മതേതരം എന്ന വാക്ക്​ വൻ നുണയാണ്​ - ആദിത്യനാഥ്​

ന്യൂഡൽഹി: സ്വാതന്ത്ര്യം കിട്ടിയ നാൾ മുതൽ ഉപയോഗിക്കുന്ന മതേതരം എന്ന വാക്ക്​ വൻ നുണയാണെന്ന്​ യു.പി മുഖ്യമന്ത്രി യോഗി ആദിത്യനാഥ്​.  ഇന്ത്യയെ നശിപ്പിച്ചത്​ ഇൗ വാക്കാണ്​. ചരിത്രത്തെ നശിപ്പിക്കുന്നത്​ രാജ്യദ്രോഹത്തോളം വലിയ കുറ്റമാണെന്നും യോഗി പറഞ്ഞു. റായ്​പൂരിലെ ദൈനിക്​ ജാഗരൺ ഗ്രൂപ്പ്​ സംഘടിപ്പിച്ച പരിപാടിക്കിടെ വർഗ്ഗീയത- മതേതരം എന്നീ വിഷയങ്ങളെ കുറിച്ചുള്ള ചോദ്യത്തോട്​ പ്രതികരിക്ക​ുകയായിരുന്നു അദ്ദേഹം. 

സ്വാതന്ത്ര്യം മുതൽ ഉപയോഗിക്കുന്ന വൻ നുണയാണ്​ മതേതരം എന്ന വാക്ക്​. ഇൗ നുണക്ക്​ ജൻമം നൽകിയവരും അത്​ ഉപയോഗിക്കുന്നവരും ഇൗ രാജ്യത്തോടും ജനങ്ങളോടും മാപ്പ്​ പറയണം. ഒരു സമൂഹത്തിനും മതേതരമാകാൻ സാധിക്കില്ല. അതേസമയം, രാഷ്​ട്രീയ വ്യവസ്​ഥക്ക്​ വർഗപരമായ നിഷ്​പക്ഷത പുലർത്താം. സർക്കാർ പരിപാടികളിൽ ഒരു വിഭാഗത്തി​​െൻറ പ്രാർഥന മാത്രം മതിയെന്ന്​ പറയുന്നത്​ ശരിയല്ല. യു.പിയിൽ 22 കോടി ജനങ്ങളുടെ സുരക്ഷയുടെയും മറ്റും ഉത്തരവാദിത്തം തനിക്കാണ്​. പ​േക്ഷ, താനിവി​െട ഇരിക്കുന്നത്​ ഏതെങ്കിലും സമുദായത്തെ നശിപ്പിക്കാനല്ല. നിങ്ങൾക്ക്​ പക്ഷം പിടിക്കാതിരിക്കാം, പക്ഷേ, മതേതരനാകാനാകില്ലെന്നും യോഗി ആദിത്യനാഥ്​ പറഞ്ഞു. 

സ്വാർഥ താത്​പര്യത്തിനു വേണ്ടി രാജ്യത്തെ കോടിക്കണക്കിന്​ ജനങ്ങളു​െട വികാരം വെച്ചാണ്​ കോൺഗ്രസ് കളിച്ചത്​. മതത്തി​​െൻറയും ജാതിയു​െടയും ഭാഷയുടെയും അടിസ്​ഥാനത്തിൽ കോൺഗ്രസ്​ രാജ്യത്തെ വിഭജിച്ചു. ചിലിടത്ത്​ തീവ്രവാദം, ചിലയിടത്ത്​ നക്​സലിസം, ചിലയിടത്ത്​ വിഘടനവാദം... നാം ഇപ്പോഴും അതിന്​ വലിയ വില കൊടുത്തു കൊണ്ടിരിക്കുകയാണ്​. നമ്മെ സംബന്ധിച്ചിടത്തോളം രാജ്യം ഒന്നടങ്കം ഒരു കുടുംബമാണെന്നും യോഗി പറഞ്ഞു. 

‘പാകി’ എന്ന വാക്ക്​ ഏറ്റവും വലിയ നിന്ദയായാണ്​ യൂറോപ്പ്​ കാണുന്നത്​. പാകിസ്​താൻ എന്ന വാക്ക്​ തന്നെ അധിക്ഷേപത്തി​​െൻറ പര്യായമായി മാറിയെന്നും അദ്ദേഹം അഭിപ്രായപ്പെട്ടു.