പാർലമെൻറിൽ മതപരമായ മുദ്രാവാക്യം അനുവദിക്കില്ല -സ്പീക്കർ

ന്യൂഡൽഹി: പാർലമ​െൻറിൽ മതപരമായ മുദ്രാവാക്യങ്ങൾ അനുവദിക്കില്ലെന്ന് സ്പീക്കർ ഓം ബിർല. പ്ലക്കാർഡുകൾക്കും മുദ്ര ാവാക്യങ്ങൾക്കുമുള്ള സ്ഥലമല്ല പാർലമ​െൻറ്. അതെല്ലാം കാണിക്കാനും പ്രകടിപ്പിക്കാനുമുള്ള സ്ഥലം പുറത്തുണ്ട്. നിങ ്ങൾക്ക് ഇവിടെ വന്ന് സംസാരിക്കാം, സർക്കാറിനെതിരെ ആരോപണം ഉന്നയിക്കാം. പക്ഷേ ഇത്തരം കാര്യങ്ങളൊന്നും ഇവിടെ ചെയ് യരുത് -സ്പീക്കർ പറഞ്ഞു.

എം.പിമാരുടെ സത്യപ്രതിജ്ഞാ സമയത്ത് മതപരമായ മുദ്രാവാക്യങ്ങൾ ഉയർന്നതിൽ അദ്ദേഹം അതൃപ്തി അറിയിച്ചു. ഇനിയും അങ്ങിനെ സംഭവിക്കുമോ എന്നറിയില്ല. പക്ഷേ, പാർലമ​െൻറ് അതിന്‍റെ നിയമമനനുസരിച്ച് മുന്നോട്ട് കൊണ്ടുപോകാൻ ശ്രമിക്കുമെന്നും അദ്ദേഹം വ്യക്തമാക്കി.

രാജസ്ഥാനിൽ നിന്നുള്ള ബി.ജെ.പി എം.പിയാണ് 17-ാം ലോക്സഭയുടെ സ്പീക്കറായി ചുമതലയേറ്റ ഓം ബിർല. സ്പീക്കറെ സ്വഗതം ചെയ്തുകൊണ്ട് സംസാരിച്ച കോൺഗ്രസിന്‍റെ അധീർ രഞ്ജൻ ചൗധരിയാണ് കഴിഞ്ഞദിവസം സഭയിൽ മുദ്രാവാക്യങ്ങൾ ഉയർന്ന കാര്യം ഓർമ്മിപ്പിച്ചത്.

രാ​ഷ്​​​ട്രീ​യ എ​തി​രാ​ളി​ക​ളു​ടെ സ​ത്യ​പ്ര​തി​ജ്ഞ ‘ജ​യ്​ ശ്രീ​റാം’, ‘ഭാ​ര​ത്​ മാ​താ കീ ​ജ​യ്​’ വി​ളി​ക​ൾ​കൊ​ണ്ടായിരുന്നു ബി.​ജെ.​പി എം.​പി​മാ​ർ​ എതിരേറ്റത്.​ ബി​സ്​​മി ചൊ​ല്ലി​യും ത​ക്​​ബീ​ർ മു​ഴ​ക്കി​യും മു​സ്​​ലിം എം.​പി​മാ​ർ ​മ​റു​പ​ടി കൊ​ടുക്കുകയും ചെയ്തിരുന്നു. ഓ​ൾ ഇ​ന്ത്യ മ​ജ്​​ലി​സെ ഇ​ത്തി​ഹാ​ദു​ൽ മു​സ്​​ലി​മീ​ൻ നേ​താ​വ്​ അ​സ​ദു​ദ്ദീ​ൻ ഉ​വൈ​സി ത​​​െൻറ പ്ര​തി​ജ്ഞ ജ​യ്​ ഭീം, ​ജ​യ്​ മീം, ​ത​ക്​​ബീ​ർ, അ​ല്ലാ​ഹു അ​ക്​​ബ​ർ, ജ​യ്​ ഹി​ന്ദ്​ എ​ന്നു​ വി​ളി​ച്ചാ​ണ്​ അ​വ​സാ​നി​പ്പി​ച്ച​ത്. തൃ​ണ​മൂ​ൽ കോ​ൺ​ഗ്ര​സ്​ നേ​താ​വ്​ അ​ബൂ താ​ഹി​ർ ബി​സ്​​മി ചൊ​ല്ലി തു​ട​ങ്ങി ത​ക്​​ബീ​റി​ലാ​ണ്​ സ​ത്യ​പ്ര​തി​ജ്ഞ അ​വ​സാ​നി​പ്പി​ച്ച​ത്.

സ​ത്യ​പ്ര​തി​ജ്ഞ വാ​ച​കം നി​​ശ്ച​യി​ച്ച വാ​ച​ക​ങ്ങ​ളി​ൽ​ത​ന്നെ ന​ട​ത്ത​ണ​മെ​ന്നും ജ​യ്​ ശ്രീ​റാം, ഭാ​ര​ത്​ മാ​താ കീ ​ജ​യ്​ എ​ന്നി​വ​യ​ട​ക്ക​മു​ള്ള കൂ​ട്ടി​ച്ചേ​ർ​ക്ക​ലു​ക​ൾ പാ​ടി​ല്ലെ​ന്നും​ ക​ഴി​ഞ്ഞ ദി​വ​സം പ്രോ​ടെം സ്​​പീ​ക്ക​ർ ന​ൽ​കി​യ റൂ​ളി​ങ്​​ ധി​ക്ക​രി​ച്ചാ​ണ്​ ബി.​ജെ.​പി എം.​പി​മാ​ർ സ​ത്യ​പ്ര​തി​ജ്ഞ ചെ​യ്​​ത​ത്.