍മി സ്‌​നൈ​പ്പ​ര്‍ സം​ഘ​ത്തെ​യും വി​ന്യ​സി​ക്കും. ലോ​ക​നേ​താ​ക്ക​ളു​ടെ വി​മാ​നം പാ​ര്‍ക്ക് ചെ​യ്യാ​ന്‍ പ്ര​ത്യേ​ക പാ​ര്‍ക്കി​ങ് സം​വി​ധാ​നം വി​മാ​ന​ത്താ​വ​ള​ത്തി​ല്‍ ഒ​രു​ക്കും. നേ​താ​ക്ക​ളു​ടെ യാ​ത്ര​ക്ക് 18 കോ​ടി രൂ​പ വാ​ട​ക ന​ല്‍കി 20 ഹൈ​എ​ന്‍ഡ് ബു​ള്ള​റ്റ് പ്രൂ​ഫ് കാ​റു​ക​ള്‍ ഡ​ൽ​ഹി​യി​ൽ എ​ത്തി​ച്ചു. റോ​ഡു​ക​ള്‍ ന​വീ​ക​രി​ച്ചും പ​താ​യോ​ര​ങ്ങ​ളി​ല്‍ പൂ​ച്ചെ​ടി​ക​ൾ സ്ഥാ​പി​ച്ചും ഭം​ഗി​യാ​ക്കി. ​

സ​മ്മേ​ള​ന പ്ര​തി​നി​ധി​ക​ൾ കാ​ണാ​തി​രി​ക്കാ​ൻ പ​ല​യി​ട​ങ്ങ​ളി​ലും ചേ​രി​ക​ൾ പ്ലാ​സ്റ്റി​ക്​ ഷീ​റ്റു​ക​ൾ കൊ​ണ്ടു മ​റ​ച്ചു. മേ​ൽ​പാ​ല​ങ്ങ​ൾ​ക്ക്​ താ​ഴെ ക​ഴി​യു​ന്ന നാ​ടോ​ടി​ക​ൾ, ഭി​ക്ഷാ​ട​ക​​ർ തു​ട​ങ്ങി​യ​വ​രെ അ​വി​ടെ​നി​ന്ന് നീ​ക്കി. റോ​ഡ​രി​കി​ലെ ക​ച്ച​വ​ട​ക്കാ​രെ​യും ആ​ഴ്ച​ക​ൾ​ക്ക്​ മു​​മ്പേ പൂ​ർ​ണ​മാ​യും ഒ​ഴി​പ്പി​ച്ചു. എ​ട്ട് മു​ത​ല്‍ 10 വ​രെ തീ​യ​തി​ക​ളി​ൽ എ​ല്ലാ സ​ര്‍ക്കാ​ര്‍, മു​നി​സി​പ്പ​ല്‍ കോ​ർ​പ​റേ​ഷ​ന്‍, സ്വ​കാ​ര്യ ഓ​ഫി​സു​ക​ളും സ്‌​കൂ​ളു​ക​ളും അ​ട​ച്ചി​ടും. കൂ​ടാ​തെ ബാ​ങ്ക​ട​ക്ക​മു​ള്ള ധ​ന​കാ​ര്യ സ്ഥാ​പ​ന​ങ്ങ​ളും എ​ല്ലാ ക​ട​ക​ളും ഈ ​മൂ​ന്ന് ദി​വ​സ​ങ്ങ​ളി​ല്‍ തു​റ​ക്കി​ല്ല. ഡ​ൽ​ഹി ഇ​ന്ദി​ര​ഗാ​ന്ധി വി​മാ​ന​ത്താ​വ​ള​ത്തി​ൽ​നി​ന്നു​മു​ള്ള 150ല​ധി​കം ആ​ഭ്യ​ന്ത​ര വി​മാ​ന സ​ർ​വി​സു​ക​ൾ റ​ദ്ദാ​ക്കും. ന്യൂ​ഡ​ൽ​ഹി സ്​​റ്റേ​ഷ​നി​ലെ​ത്തു​ന്ന 210 ട്രെ​യി​നു​ക​ളും റ​ദ്ദാ​ക്കി. ന്യൂ​ഡ​ൽ​ഹി ജി​ല്ല​യി​ൽ സാ​ധാ​ര​ണ വാ​ഹ​ന​ങ്ങ​ൾ​ക്കു പ്ര​വേ​ശ​ന​ത്തി​നു നി​യ​ന്ത്ര​ണ​മു​ണ്ട്. അ​ടി​യ​ന്ത​ര ആ​വ​ശ്യ​ങ്ങ​ൾ​ക്ക് അ​ല്ലാ​ത്ത വാ​ഹ​ന​ങ്ങ​ൾ കി​ഴ​ക്ക​ൻ, പ​ടി​ഞ്ഞാ​റ​ൻ അ​തി​വേ​ഗ​പാ​ത​ക​ളും മ​റ്റു ബ​ദ​ൽ റൂ​ട്ടു​ക​ളും തി​ര​ഞ്ഞെ​ടു​ക്ക​ണം.