‘ബി.​ജെ.​പി​ക്ക് അ​ടി​മ​പ്പ​ണി​യെ​ടു​ക്കു​ന്നു’; മു​ഖ്യതെ​ര​ഞ്ഞെ​ടു​പ്പ് ക​മീ​ഷ​ണറെ വിമർശിച്ച് കോൺഗ്രസ്

ന്യൂ​ഡ​ൽ​ഹി: മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​ർ ഗ്യാ​നേ​ഷ് കു​മാ​ർ 240 സീ​റ്റ് മാ​ത്രം കി​ട്ടി​യ ബി.​ജെ.​പി​ക്ക് അ​ടി​മ​പ്പ​ണി ​​ചെ​യ്യു​ന്ന​തെ​ന്തി​നാ​ണെ​ന്ന് കോ​ൺ​ഗ്ര​സ്. ബി.​ജെ.​പി​യു​ടെ അ​ടി​മ​പ്പ​ണി നി​ർ​ത്തി ഗ്യാ​നേ​ഷ് കു​മാ​ർ ഭ​ര​ണ​ഘ​ട​ന​ക്കും ജ​നാ​ധി​പ​ത്യ​ത്തി​നും വേ​ണ്ടി ജോ​ലി ചെ​യ്യ​ണ​മെ​ന്ന് കോ​ൺ​ഗ്ര​സ് വ​ക്താ​വ് പ​വ​ൻ ഖേ​ര വാ​ർ​ത്ത​സ​​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു.

അ​സ​മ​യ​ത്ത് തി​ര​ക്കി​ട്ട് തീ​വ്ര വോ​ട്ട​ർ​പ​ട്ടി​ക പ​രി​ശോ​ധ​ന ന​ട​ത്തി ബി​ഹാ​റി​ലെ വോ​ട്ട​ർ​മാ​രെ കൂ​ട്ട​ത്തോ​ടെ പു​റ​ത്താ​ക്കു​ന്ന ക​മീ​ഷ​ൻ ന​ട​പ​ടി ചോ​ദ്യം ചെ​യ്താ​ണ് കോ​ൺ​ഗ്ര​സ് ഗ്യാ​നേ​ഷ് കു​മാ​റി​നെ​തി​രെ ആ​ഞ്ഞ​ടി​ച്ച​ത്. ജ​ന​ങ്ങ​ളു​ടെ നി​കു​തി​പ്പ​ണം കൊ​ണ്ടു​ണ്ടാ​ക്കി​യ തെ​ര​ഞ്ഞെ​ടു​പ്പ് ക​മീ​ഷ​ൻ ആ​സ്ഥാ​ന​ത്ത് ഇ​രി​ക്കു​ന്ന​തി​നു​പ​ക​രം ഗ്യാ​നേ​ഷ് കു​മാ​റി​ന് ബി.​ജെ.​പി​യു​ടെ കേ​ന്ദ്ര ആ​സ്ഥാ​ന​ത്ത് ഒ​രു നി​ല വാ​ങ്ങി അ​വി​ടെ​യി​രു​ന്നു​കൂ​ടെ എ​ന്ന് പ​വ​ൻ ഖേ​ര ചോ​ദി​ച്ചു. മു​ഖ്യ ക​മീ​ഷ​ണ​ർ ശ​ഹ​ൻ​ഷ​മാ​ർ​ക്ക് അ​ടി​മ​പ്പ​ണി ചെ​യ്യേ​ണ്ട. ഇ​ത്ത​ര​ത്തി​ൽ പ്ര​വ​ർ​ത്തി​ച്ചാ​ൽ ച​രി​ത്ര​ത്തി​ന്റെ ച​വ​റ്റു​കൊ​ട്ട​യി​ലാ​യി​രി​ക്കും സ്ഥാ​നം.

കോ​ൺ​ഗ്ര​സി​ന് ബി.​ജെ.​പി​യു​ടെ ദ​ല്ലാ​ളി​നെ കാ​ണേ​ണ്ട കാ​ര്യ​മി​ല്ല. ദ​ല്ലാ​ളി​നെ കാ​ണു​ന്ന​തി​നു​പ​ക​രം ബി.​ജെ.​പി​യു​മാ​യി ച​ർ​ച്ച ന​ട​ത്തി​യാ​ൽ മ​തി. എ​ല്ലാ​വ​രെ​യും വി​ശ്വാ​സ​ത്തി​ലെ​ടു​ത്ത് ജോ​ലി ചെ​യ്യ​ണ​മെ​ന്ന് ഗ്യാ​നേ​ഷ് കു​മാ​റി​നെ പ​വ​ൻ ഖേ​ര ഓ​ർ​മി​പ്പി​ച്ചു.

ഭ​ര​ണ​ഘ​ട​നാ​പ​ര​മാ​യ പ​രി​ധി ലം​ഘി​ച്ചാ​ൽ രാ​ജ്യം അ​ത് കാ​ണും. ഓ​രോ​രു​ത്ത​രെ​യും രാ​ജ്യം ഇ​രു​ത്തേ​ണ്ടി​ട​ത്ത് ഇ​രു​ത്തും. ഭ​ര​ണം വ​രും പോ​കും. 300 സീ​റ്റു​ക​ളു​ള്ള കാ​ല​ത്ത് കോ​ൺ​ഗ്ര​സ് ബി.​ജെ.​പി​യെ പേ​ടി​ച്ചി​ട്ടി​ല്ല. പി​ന്നെ എ​ന്തി​നാ​ണ് ഗ്യാ​നേ​ഷ് കു​മാ​ർ 240 സീ​റ്റ് മാ​ത്ര​മു​ള്ള ബി.​ജെ.​പി​ക്ക് അ​ടി​മ​പ്പ​ണി ചെ​യ്യു​ന്ന​ത്? അ​ങ്ങേ​യ​റ്റം വേ​ദ​ന​യോ​ടെ​യും ദുഃ​ഖ​ത്തോ​ടെ​യു​മാ​ണി​ത് പ​റ​യു​ന്ന​ത്. ഒ​രു പാ​ർ​ട്ടി​ക്കു​വേ​ണ്ടി കൂ​ടി​ക്കാ​ഴ്ച​ക്ക് സ​മ​യം ചോ​ദി​ക്കു​​മ്പോ​ൾ അ​യാ​ൾ അ​ന​ധി​കൃ​ത​നാ​ണെ​ന്ന് പ​റ​യാ​ൻ ക​മീ​ഷ​ണ​ർ ആ​രാ​ണെ​ന്ന്, ചി​ല കോ​ൺ​ഗ്ര​സ് നേ​താ​ക്ക​ളെ കൂ​ടി​ക്കാ​ഴ്ച​ക്ക് അ​നു​വ​ദി​ക്കാ​തെ തി​രി​ച്ച​യ​ച്ച​ത് ചൂ​ണ്ടി​ക്കാ​ട്ടി പ​വ​ൻ ഖേ​ര ചോ​ദി​ച്ചു.