മുതുമലയിൽ ലോക ഗജദിനം ആഘോഷിച്ചു

ഗൂഡല്ലൂർ: മുതുമല കടുവാ സങ്കേതം തൊപ്പക്കാട് ആന വളർത്തൽ ക്യാമ്പിൽ ലോക ഗജദിനം ആഘോഷിച്ചു. വ്യാഴാഴ്ച രാവിലെ ക്യാമ്പിലെ ആനകളെ അണിനിരത്തി ഗണപതി വിഗ്രഹത്തിൽ പൂജ അർപ്പിച്ചു. ചക്ക, പഴം, പൈനാപ്പിളടങ്ങിയ പഴവർഗങ്ങളും കരിമ്പും ഉൾപ്പെടുത്തിയാണ് ആനയൂട്ട് തയാറാക്കിയത്. ആഘോഷത്തിന്റെ ഭാഗമായി പരിസരത്തെ ആദിവാസി സ്കൂൾ വിദ്യാർഥികളെയും ചടങ്ങിൽ പങ്കെടുത്തു.

ആറ് പിടിയാനയും രണ്ടു കൂട്ടി യാനകളടക്കം 28 ആനകളാണ് തെപ്പക്കാടിലുള്ളത്. സങ്കേത ഡയറക്ടർ കെ.കെ കൗശൽ ഉത്തരവുപ്രകാരം സംഘടിപ്പിച്ച ആഘോഷത്തിൽ റേഞ്ചർമാരും മറ്റു വനപാലകരും മൃഗസ്നേഹികളും പങ്കെടുത്തു.