കൊറോണ കാലത്ത്​ നമസ്​തേ പറഞ്ഞ്​​ ശീലിക്കാമെന്ന്​ മോദി

ന്യൂഡൽഹി: കൊറോണ വൈറസ്​ വ്യാപിക്കുന്ന സാഹചര്യത്തിൽ അപവാദ പ്രചരണങ്ങളിൽ ജനങ്ങൾ വിശ്വസിക്കരുതെന്ന്​ പ്രധാനമന്ത്രി നരേന്ദ്രമോദി. അസുഖ ലക്ഷണങ്ങളുണ്ടെങ്കിൽ ഡോക്​ടർമാരുടെ നിർദേശങ്ങൾ പാലിക്കണം. പരസ്​പരം അഭിവാദ്യം ചെയ്യാൻ ഹസ്​തദാനത്തിന്​ പകരം കൈകൂപ്പി നമസ്​തേ പറഞ്ഞ്​ ശീലിക്കാമെന്നും പ്രധാനമന്ത്രി പറഞ്ഞു. ജൻ ഔഷധി കേന്ദ്രങ്ങളുടെ ഉടമകളും പ്രധാൻ മന്ത്രി ഭാരതീയ ജൻഔഷധി പരിയോജന പദ്ധതിയുടെ ഗുണഭോക്താക്കളുമായി നടത്തിയ വിഡിയോ കോൺഫറൻസിലാണ്​ മോദി കൊറോണ വൈറസ്​ ബാധ സംബന്ധിച്ച നിർദേശങ്ങൾ നൽകിയത്​. ​

ഇന്ത്യയിൽ ഇതുവരെ 31 പേർക്കാണ്​ കൊറോണ വൈറസ്​ ബാധ സ്ഥിരീകരിച്ചത്​്​. ജമ്മുവിലും അമൃത്​സറിലും രണ്ടു വീതം ആളുകൾക്ക്​ കൊറോണ ബാധ സംശയിക്കുന്നുണ്ട്​. സ്ഥിതിഗതികൾ നിരീക്ഷിച്ചുവരികയാണെന്നും ജനങ്ങൾ ഒത്തുകൂടലുകൾ ഒഴിവാക്കണമെന്നും പ്രധാനമന്ത്രി പറഞ്ഞു.

രാജ്യത്തെ ഒരു കോടിയോളം ജനങ്ങൾ​ ഭാരതീയ ജൻഔഷധി പരിയോജന പദ്ധതിയുടെ ഗുണഭോക്താക്കളാണ്​. ജൻ ഔഷധി കേന്ദ്രങ്ങൾ വഴി കുറഞ്ഞ വിലക്ക്​ എല്ലാവർക്കും മരുന്ന്​ ലഭ്യമാകുന്നു. 6000 ജൻ ഔഷധി കേന്ദ്രങ്ങൾ പ്രവർത്തിക്കുന്നുണ്ടെന്നും മോദി പറഞ്ഞു.